1 SAMUELA 27:1 - Khumi Common Language Bible

¹ Sawla my kanirei nai khala ly kai ai ang padei takengkei ai; Philistia pri mang y preang vui nai ly kai i vui hawi keh nai ne. Huna nai khala y ni ly kai ai Israela pri y hau y ai bo i, kai ly chymme naimy kaawm ai nai nga ai,” nanai Davida ly adawn bo.

1 SAMUELA 27:1 ပူးပေါင်းရင်းမြစ်များ

1 ARENG KEH 12:26

Naibaly mymy ai mymy naimy, “Kai i khumichi ly vai i kamta Jerusalem mary i Achura yhm y chei iy, kapathypra talam u lawh baly, Juda samrang Rehoboam teng y nichi paleung apei u ai i, kai ai ang padei u ai,” nanai adawn pasym nai ne.

1 ARENG KEH 12:28

Huna adawn nai bo y Jeroboam ly muku hawi si kataicho myn sa iy mipuichi teng y, “Nangchi ly Jerusalem mary y chei iy Tameuh ai chiu nai neng kra parai bo. Israela khumichi awi, Aikupta pri i dengdairei ang pahawi nai tameuhchi ly hini tameuhchi ne!” napi.

1 ARENG KEH 19:3

Elija ly jei nai deaungkho y lawira nga ai nai preang vui bo. Ni ly my i miseaung ai hawi iy, Juda pri Baraseba mary mang y tako jo nai ne. Miseaung ai ly huni mary y daw jo iy,

2 NENG SATANG 25:17

Juda samrang Amazia ly Israela pri y tiu ai nai kangviu y dawn pasym chum baly Jehu i katu, Jehoaha i chapo samrang Jehosha teng y savai pato i, mymy hawi tavai atiu ai nai palau teang.

SAM 116:11

“Kai ly khri pa-rei paleung mawn naira avum bo,” nanai py, kathui nai khala y, Areng ai ym veangveang nai ne.

SAM 55:7

Kai ly khri pa-rei palo nai meingtym mang y angkheang iy, daichi ka-vymra y kaawm ai.

THEU NAI 14:12

Hina nai kamta awm lawh na, nanai Aikupta pri i theu y rai khala y, kaichi ly nang ai kang thui pi y nai sai a? Aikupta pri y miseaung achei py khere i khyly hawi alam chybo. Hini daichi ka-vym y dei nai tleaung y ly miseaung achei nai hawi keh alam,” nanai josei u bo.

LEU KACHENG 13:12

Athang khai naira by y nai khumi ly paleung phra athosi reng; na i py aly ngai nai nga angym nai khumi ly amo theu.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

Kati Nai 14:3

Areng ly ati mana nai y kaichi ai, huni pri mang y pahawi lawh mo? Kaichi ly tavai keung y kadei u ai bo he. Kaichi i aju chanauchi ly paleung ka-echi my patiu vui ai. Lu sa nai keung vawi iy Aikupta pri y vawi ali teang nai ly hawi khere y a?,” nanai josei u bo.

MATTHAI 14:31

Naibaly Isu my kiu jaha praw iy, ni ai amkaw i ni teng y, “Nang ym naira di nai awi, ati mana nai ym thai y nai awm lawh a?” napi.

MARKA 4:40

Naibaly mymy ly nichi teng y, “Nangchi ly ati mana nai jei u kaau mo? Nangchi ly ym naira by y rai a?” napi.

II KORINTH 7:5

Kaichi ly Makedonia pri y tym iy py kaichi i tlang my ly pipi awmnem naira awm lawh y leang, kaichi ly makeng makengrei mang y ly patang hai naira avum lawh; angam mang y ly ani nairachi awm iy, theung mang y ly ka-jei awm nairachi awm.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 16:13

Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.

1 SAMUELA 20:3

Na i py Davida my, “Nang ly kai ai mana tanrei tamen mo, nanai nang i ngampo pany nai ne. Nang paleung hawi y lawh na, nanai mawn hai nai deaungkho y, ni ly mymy i dawn yb nai, nang teng y thui pi y leang. Kai ly dei ai nai kheukan harei ngai khyh bo, nanai heng nai keung Areng Tameuh amyn y, nang teng y vaineng abeu bo!,” napi.

1 SAMUELA 22:5

Naibaly amo Kad ly Davida teng y chei i, ni teng y, “Nang ly hi y awm jo moh; Juda pri mang y vaimy chei vui,” napi. Hunai deaungkho y Davida ly Hereth daichi ka-vym mang y theu jo bo.

1 SAMUELA 23:17

ni teng y, “Jei moh, kai i ampo Sawla ly nang i tlang tleaung y ka-jeira tym hai pajau ai ny y leang; nang ly Israela chengchi i samrang lawm ai nai py, kai ly nang i bangtang lawm ai nanai py, ni ly pany hawihai bo,” napi.

1 SAMUELA 25:30

Areng ly mymy i adeu nai ngierei, hawi nairachi nang teng y ang pei takengkei iy, Israela samrang y ang khai takhra nai khala y,

1 SAMUELA 26:19

Tahm awm parai nai samrang awi, kai i thui nai leu tangai pi kyh ba. Nang ai kai hawi paleung ka-e lawm pa-rei sa nai keung ly Areng ne lawh baly, kado theu nai rym hai ai nai kapathypra talam pajau nai ne. Na i py paleung ka-e lawm hai nai keung ly khumichi ne lawh teu baly, nichi ly Areng i amsawi lawi u na sy. Israela chengchi teng y Areng i pei nai khu ka-peang i dengdairei, cheng takhrachi i tameuhchi ai chiu pajau nai khu ka-peang mang y kai ai nichi my patheu u bo.

1 SAMUELA 29:2

Philistia samrang leaung pangreichi ly mychi i tavaimi leaung chungvairei kamkawm, leaung sangrei kamkawmchi hawi tavai amsa u bo. Davida hawi my i khumichi ly nithun mang Akhisa samrang hawi vanrei abang u.

1 SAMUELA 29:3

Philistia tavai luchi ly nichi ai niu baly, “Hini Hebrai chengchi ly ati mana nai, kaichi hawi vanrei abang u lawh mo?,” nanai deng. Akhisa my, “Ni ly Israela samrang Sawla i bangtang Davida ne. Kai teng y awm nai ly kra bo. Kai mang y kun nai kani dengdairei, ni i tlang tleaung y tamang nai sai harei py kaniu y,” napi.