1 SAMUELA 31:8 - Khumi Common Language Bible

⁸ Tavai atiu chum nai kani pa-nyh khala y, Philistia chengchi ly khumi kadeichi teng i, vawnsai ateaung alangchi leng ai nai tym u. Huna nai khala y Kilabo mawi saleung y Sawla hawi chapo leaung thomreichi dei nai veu niu u bo.

1 SAMUELA 31:8 ပူးပေါင်းရင်းမြစ်များ

2 SAMUELA 1:20

Huni satang ly kath mary theung y py, Asakelon mary lamchira y py, thui u moh. Philistia neampachychi amo theu ai nai ngo u moh sy; Tameuh by y nai khumichi i chaniuchi, amo theu ai nai ngo u moh sy.

2 SAMUELA 1:21

“Kilabo mawichira y kani nai moh, kadam py tlo moh sy; huni mawichira i li, hlauchi ly deungrei amti amjang thawn moh sy! Ati mana nai mo nabaly, huni meingtym ly tavaimi soraichi i khopuichi taham si iy, Sawla i khupui ei cha naimy awm nai deaungkho y ne.

1 NENG SATANG 10:8

Tavai atiu pajau nai bo kani pa-nyh y, Philistia chengchi ly veuchira i vawnsaichi la u nai thym khala, Sawla hawi chapochi i veu ai Kilabo mawi y niu u.

2 NENG SATANG 20:25

Jehoshapha hawi ni i tavaimi kamkawmchi ly paleung ka-echi i vawnsaichi pakym ai nai tym u nai khala, si hawi beram neangneangchi, cha nei vawnchi, ateaungchi hawi takhra vang kateng vawnsaichi niu u nai ne. Nichi pakym nai vawnsaichi ly khri pa-rei nawi nai deaungkho y, kani thomrei pakym nai malawn py khei leila y.

1 SAMUELA 28:4

Philistia cheng tavaimichi ly Shunem mary sahawi y akachu iy, tai u bo. Sawla py Israela chengchi ai kachu iy Kilabo mawi saleung y tai u.

1 SAMUELA 31:7

Jezarela leaunghawi vai, Jordan tavo nisi mang y awm nai Israela chengchi ly Israela tavaimichi preang pawn bo, nanai thau u nai khala y, mymychi i marychi khai su iy preang u bo. Huna nai khala y Philistia chengchi ly jeu u iy, huni marychira y awm u nai ne.

1 SAMUELA 31:9

Nichi ly Sawla i lu tameang iy ni teng i leng vui nai tavai ateaungchi hawi vanrei, Philistia pri y awm nai mychi i tameuh mynchi hawi, mychi i chengchi teng y satang kahawi thui pi ai nai, khumi pato iy syn hai nai ne.