1 SAMUELA 25:28 - Khumi Common Language Bible

²⁸ Kai i sa tamang nai molam y kamngo pahen pi kyh ba. Nang ly Areng i vui tavai atiu pi nai deaungkho y, Areng ly nang hawi nang i katu chanauchi ai samrang y palyn pi ai. Nang py nangmy deungrei, patangra avum ai ny y.

1 SAMUELA 25:28 ပူးပေါင်းရင်းမြစ်များ

2 SAMUELA 5:2

Vaichi khala Sawla samrang lawm nai thym khala y, nang ly Israela cheng theaung bawibawichi ai lu sa iy, tavai thau nai ne. Areng my py ‘Nang ly kai i khumichi ai lu sa iy, nichi ai peang ai nai tla ai’ nanai nang ai leu ang pei bo,” napi u.

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

2 SAMUELA 7:27

Israela chengchi i Tameuh, ati cheaungkhang sa thai nai keung Areng awi, nang i miseaung teng y hini atitichi pany hai iy, nang i miseaung kai i katu chanauchi ai samrang y palyn pi ai, nanai leu pei nai deaungkho y, kai ly nang teng y chiu sa hnei takeng vam nai ne.”

1 ARENG KEH 15:3

Abijah ly ampo i kamngo sa nai kamta sa teang; ni ly my i Areng Tameuh ai pajo Davida kamta ly ka-ym by y.

1 ARENG KEH 15:5

Ati mana nai mo nabaly Davida ly Areng i kangai naini sa khyh nai deaungkho y ne. Samrang Davida ly Uriah i molam y ny y baly, ati takhra mana khala py, mymy i leu pei naichi taphra vai y.

1 ARENG KEH 9:5

Nang i ampo Davida i Israela samrang atehra tleaung y ateh nai samrang kamtawm avaw hai y ai, nanai adeu nai kamta kang sa pi ai.

1 NENG SATANG 17:25

Nang ly nangmy i miseaung kai ai hini atitichi patei pi nai py, kai i kangpreangchi ai samrang y tahm pasang pi ai nai leu pei nai molam py, kai ly nang teng y hnei takeng vam nai ne.

2 NENG SATANG 20:15

Jahaziela my, “Samrang hawi vanrei Juda khumichi, Jerusalem mary i khumichi awi, nangchi ly paleung phra atho di u moh. Hini tavaimi kamkawm pui hawi atiu ai nai jei u moh, nanai Areng my leu pei nai ne. Hini tavai ly nangchi i vui ny y, Tameuh i vui teu.

SAM 7:3

Aw kai i Areng Tameuh, kai ly khumi leaung leaungrei ai katamang lawh baly, kaimy i ahawi tlang tleaung y vaineng kataphra lawh baly, paleung ka-e ai ati sa py ny y naimy kasa atyhtyh lawh baly,

SAM 89:29

Ni i pri ly kani khusang kamta khaw hai ai; ni i katu chanauchi ly samrang lawm jojo ai.

Kati Nai 23:21

Israela chengchi ly vai mo mang y py patang naira, taham si nairachi avum ai nai kai niu y. Nichi i Areng Tameuh ly nichi hawi vanrei awm; Areng ly nichi i samrang ne, nanai amthang hai bo.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

LUKA 23:41

Na i py ani ly ataing khyp, amyni i hawi y sa nai vang nga nai teu; na i py hini khumi ly ati sa py hawi y sa nai by y,” nanai ni ai jo.

LUKA 23:47

Naibaly tavaimi chungvairei lu ly huna naichi niu i, “Hini khumi ly khumi kahawi ne khyp nai bo, lawi pajau y,” nanai Tameuh ai palo ryp.

1 SAMUELA 15:28

Samuela my ni teng y, “Areng ly vaini my Israela pri ai, nang teng i nai la vui iy nang tleaung y hawi keh nai khumi leaungrei i kiu y au veng bo.

