1 SAMUELA 30:8 - Khumi Common Language Bible

⁸ Huna nai khala y Davida ly Areng teng y, “Kai ly hini mary ai tiu nai khumichi nithun hui ai a? Nichi ai kapatiu ai a?,” nanai deng. Mymy ly “Nichi nithun hui; nang ly nichi ai patiu iy, langheng hawi naichi ai atleu pajau ai mang,” nanai pathang.

1 SAMUELA 30:8 ပူးပေါင်းရင်းမြစ်များ

ATITI AWM ANGCHEI NAI 14:16

Paleung ka-echi my la pi pawn nai vawnchi nga bawibawi teang. Mymy i amnau i chapo Lota hawi yhmtheaungchi, neampachychi, langheng hawi naichi ai py hawi u ali teang bo.

2 SAMUELA 5:19

Davida ly Areng teng y, “Kai ly Philistia chengchi ai tiu ai nai avo na a? Nangmy kai ai eaung hai ai a?,” nanai deng. Areng my, “Chei, kai ly nang ai eaung hai ai!” nanai pathang.

2 SAMUELA 5:23

Davida ly Areng teng y deng bi i, mymy ly “Nichi ai hini meingtym mang dengdairei tiu u moh. Nichi i tai nithun mang tapai iy, po kalang keungchi sahawi mang nichi ai tiu u.

SAM 50:15

Patang naira avum nai neng khala, kai teng y chiu so u; kai ly nangchi ai atleu ai. Nangchi my py kai ai palo u ai,” nanai leu pei bo.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

THEU NAI 15:9

Paleung ka-ei my, ‘Kai ly nichi ai kai pa-rei hui iy katiu ai; nichi teng i nga nai yhmtheaung katuichi ly amji iy, kaimy i ngai nai ngierei kala ai; kai i haisau aphiu iy nichi ai katamyh pawn ai,’ nanai thui nai ne.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

TARA CHIH NAI KEUNGCHI 20:18

Israela chengchi ly Bethela mary y awm nai, chiu nai meingtym y chei iy, “Benjamin cheng theaungchi ai ami cheng theaungchi my tiu man ai mo?,” nanai Tameuh teng y deng u bo. Areng my, “Juda cheng theaungchi my tiu u man sy,” nanai pathang.

TARA CHIH NAI KEUNGCHI 8:4

Huna nai khala Kideon hawi my i risa leaung chungvai thomreichi ly Jordan tavo y tym u i, tavo angpeang u veng bo. Nichi ly khrikhri pa-rei akawm u teu i py, paleung ka-echi ai hui u veangveang nai ne.

1 SAMUELA 10:22

khumichi ly “Sawla ny y naimy khumi takhra leaung leaungrei awm a?,” nanai Areng teng y deng u. Areng my, “Sawla ly hi y awm; ni ly vawnsaichi khai nai anui y aheu vui,” napi.

1 SAMUELA 14:37

Naibaly Sawla ly Tameuh teng y, “Kaichi ly Philistia chengchi ai tiu ai a? nang ly kaichi ai eaung hai ai a?,” nanai deng. Na i py huni kani y Tameuh ly pathang pi y.

1 SAMUELA 23:2

Hunai deaungkho y ni ly Areng teng y, “Kai ly Philistia chengchi ai tiu ai nai avo na a?,” nanai deng. Areng my, “Avo mang, nichi ai tiu iy, Keilah mary ai atleu,” nanai pathang.

1 SAMUELA 23:4

Hunai deaungkho y Davida ly Areng teng y hnei takeng bi nai ne. Areng my ni teng y, “Keilah mary y chei ly tiu; kai ly nang ai Philistia chengchi tlang tleaung y eaung hai ai,” napi.

1 SAMUELA 28:6

mymy ly mana sa ai mo, nanai Areng teng y deng bo. Na i py Areng ly amang mang py, Urim hawi Thummim hawi py, amochi hawi py, pipi pathang pi y.

1 SAMUELA 30:18

Davida ly my y aju leaung nyhrei hawi vanrei, Amalek chengchi my lawm pi pawn nai ngiereichi ai nga ali teang bo.

1 SAMUELA 30:19

Ati sai py chau y; Davida ly my i khumichi i cho chanau bawibawichi py, Amalek chengchi my lawm pi pawn nai vawnsai ngiereichi py, nga ali teang nai ne.