1 SAMUELA 28:6 - Khumi Common Language Bible

⁶ mymy ly mana sa ai mo, nanai Areng teng y deng bo. Na i py Areng ly amang mang py, Urim hawi Thummim hawi py, amochi hawi py, pipi pathang pi y.

1 SAMUELA 28:6 ပူးပေါင်းရင်းမြစ်များ

2 SAMUELA 22:42

Nichi ly atleu ai nai keung hau i py, atleu nai keung by y; Areng ai palau u teu i py, pathang pi y.

SAM 74:9

Kaichi i reita leaungsai ka-ma-ra bawibawichi py by y bo; amochi py by y pawn bo; huna nai tym nai ly mana tanrei kra ai mo, nanai ami py pany khyp pajau y.

THEU NAI 28:20

palyh i lamra ly birula lengseaung, karnelian lengseaung, Jasper lengseaungchi ne. Hunichi ai ly muku kriu theung y khai typ ai nai tla.

THEU NAI 28:30

Aron ly kai i mo y jeu nai khala, Urim hawi Thummim amthyp iy kun pajau ai nai, ni i tangtaang adangra y huni Urim hawi Thummim ai pacheang ai nai tla. Israela chengchi ly kai i kangai pany thai ai nai, Aron ly kai i mo y kun nai tleirei, huni tangtaang adangra amthyp ai nai tla.

LEU KACHENG 27:1

Khawndam i vui mana khala py amlyh reng moh. Vaini hawi khawndam sala y mati na mo, nanai nang pany pajau y leang.

JEREMIA 23:28

Amang amang nai amo ly my i niu nai ly amang teu y, nanai thui ai nai avo khyp. Na i py kai i leu pei nai thai nai amo ly huni leu pei nai ai meitang khyp naimy thui pi ai nai tla. Chohnei hawi pata baly choh ali ly ati hawi naira awm mo?

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

JOELA 2:28

“Naibaly kai ly kaimy i Phailo ai, khumi bawibawichi tlang tleaung y leih pi ai. Nang i cho chanauchi ly kai i leu pei nai ahei hai ai. Saneng len nai khumichi ly amangchi amang u ai i, thawndeang deaungdichi ly paleung mei y niu u ai.

Levi 8:8

Tangtaang adangra tai pi chum baly, hunira y Urim hawi Thummim khai pi nai ne.

MIKHA 3:7

Mo mang i satang thui nai khumichi ly thui nai leu teng y nai deaungkho y, kangji nga u ai. Nichi ly Tameuh teng i thui nai leu ngo y nai y, tahm anem u ai.

Kati Nai 12:6

Areng my, “Vai kai i leu pei nai tangai hawi! Nangchi theung y amochi awm khala kai ly nichi teng y amang mang py, amei-amang jyh y py amteng hai iy kang thui pi.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

MATTHAI 1:20

Na i py mymy ly huni leu adawn nai thym khala y khen cham, Areng i kani pri i amtaw thau nai leaungrei ly amang mang y ni teng y amteng i, “Davida i kangpreang Josepha awi, nang i aju mari ai pom ai nai jei moh: mymy i deaungdi aniu nai ly Phailo Kachai i aniu hai nai teu na a.

JOHAN 9:31

Tameuh my khumi kamngo i leu tangai pi y, nanai achi pany; na i py ami py Tameuh ai chiu iy mymy i kangai sa baly, Tameuh ly mymy ai tangai pi reng.

Leu Thui Nai 33:8

Levi theaung ai patyp iy thui nai ly: “Aw Areng, nang i kangai ly nang ai ka-ym awm nai Levi theaung dengdairei, Urim hawi Thummim saho y nangmy i kangai amteng hai bo; nang ly Massah meingtym y nichi ai ka-ym awm mo, by y mo cham iy, Meriba micheaung y nichi ka-ym awm, nanai pany bo.

JAKOB 4:3

Nangchi hnei, na i py nangchi i hnei nai teng y nai deaungkho y ngo y, nangmychi i ngai phi teng y naira y teaung ai nai tau lawh nai y.

1 SAMUELA 14:37

Naibaly Sawla ly Tameuh teng y, “Kaichi ly Philistia chengchi ai tiu ai a? nang ly kaichi ai eaung hai ai a?,” nanai deng. Na i py huni kani y Tameuh ly pathang pi y.

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.

1 SAMUELA 28:5

Sawla ly Philistia tavaimichi ai niu nai khala y jei hyn na i,