1 SAMUELA 30:6 - Khumi Common Language Bible

⁶ Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.

1 SAMUELA 30:6 ပူးပေါင်းရင်းမြစ်များ

ATITI AWM ANGCHEI NAI 32:7

Huna nai khala Jakob ly jei nai kaso tahyn theu i, mymy hawi vanrei awm nai khumichi ai phy nyhrei palawn bo; mymy i beramchi, sichi, ma-ichi, kula-iuchi ai py phy nyhrei palawn teang.

2 SAMUELA 17:8

Nang i ngampo hawi ni i khumichi ly tavai atiu kawp parai naichi ne, nanai py, nichi ly cho tama nai tavym nu kamta ka-jei hawi parai, nanai py nang pany chybo. Nang i ngampo ly tavai atiu kawp parai nai deaungkho y, vum y my i khumichi hawi vanrei i vai y.

2 ARENG KEH 4:27

Na i py neampachy ly Elisa teng y tym nai khala y, lu meung chum baly Elisa i kheu y takawi bo. Kehazi ly neampachy ai nui vui ai nai sa nai khala Elisa my, “Ni ai paka moh; ni i khri pa-rei paleung si nai ly nang niu y nai sai a? Hini molam y Areng ly kai ai thui pi y leang rai,” napi.

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

SAM 116:10

Kai ly jei nai deaungkho y, “Kai ly ym ai nai khumi leaungrei py by y,” nanai py,

SAM 138:3

Nang ai kaimy palau nai khala y nang ly pathang iy, kai ai atho kangtha pei panawi bo.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 18:6

Kai ly patangra avum nai y Areng ai kapalau; kasabawmra nga ai nai kai i Tameuh ai kapalau nai ne. Mymy ly Achura yhm theung i dengdairei kai i palau nai raawi tangai pi bo.

SAM 25:17

Kai i paleung bi naira bawibawi rym hai iy, kai ai ngari kamtang bawibawira i nai atleu kyh ba.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 31:24

Areng ai ajeng nai khumi bawibawichi awi, paleung khaw parai naira awm iy, vam nai paleung awm u.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:5

Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

SAM 56:11

Kai ly mymy ai ym nai deaungkho y, ami ai py jei ai ny y; khumi ly kai ai ati sa pajau ai mo?

SAM 62:1

Tameuh my kai ai atleu ai nai, kai ly paleung sau parai naimy ajeng bo; kai ly mymy ai naini abyh nai ne.

SAM 62:5

Kai ly Tameuh ai naini abyh nai ne; mymy ai athang khai bo.

SAM 71:4

Kai i Tameuh, kai ai khumi hawi y naichi teng i nai atleu kyh ba; pahyp y naimy ana nai khumichi kiu i nai atleu kyh ba.

SAM 71:5

Ati cheaungkhang sa thai nai keung aw Areng, kai ly nang ai angdeang nai ne; deaungdichy khala i dengdairei, nang ai kang ym bo.

THEU NAI 17:4

Mosi ly Areng teng y chiu sa praw i, “Hini khumichi i vui kai mana kasa pi pajau ai mo? Nichi ly kai ai lengseaung hawi aphi ka ai nai tau u dudu bo,” napi.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

JEREMIA 16:19

Aw Areng, nang ly kai ai kry iy atho pei bo. Patang naira avum nai khala sabawm bo. Khaileaung pri katemra i dengdairei khumi cheng cheaungkhangchi ly nang teng y jeu iy, “Kaichi i amsi pajochi chiu nai tameuhchi ly tameuh ka-chawi ne, atyhtyh teu. Hawi naira pei pajau y nai mynchi ne.

JONA 2:2

“Aw Areng, kai ly patang naira avum nai deaungkho y, nang teng y kang kaau bo. Nangmy py thai nai ne. Kai ly dei kho peang i dengdairei nang ai kang kaau nai raawi ly nangmy thai bo.

Kati Nai 14:10

Khumi mipuichi ly huni leu thai nai khala, nini ai lengseaung hawi aphi ka ai nai atho sa u bo. Na i py huna nai thym khala Areng i nang nai sangso kangvang ly Tabynako salo y angvang nai niu u nai ne.

MATTHAI 21:9

Naibaly mymy i mo mang y tako nai hawi mymy ai hui nai khumi mipuichi ly, “Tameuh my Davida i chapo ai tahm pasang sy; Areng i amyn y jeu nai ly tahm hawi; salo mang i nai ly Tameuh my ni ai amtheaung hai sy,” nanai aeu u.

MATTHAI 27:22

Naibaly nichi my ly, “Barabba ai,” napi. Pilata my ly nichi teng y, “Tumbaly Isu, Krista napi nai ai ly mana kasa ai mo?” napi. Nichi bawibawi my ly, “Kraws tleaung y tahen hai,” napi.

JOHAN 8:59

Hunaibaly nichi ly aphi ai nai lengseaung akhui u, na i py Isu ly aheu i achura yhm kalen pui i nai theu veng.

ROM AVANGCHI TENG Y PAWLA I CHA PA NAI 4:18

Mymy ly cheng neangneangchi i vui ampo ne thai ai nai, athang khai naira awm, nanai athang by y i py mymy ly athang khai parai nai pa-rei ym veng; “Hu jirei nang i kangpreangchi ly awm ai,” nanai thui pi rym nai kamta.

ROM AVANGCHI TENG Y PAWLA I CHA PA NAI 4:20

Sarai i teng nai py dawn teang: na i py ym naira avaw iy Tameuh i leu adeu nai ly ym thai y nai by y i,

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

II KORINTH 1:6

Na i py kaichi patang naira awm baly, huni ly nangmychi i awmnem ai naira hawi paheng ai nai vui ne; kaichi awmnem naira awm baly, huni ly nangmychi i awmnem ai nai vui ne; huni my ly kaichi i ngari patang nai sai kamta nangchi py vanrei patang teang iy, pajau tanga pa-rei kham pajau ai nai ang sa hai nai ne:

II KORINTH 4:8

Kaichi ly makeng makengrei mang y patang nai awm, na i py kaichi ly taho amchei y leang; kaichi ly ati sa ai nai dawn pajau y nai awm, na i py athang pipi by y nai awm y leang;

II KORINTH 7:5

Kaichi ly Makedonia pri y tym iy py kaichi i tlang my ly pipi awmnem naira awm lawh y leang, kaichi ly makeng makengrei mang y ly patang hai naira avum lawh; angam mang y ly ani nairachi awm iy, theung mang y ly ka-jei awm nairachi awm.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.

TARA CHIH NAI KEUNGCHI 18:25

Dan cheng theaungchi my ni teng y, “Hini khumichi ly kado theu iy, nangchi ai tiu hai ai nai ngai y baly, leu sairei py katheu u bi moh; nang hawi nangmy i yhm dengtheungchi dei pawn na,” napi.

TARA CHIH NAI KEUNGCHI 20:22

Huna nai khala y Israela chengchi ly chiu sa nai meingtymra y chei u iy, Areng i mo y kani dym nai pa-rei, vo naimy chiu sa u bo. Nichi ly mymy teng y, “Kaichi i amjo amnau Benjamin cheng theaungchi ai kaichi tavai tiu bi ai a?,” nanai deng u. Areng my, “Ne, tiu u bi,” napi. Hunaibaly Israela chengchi ly atho nga u i, risachi ai jangdyh i kamta meingtym la hai teang bo.

1 SAMUELA 23:16

Huna nai thym khala y Jonathan ly Davida teng y tym i, Tameuh i kry nai sai ai ym ai nai atho pei iy,

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.