1 SAMUELA 28:14 - Khumi Common Language Bible

¹⁴ Sawla my, “Huni ly mana mo-cha awm mo?,” nanai deng. Neampachy my, “Huni khumi ly miteaung pui leaungrei ne iy, baichu kangjiu adam nai ne,” nanai pathang. Naibaly Sawla ly Samuela ne, nanai pany i, tahm khai nai khaileaung y meung bo.

1 SAMUELA 28:14 ပူးပေါင်းရင်းမြစ်များ

1 ARENG KEH 19:19

Elija ly hu i nai theu nai khala y, si katai nyhrei hawi li thawn nai Elisa ai avum; ni i mo y si katai bom holai nyhrei awm i, ni ly kangkhym mang si bomrei hawi li thawn nai ne. Elija ly my i ateaung aleng iy, Elisa i tlang tleaung y chang bo.

2 ARENG KEH 1:7

Samrang my, “Huni khumi i mo-cha ly ati atawm mo?” napi.

2 ARENG KEH 2:8

Naibaly Elija ly my i ateaung aleng iy taeang i, tui y pakhau bo. Huna nai khala tui ly akhawi vui i, nini leaung nyhrei ly khaileaung kaphui salo y tako iy, tavo vai mang y ang peang hawi nai ne.

1 SAMUELA 15:27

Naibaly Samuela ly amhi iy tako pi vui ai nai khala y, Sawla my ni i baichu kangjiu ai amkhaw cheng i, baichu ly aseih vui bo.

1 SAMUELA 24:8

Huna nai khala y Davida ly ni i nithun mang hui iy, “Samrang awi!” nanai palau. Sawla ly amhi iy khen nai khala y, Davida ly tahm khai parai naimy khaileaung y lu meung iy

1 SAMUELA 28:13

Samrang my, “Jei moh! nang i niu nai kai ai thui pi,” napi. Neampachy my, “Khaileaung theung mang theu nai phailo harei kaniu,” napi.