1 SAMUELA 25:29 - Khumi Common Language Bible

²⁹ Khumi leaung leaungrei ly nang ai tiu iy padei ai nai atho sa lawh teu baly, khumi ly vang kateng vawnsai ai kryme reng nai kamta, Areng ly nang ai chymme naimy ang kry ai. Nang i paleung ka-echi ai ly khumi my lengseaung akawi ai lijai hawi ko nai kamta, palo parai naira mang y nangmy aphi vui ai.

1 SAMUELA 25:29 ပူးပေါင်းရင်းမြစ်များ

ATITI AWM ANGCHEI NAI 15:1

Huni bo y, Areng ly Abram teng y paleung mei y niu hai nai ly “Abram jei moh; Kai ly nang ai ka-jeira i nai ama hai iy, nang ai len parai nai kawn vang kang pei ai,” napi.

2 SAMUELA 4:8

Hebron mary y tym hawi nai khala, nini ly Davida teng y, “Nang ai padei ai hau nai, nang i paleung ka-e Sawla chapo i lu ne he. Vaini Areng ly nang ai, Sawla hawi katu chanauchi i tlang tleaung y, vawitheung tha ai nai pei nai bo,” napi iy Isboseth i lui talam pi bo.

JOBA 27:22

Nichi preang veng ai nai atho sa nai thym y huni ali ly nichi i tlang tleaung y pahyp y naimy aho ai.

SAM 116:15

Areng i khumichi theung y leaungrei dei vui baly, mymy i vui sum naira khri pa-rei len na!

SAM 54:3

Paleung len amlyh nai khumichi ly kai ai tiu ai nai ang jeu u bo; Tameuh ai tahm khai y iy, pahyp y naimy ana nai khumichi ly kai ai padei ai nai atho sa u bo.

SAM 66:9

Mymy ly achi ai dei hai y naimy, tlang heng ai nai ang pei bo; achi ai atlym hai y nai ne.

JEREMIA 10:18

Nangchi ai lijaira i lijai alyn ko nai kamta, Areng ly nangchi ai hini pri i nai, leaungrei py by y pa-rei paryh pawn ai. Nangchi ly patiu naira avum nai deaungkho y, paleung phra u ai.

MALAKHI 3:17

Ati cheaungkhang sa thai nai Areng my, “Hini khumichi ly kai i khumichi lawm ai. Nichi ly kaimy tara chih nai kani y kai i khumi kypkypchi lawm ai. Ampo ly my i miseaung kamta sa nai chapo tlang tleaung y pahen nai kamta, kai py nichi tlang tleaung y pahen ai.

JOHAN 14:19

Kra y nai sala y ly khaileaung prichi my kai ai niu ai ny y; na i py nangchi ly niu ai: kai ly heng nai deaungkho y nangchi py heng ai.

JOHAN 17:21

nichi bawibawi bomrei awm thai ai nai hunichi i vui ly chiu kasa pi nai khyh ny y leang; nichi i leu deaungkho y kai ai ym ai naichi i vui py chiu kasa pi nai ne.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

Leu Thui Nai 33:29

Israela chengchi awi, nangchi ly khri pa-rei taham hawi! Areng my nangchi ai atleu nai deaungkho y, nangchi ly asa takhra nai cheng ne. Nangchi ai ama hai ai nai hawi paleung ka-echi ai eaung ai nai Areng mymy kypkyp ly nangchi i khupui hawi haisau ne. Nangchi i paleung ka-echi ly pahenra nga ai nai ang jeu u ai, naibaly nangchi ly nichi ai chiu u piupa vui ai.

I PETERA 1:5

nangchi ly kangkhym kangtem i neng y amteng ai nai sa rym nai paheng naira nga ai nai, ym naira deaungkho y Tameuh i sa thai naira y nangchi ai ang typ nai ne.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.