1 SAMUELA 31:6 - Khumi Common Language Bible

⁶ Hini ly Sawla py, Sawla i chapo leaung thomrei hawi thawndeang i dei nai leaungsai ne. Huni kani y Sawla i khumi bawibawichi ly dei be bo.

1 SAMUELA 31:6 ပူးပေါင်းရင်းမြစ်များ

2 SAMUELA 1:1

Sawla dei nai bo y Davida ly Amalek chengchi ai tiu pajau nai vawi ali teang i, Zikala mary y kani nyhrei awm.

2 SAMUELA 1:12

Nichi ly tavai keung y Sawla hawi Jonathan py, Areng i khumi napi nai Israela chengchi neangneang dei nai deaungkho y, kani dym pa-rei biu hai naimy vo tangam u nai ne.

1 NENG SATANG 10:6

Naibaly Sawla hawi chapo leaung thomrei py dei nai deaungkho y, ni i samrang kangpreang ly tem bo.

TARA CHIH NAI KEUNGCHI 9:54

Huna nai khala ni ly my i tavai ateaung syn pi nai thawndeang leaungrei ai palau kaliki i ni teng y, “Nang i haisau aphiu ly kai ai tleh vui jau; kai ly neampachy i kiu y dei, nanai thui nai ngai y,” napi. Hunaibaly thawndeang ly Abimelek ai haisau hawi tleh vui bo.

1 SAMUELA 11:15

Naibaly nichi bawibawi ly Kilakala mary mang y chei u i, meingtym kachaira y, Sawla ly samrang ne, nanai aeu naimy tahm pasang u bo. Nichi ly amkawm nai kapathypra talam u; naibaly Sawla hawi Israela cheng bawibawichi ly amo theu nai pawi sa u bo.

1 SAMUELA 12:17

Vai i neng ly jengha nai kanipui ne. Na i py kaimy chiu sa baly, Areng ly kani pajyh hai iy, kani nai hai ai. Huna nai khala y samrang ai nangchi hnei u lawh nai kamngo ly mana tanrei len na mo, nanai nangchi pany u ai.

1 SAMUELA 12:25

Na i py nangchi ly kamngo sa u veangveang lawh baly, samrang hawi vanrei, nangchi tama u ai,” napi.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.

1 SAMUELA 28:19

Mymy ly nang hawi vanrei Israela pri ai, Philistia chengchi i kiu y au vui ai. Khawndam nang hawi nang i chapochi ly kai i awm naira y tym u ai. Naibaly Areng ly Israela tavaimichi ai py, Philistia chengchi i kiu y au ai,” napi.

1 SAMUELA 31:5

Huni thawndeang ly Sawla dei nai niu baly, ni py haisau pado iy taba i, Sawla hawi vanrei dei bo.

1 SAMUELA 31:7

Jezarela leaunghawi vai, Jordan tavo nisi mang y awm nai Israela chengchi ly Israela tavaimichi preang pawn bo, nanai thau u nai khala y, mymychi i marychi khai su iy preang u bo. Huna nai khala y Philistia chengchi ly jeu u iy, huni marychira y awm u nai ne.