1 SAMUELA 25:39 - Khumi Common Language Bible

³⁹ Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.

1 SAMUELA 25:39 ပူးပေါင်းရင်းမြစ်များ

2 SAMUELA 1:16

Davida my Amalek khumi teng y, “Hina nai tym nai ly nangmy i sa nai leaungsai ne; nang ly Areng my khai takhra nai samrang ai kapadei bo, nanai thui khyp nai deaungkho y, nangmy ai nangmy padei nai teu bo,” napi.

1 ARENG KEH 2:44

Nang ly kai i ampo tlang tleaung y sa tamang nai bawibawi ly pany nai ne. Hunichi molam y Areng my nang ai pajeng ai.

ESTHER 7:10

Huna nai y Haman ly Modekai i vui leng pi nai akaeura yhmmawmra y my akaeu iy dei nai ne. Huni bo y amran ly kado theu nai rym bo.

ESTHER 9:25

Na i py Esther ly samrang teng y kun iy hnei takeng nai khala, samrang my leu pei nai cha patheu pi nai deaungkho y, Haman ly Juda chengchi i vui dawn yb nai deira y, mymy naimy avum nai ne. Mymy hawi mymy i chapo leaung horeichi ly akaeu nai yhmmawmra y dei naira avum u.

SAM 7:16

Hunai deaungkho y nichi ly mychi i hawi y sa nai molam y, pajeng naira avum u bo; mychi i khrukhra nai molam y tamo nga u nai ne.

SAM 9:5

Nang ly Tameuh ai pany y nai khumichi ai pajeng bo; khumi hawi y naichi ai taphra pawn nai deaungkho y nichi i cheng ly myh vui ai.

LEU KACHENG 18:22

Aju nga nai khumi ly taham hawi i, Areng teng i amtheaungra nga ai.

LEU KACHENG 19:14

Khumi ly yhm hawi yhmtheaung katui ai, amhm ampo teng i amtym pajau. Na i py cheng naira awm nai aju ai Areng my vui pi khala naini, nga pajau nai ne.

LEU KACHENG 22:23

Areng ly nichi i mang y asa hai ai. Nichi i heng nai ai pajei pahyn nai khumichi ai Areng my pajei pahyn teang ai.

LEU KACHENG 31:10

Kaja awm nai aju ai hau iy, avum ai nai ly khri pa-rei rai parai na! Ni ly amia lengseaung tleaung y py, vang teng keh na a!

LEU KACHENG 31:30

Paleung ka-dawn apei vui na pa-rei, apu parai naichi py tama pajau. Na i py Areng ai jei kaji naimy tahm khai nai neampachy ai ly palo ai ataing nai ne.

Solomon i khulym 8:8

Kaichi teng y yhmtheaung sa ai lawm y rai nai tuichochy leaungrei awm; ni ai khrei nai khumi awm nai khala y, achi ati mana sa ai mo?

MIKHA 7:9

Kaichi ly kamngo sa nai deaungkho y, tanarei ly Areng i kado theu nai avum u ai. Na i py mymy ly kangkhym y kaichi i molam ama hai iy, leu meitang naimy tara chih ai. Mymy ly kaichi ai kangvang mang y pahawi ai. Kaichi ly mymy i atleu nai niu takengkei ai.

II KORINTH 13:7

Naibaly nangchi ly atiti hawi y nai ly den py so u y ai nai kaichi ly Tameuh teng y chiu sa; huni ly kaimychi i hawi naira amteng hai thai ai nai ny y i, nangchi ly apu nai ngierei sa u thai ai nai teu, kaichi ly cham naira y eaung y nai kamta awm lawh teu iy py.

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

II TIMOTHEI 4:18

Areng my ly kai ai hawi y sa naira bawibawi i nai ang tleaung hai ai i, mymy i kani pri y peang naira tym pa-rei chymme naimy ang paheng ai; mymy teng y deungtasa khrairei nang parai naira awm sy. Amen.

TARA CHIH NAI KEUNGCHI 5:2

Areng ai palo u! Israela chengchi ly tavai atiu ai nai leu pacheang yb bo. Khumi mipuichi py paleung apei parai i, amo theu naimy abawi u.

1 SAMUELA 24:15

Ani leaung nyhrei theung y ami tamang mo, nanai Areng my tara chih pi ai. Mymy ly hini molam y chih pi sy; kai mang y asa nai ne i, kai ai nang kiu i nai atleu pi sy,” napi.

1 SAMUELA 25:26

Paleung ka-echi ai nangmy padei iy vawitheung tha y ai nai paka nai keung ly Areng ne. Nang i paleung ka-echi py, nang ai ka-jeira pei ai ngai nai khumi bawibawichi py, Nabala kamta kamngo pajengra avum u sy, nanai Tameuh kangheng i amyn y kai, vaineng abeu bo.

1 SAMUELA 25:32

Davida my ni teng y, “Vaini kai hawi avum ai nai nang ai pato nai keung Israela chengchi i Areng Tameuh ly palo naira awm sy!

1 SAMUELA 25:34

Areng ly nang ai ka-jeira tym hai y ai nai py, kai ai ang paka bo. Na i py nang ly kai teng y tym kasa y lawh ai nabaly, khawndam khutawi y naimy Nabala i khumi bawibawichi ai kapadei pawn ai, nanai Tameuh kangheng i amyn y kai vaineng abeu bo!,” napi.

1 SAMUELA 25:40

Ni i miseaungchi ly Karamela mary y chei iy, Abikaila teng y, “Davida ly nang hawi apom ai ngai nai deaungkho y, nang ai hawi ai nai kaichi ai pato nai ne,” napi u.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.