1 SAMUELA 29:3 - Khumi Common Language Bible

³ Philistia tavai luchi ly nichi ai niu baly, “Hini Hebrai chengchi ly ati mana nai, kaichi hawi vanrei abang u lawh mo?,” nanai deng. Akhisa my, “Ni ly Israela samrang Sawla i bangtang Davida ne. Kai teng y awm nai ly kra bo. Kai mang y kun nai kani dengdairei, ni i tlang tleaung y tamang nai sai harei py kaniu y,” napi.

1 SAMUELA 29:3 ပူးပေါင်းရင်းမြစ်များ

ATITI AWM ANGCHEI NAI 14:13

Na i py khumi leaungrei ly tleaung i, Amori pri Mamre i peang nai dengkeaung thengreung sahawi y awm nai Hebrai cheng Abram teng y thui pi. Mamre hawi amnau Esakola hawi Anerchi ly Abram hawi nai asa naichi ne.

1 NENG SATANG 12:19

Davida ly Philistia chengchi hawi vanrei samrang Sawla ai tiu ai nai amsa nai khala, Manase theaungchi theung i risa phyreichi ly Davida mang y abawi u. Philistia cheng luchi my Davida ly mymy i yhmkeung Sawla mang y abawi iy, nichi ai ka-awi sa ai ngaw khyh, nanai paleung mawn i, Davida ai Zikala mary y pato teang nai ne. Hunai deaungkho y Davida ly Philistia chengchi mang y asa hai ai nai ka-dawn by y vui bo.

1 NENG SATANG 12:20

Zikala mary mang y Davida vawi vui nai thym khala, Manase theaungchi ni mang y abawi nai soraichi ly Adana, Jozaba, Jediaela, Mikhaela, Jozaba, Elihu hawi Zilethaichi ne. Nichi bawibawi ly Manase theaung leaung sangrei kamkawm tavailu arengchi ne.

DANIELA 6:5

Nichi my, “Kaichi ly Daniela i ym nai reita molam y ny y baly, takhra thui tamawn ai nai niu y,” nanai arum u bo.

JOHAN 19:6

Naibaly pathyp pi nai keung kalenchi hawi miseaung luchi my ly ni ai niu baly, “Kraws tleaung y tahen, kraws tleaung y tahen,” nanai aeu u. Pilata my nichi teng y, “Nangchi my tako hai ly, kraws tleaung y tahen u; kai ly ati sai py kamngo kaniu y leang,” napi.

ROM AVANGCHI TENG Y PAWLA I CHA PA NAI 12:17

Ami i kamngo py kamngo nai vawitheung tha u moh. Khumi bawibawichi i mei ka-niu y atiti apu ai naira dawn u rym.

I PETERA 3:16

hawi nai hawi y nai pany naira chai parai nai awm u ly, hunaibaly nichi i ang thui tamawn naira y ly nangchi i Krista y amhi amtlau nai sai kahawi ai thui tamawn nai keungchi ai ly amthang hai leaung ai.

1 SAMUELA 14:11

Hunai baly nini ly Philistia chengchi ai mo niu hai i, Philistia chengchi my, “Khen u cham! Hebrai cheng phyreichi ly mychi abyh nai khaileaung kho theung i dengdairei ang theu u bo,” nanai thui u.

1 SAMUELA 25:28

Kai i sa tamang nai molam y kamngo pahen pi kyh ba. Nang ly Areng i vui tavai atiu pi nai deaungkho y, Areng ly nang hawi nang i katu chanauchi ai samrang y palyn pi ai. Nang py nangmy deungrei, patangra avum ai ny y.

1 SAMUELA 27:1

Sawla my kanirei nai khala ly kai ai ang padei takengkei ai; Philistia pri mang y preang vui nai ly kai i vui hawi keh nai ne. Huna nai khala y ni ly kai ai Israela pri y hau y ai bo i, kai ly chymme naimy kaawm ai nai nga ai,” nanai Davida ly adawn bo.

1 SAMUELA 27:7

Philistia pri y Davida awm nai ly lo holai tariurei ne.

1 SAMUELA 29:6

Akhisa ly Davida ai palau i ni teng y, “Nang ly kai i tlang tleaung y ka-ym awm, nanai Israela chengchi my chiu nai Tameuh kangheng i amyn y kai, vaineng abeu bo. Kai ly nang ai kai hawi vanrei, tavai keung y abawi hai ai nai ngai. Kai teng y nang tym nai kani dengdairei, nang i tlang tleaung y hawi y naira harei py kaniu y. Na i py takhra samrangchi my, nang ai ngai y nai ne.

1 SAMUELA 4:6

Huni aeu nai raawi Philistia khumichi thai u nai khala y, “Hebrai tavaimichi taira i dengdairei aeu nai raawi tangai u cham; huni raawi ly ati mo?,” nanai thui u. Nichi ly Areng i Leu Maikawm Pawm, Hebraichi tai nai mang y tym nai pany u nai khala y,