1 SAMUELA 30:12 - Khumi Common Language Bible

¹² thaidu athai kajei maidenreichy hawi kreip athai kajei phrawn nyhrei py pei pi u. Thawndeang ly teicha teineichi cha chum baly atho awm ali teang bo. Ni ly kani thomrei ati teicha teinei py cho nei y nai ne;

1 SAMUELA 30:12 ပူးပေါင်းရင်းမြစ်များ

ESTHER 4:16

“Susa mary y awm nai Juda cheng ngiereichi ai pangym ly kai i vui biu hai iy vum thom, kani thom sai py cho nei u moh sy; kai hawi kai i miseaung neampachychi py biu kahai u ai; huni bo y samrang i reita taphra nai y ang padei lawh teu i py samrang teng y kun ai,” nanai pathang bo.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

JONA 1:17

Naibaly Areng my leu pei nai deaungkho y, ngo kalen pui amairei ly Jona ai pajawn vui bo. Jona py ngo taku theung y kani thomrei, vum thomrei aeung ai nai tla bo.

MATTHAI 27:63

“Areng awi, huni tapawp nai keung ly mymy heng nai khala y ly, ‘Kai ly kani thomrei kani y angthau teang ai,’ nanai kaichi ly adawn vau bo.

TARA CHIH NAI KEUNGCHI 15:19

Huna nai khala y Tameuh ly Lehi meingtym khaileaung thiukau naira y am-i hai i, tui theu bo. Samson ly huni tui nei i, khesere teang bo. Hunai deaungkho y huni tuino ai Hakonanai amyn pathi i, vaini khrairei Lehi meingtymra y awm nai ne.

1 SAMUELA 14:27

Na i py Jonathan ly ampo i pasawi kheih nai ly thai y; huna nai y ni ly cheaungkau hawi khawiphi thun iy pajawp, khawi bym phyrei py cha. Naibaly ni ly vaimy khesere nai ne.

1 SAMUELA 30:11

Davida hawi abawi nai khumichi ly Aikupta cheng thawndeang leaungrei ai daichi theung y avum i, Davida teng y hawi u bo. Nichi ly huni thawndeang ai teicha teinei hawi tui py,

1 SAMUELA 30:13

Davida ly ni teng y, “Nang i yhmkeung ly ami mo? Nang ly manira i jeu nai mo?,” nanai deng. Thawndeang my, “Kai ly Amalek cheng khumi leaungrei i miseaung, Aikupta khumi ne. Kai ly keaung no nai deaungkho y, kai ai yhmkeung my lawm veng nai kani thomrei khala y angdaw su nai ne.