1 SAMUELA 27:8 - Khumi Common Language Bible

⁸ Hunanai neng thym khala y Davida hawi mymy i khumichi ly keshura cheng, Kirazi cheng hawi Amalek chengchi i khu ka-peangchi ai, Aikupta pri sahawi i Sura mary y khrairei, tiu u reng nai ne.

1 SAMUELA 27:8 ပူးပေါင်းရင်းမြစ်များ

2 SAMUELA 14:23

Naibaly ni ly ang thau iy keshura mary y chei i, Abasalom ai Jerusalem mary y vawi hai bo.

2 SAMUELA 14:32

Abasalom my, “Kai i vui samrang teng y atli pi ai ngai nai deaungkho y, kang palau hai bo. Kai ly ati mana nai y keshura mary khai su iy, hini meingtym y tym lawh mo? Huni mary y awm nai ly kai i vui hawi keh alam ai. Samrang hawi avum ai nai, kai i vui so pi. Kai, kamngo awm lawh baly, samrang ly kai ai padei teu na sy,” nanai Juaba teng y thui pi bo.

2 SAMUELA 15:8

Kai ly Suria pri keshura mary y awm nai thym khala y, Areng my kai ai Jerusalem mary y tym hai teang baly, Hebron mary y chei iy nang ai kang chiu ai, nanai kai ly adeu nai ne,” napi.

2 SAMUELA 3:22

Naibaly Juaba hawi Davida i takhra tavaimi risachi ly tavai atiura i lawm nai vawnsai neangneangchi hawi vawi u bo. Abana ly Davida hawi vanrei, Hebron mary y by y leang bo. Ati mana nai mo nabaly Davida my ni ai paleung kahawi my pato chum veng nai deaungkho y ne.

2 SAMUELA 3:3

Chapo pa-nyh ly Khilet ne i, ni i amhm ly Karamela mary Nabala i aju tavau Abikaila ne. Chapo pa-thom ly Abasalom ne; ni i amhm ly keshura samrang Talamai i chaniu Maaka ne.

2 SAMUELA 8:12

Hunai kamta mymy i eaung nai Edom, Moba, Ammon, Philistia hawi Amalek prichira i nga nai muku, tangkachi hawi Hadadeza teng i nga nai vawnsai phyreichi ai py, Tameuh teng y au nai ne.

1 NENG SATANG 2:23

Na i py Keshura hawi Aram samrang nini ly huni pri i Ja-ira hawi Kena avangchi raurei, tengpang sahawi i mary 60 reichi ai tiu i, peang vui nai ne. Huni meingtym y awm nai khumi bawibawichi ly Kilead i ampo Makhira i katu chanauchi ne.

THEU NAI 15:22

Naibaly Mosi my Israela chengchi ai Pangli Kamsen dengdairei Shura daichi ka-vym y tym hai bo. Nichi ly kani thomrei daichi ka-vym y tako u veangveang i py tui avum y.

THEU NAI 17:8

Amalek chengchi ly Rephidim meingtym y chei iy Israela chengchi ai tiu u nai ne.

Kati Nai 13:29

Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

Kati Nai 14:45

Naibaly huni meingtym y awm u nai Amalek chengchi hawi Kanan chengchi ly nichi ai tiu nai pajau i, nichi ai Hormah mary y khrairei preang u nai ne.

JOSUA 12:5

Ni i pri y Harmon mawi, Salekah pri, Kesuri pri hawi Maaka pri khujyh ryrei kau nai Bashan pri verei py, Hesabon samrang Sihon my peang nai pri khujyh tym pa-rei kau nai Kilead pri ka-hyhrei py abawi nai ne.

JOSUA 13:13

Na i py Israela chengchi ly Kisuri cheng hawi Maaka chengchi ai patheu y nai deaungkho y, vaini khrairei Israela pri y awm u nai ne.

JOSUA 13:2

Philistia pri verei, Kesuri khu verei hawi,

JOSUA 16:10

Na i py nichi ly Keza mary y awm nai Kanan chengchi ai patheu pawn y naimy, mychi teng y miseaung palawn iy awm hai bo.

TARA CHIH NAI KEUNGCHI 1:29

Mary y awm nai Kanan chengchi ai patheu y naimy awm u bo. Hunai deaungkho y Kanan chengchi ly nichi hawi vanrei awm u jojo nai ne.

1 SAMUELA 29:6

Akhisa ly Davida ai palau i ni teng y, “Nang ly kai i tlang tleaung y ka-ym awm, nanai Israela chengchi my chiu nai Tameuh kangheng i amyn y kai, vaineng abeu bo. Kai ly nang ai kai hawi vanrei, tavai keung y abawi hai ai nai ngai. Kai teng y nang tym nai kani dengdairei, nang i tlang tleaung y hawi y naira harei py kaniu y. Na i py takhra samrangchi my, nang ai ngai y nai ne.

1 SAMUELA 30:1

Kani nyhrei nai khala y Davida hawi my i khumichi ly Zikala mary y tym u ali teang bo. Amalek chengchi ly Juda pri tokalawi mang y kun iy, Zikala mary ai tiu i mai leng vui;