1 SAMUELA 17:47

Mymy ly my i khumichi ai atleu ai nai molam y haisau, tivi ateaungchi teaung ai nai aly ngai y nai py, hini meingtym y awm nai khumichi my niu u ai. Mymy ly tavai leaungsai kawp keh nai ne i, nangchi bawibawi ai kai i kiu y ang-au ai,” napi.

1 SAMUELA 18:17

Naibaly Sawla ly Davida ai palau iy, “Kai teng y chaniu kalen Merab awm. Nang ly Areng i tavaichira y vam parai naimy atiu iy, kai i kalop sa pi ai nabaly, kai ly nang ai hini chaniu hawi apom hai ai,” napi. (My i kiu y padei y naimy, Philistia chengchi kiu y dei hai ai nai paleung ka-kawi kun bo.)

1 SAMUELA 2:35

Kai i tlang tleaung y ka-ym awm iy, kai i kangai sa ai nai pathyp pi nai keung leaungrei ai, kaimy vawi takhra ai. Ni ai katu chanau thawn hai ai. Huni khumichi ly kaimy khai takhra nai samrang i mo y kalop sa u jojo ai.

1 SAMUELA 22:14

Ahimelek my, “Davida ly nang i tlang tleaung y ka-ym awm keh nai bangtang leaungrei ne! Ni ly nang i meaungcha khyh chang y i, nangmy ai typ nai tavailu py ne. Samrang yhm theung i khumi bawibawichi my, tahm khai keh nai keung py ne.

1 SAMUELA 24:11

Kai i ngaai awi, khen cham rai, kai i kiu y syn nai baichu kangjiu tawmchy ai khen cham! Kai ly nang ai padei ai nai nga teu i py, hini baichu tawnchy ai naini kao khyh; nang ai tiu ai nai hawi padei ai nai kai ly paleung ka-dawn by y, nanai hinira y samrang nang ly pany ai nai avo. Kai ly nang ai sairei py tamang vai y teu i py, nang ly kai ai padei ai nai hau nai ne.

1 SAMUELA 24:17

Naibaly ni ly Davida teng y, “Nang ly teng iy kai ly tamang bo; kai ly nang ai hawi y parai nai sa i py, nang ly kai ai pahen lawh ly!

1 SAMUELA 24:21

Na i py kai i amyn hawi, kai i yhm dengtheung amyn py, pipi tamo y ai nai nang ly kai i katu chanauchi ai tlamsa naira pei ai, nanai Areng i amyn y kai teng y adeu ba,” napi baly,

1 SAMUELA 24:4

Davida i khumichi my, “Areng ly paleung ka-e ai nang i kiu y au ai nanai py, ni ai nangmy ngai nai kamta sa pajau ai nanai py, leu pei nai kamta vai, nang i vui neng tym bo,” napi u. Davida ly Sawla awm naira mang y chei i, Sawla i baichu kangjiu ai kangviu y o-pi byp veng.

1 SAMUELA 25:24

khaileaung y aseaung naimy hina nai thui; “Areng awi, pahen parai naimy kai i leu tangai pi kyh ba! lawn veng nai leaungsaichi ly kai i kamngo palawn teu ba.

1 SAMUELA 29:3

Philistia tavai luchi ly nichi ai niu baly, “Hini Hebrai chengchi ly ati mana nai, kaichi hawi vanrei abang u lawh mo?,” nanai deng. Akhisa my, “Ni ly Israela samrang Sawla i bangtang Davida ne. Kai teng y awm nai ly kra bo. Kai mang y kun nai kani dengdairei, ni i tlang tleaung y tamang nai sai harei py kaniu y,” napi.

1 SAMUELA 30:26

Davida ly Zikala mary y tym ali teang nai khala y, atiura i nga nai vawnsai phyreichi ai, my i ahawi Juda pri i lu sa naichi teng y, cha tajiu iy pa pi bo. Huni cha theung y, “Areng i paleung ka-echi teng i, kaimy nga nai atiura i vawnsai phyreichi ai nangchi i vui langseaung kangpa pi,” nanai abawi.