1 SAMUELA 26:6 - Khumi Common Language Bible

⁶ Naibaly Davida ly Hiti khumi Ahimelek hawi, Joaba i amnau Abisai teng y, (nichi i amhm ly Zeruiah ne.) “Nangni leaung nyhrei theung i ami nai ly Sawla i tai naira mang y kai hawi vanrei abang ai mo?,” nanai deng. Abisai my, “Kai abang ai,” nanai pathang.

1 SAMUELA 26:6 ပူးပေါင်းရင်းမြစ်များ

ATITI AWM ANGCHEI NAI 10:15

Kanan i chapo chalu ly Sidon ne; Hetha py Kanan i chapo ne teang i, nichi ly nichi i amyn angam nai khumi chengchi i amsi pajochi ne.

ATITI AWM ANGCHEI NAI 15:20

Hiti pri, Perizi pri, Rephaim pri,

ATITI AWM ANGCHEI NAI 23:3

Mymy ly aju veu heung naira i theu iy Hiti chengchi teng y chei i nichi teng y,

ATITI AWM ANGCHEI NAI 26:34

Esaw saneng vui palyhrei awm nai khala ly Hiti cheng theung i anglo leaung nyhrei, Beri i chaniu Juditha hawi, Elon i chaniu Basemath nini ai pom bo.

2 SAMUELA 11:21

Kideon i chapo Abimelek ly ati mana dei mo, nanai pany u y nai sai a? Thebe mary i neampachy leaungrei ly mary apai salo mang dengdairei, choh nip naira sum hawi, ni ai pala hai ka bo. Ati mana nai deaungkho y nangchi ly mary apai sahawi mang y chei u lawh mo?’ nanai angdeang baly ni teng y, ‘Nang i tavailu Uriah py dei bo’ nanai amti pi,” napi.

2 SAMUELA 11:24

Naibaly nichi ly mary apai salo mang dengdairei thailiho hawi ang ko i, nang i tavailu phyreichi dei, nang i tavailu Uriah py dei bo,” nanai amti pi.

2 SAMUELA 11:6

Huna nai khala y Davida ly Juaba teng y, “Hiti cheng Uriah ai kai teng y pato,” napi ai nai khumi pato. Hunaibaly Juaba ly Uriah ai Davida teng y pato bo.

2 SAMUELA 12:9

Nang ly ati mana nai y, kai i leu pei nai tangai y lawh mo? Ati mana nai hini hawi y naira sa lawh mo? Nang ly Uriah ai tavai keung y dei hai bo. Ammon khumichi ai ly ni ai padei ai nai pei iy, ni i aju ai la vui lawh ly!

2 SAMUELA 18:5

Davida ly Juaba, Abisai hawi Itai teng y, “Kai i meimai y dawn iy deaungdi Abasalom ai patang naira tym hai moh ba,” nanai leu taviu. Hina nai kamta tavai luchi teng y leu taviu nai ly tavaimichi thai u bo.

2 SAMUELA 2:13

Zeruiah i chapo Juaba hawi Davida i tavaimi risachi py, Kibeon tuikan sahawi y tym iy, nichi hawi avum u. Nichi khumi kamkawm nyhrei ly tuikan i makeng makengrei mang y meingtym la u.

2 SAMUELA 2:18

Zeruiah i chapo leaung thomrei, Juaba, Abisai, Asahelachi ly tavai keung y abawi u. Asahela ly sisiu kamta angpreng rang parai nai ne.

2 SAMUELA 23:18

Juaba i amnau Abisai ly amyn amthang nai risa leaung phaireichi i lu ne. Ni ly khumi leaung chungvai thomreichi ai tivi hawi padei pajau nai deaungkho y, amyn amthang nai risa leaung phaireichi theung y amyn len nai ne.

1 ARENG KEH 10:29

Nichi ly Hiti hawi Suria samrangchi teng y keaungngo harei y tangka chang chungvai tariurei, ka-ri harei y tangka chang chungvai atlo vui pangrei y jo nai ne.

2 ARENG KEH 7:6

Areng my Suria khumichi teng y, keaungngo atang nai risachi, tavai ka-richi hawi tavaimi kamkawm pui tavai thau nai katyn thai hai nai deaungkho y, Suria khumichi my, “Israela samrang ly achi ai tiu ai nai Hiti samrang hawi Aikupta samrangchi teng y kasabawmra hnei nai bo,” nanai thui u.

JOSUA 3:10

Nangchi amsa u nai khala, Tameuh ly Kanan cheng, Hiti cheng, Hivit cheng, Perizi cheng, Kirakashi cheng, Amori cheng hawi Jebusi chengchi ai patheu takengkei ai.

1 SAMUELA 26:7

Hunaibaly huni vum y Davida hawi Abisai ly Sawla i tavai tai naira mang y kun hawi i, tavai taira umtang y Sawla ly mymy i tivi luleung y cheaung iy, i-ngym nai niu hawi bo. Abana hawi tavaimi risachi ly Sawla sahawi y i u mang nai ne.