1 SAMUELA 25:26 - Khumi Common Language Bible

²⁶ Paleung ka-echi ai nangmy padei iy vawitheung tha y ai nai paka nai keung ly Areng ne. Nang i paleung ka-echi py, nang ai ka-jeira pei ai ngai nai khumi bawibawichi py, Nabala kamta kamngo pajengra avum u sy, nanai Tameuh kangheng i amyn y kai, vaineng abeu bo.

1 SAMUELA 25:26 ပူးပေါင်းရင်းမြစ်များ

ATITI AWM ANGCHEI NAI 20:6

Tameuh my amang mang y, “Ne, nang paleung kachai hawi sa, nanai kai pany; hini neampachy ai nang i kiu hawi teaung y ai nai py, kai i tlang tleaung y nang kamngo so y ai nai py, kaimy paka nai ne.

2 SAMUELA 18:32

Samrang my, “Deaungdi Abasalom hawi rai a?” nanai deng. Kusi cheng khumi my, “Areng, nang i paleung ka-echi hawi nang ai tiu u nai khumichi ly huni Abasalom kamta lawm u na sy,” nanai pathang.

2 ARENG KEH 2:2

lam y Elija my Elisa teng y, “Vai ly hi y awm jo ba; Areng my kai ai Bethela mary mang y chei ai nai leu ang pei,” napi. Na i py Elisa my, “Kai ly nang hawi amprei ai ny y, nanai deungtasarei heng nai Areng hawi nang i tlang tleaung y kai i ka-ym awm nai sai y vaineng abeu bo,” napi. Naibaly nini ly Bethela mary mang y chei hawi nai ne.

2 ARENG KEH 4:6

Huni chy-ychi ra y asitui kawi nai khala y, neampachy lumai my, “Chy-y ka-keu awm rai a?” nanai chaponi teng y deng. Chapo leaungrei my, “by y leang bo,” nanai pathang baly, asitui theu nai anawn ryp veng bo.

SAM 44:3

Nang i khumichi ly huni pri y haisauchi hawi peang u nai ny y leang; mychi atho hawi py peang vui nai ny y leang; nang i sa thai naira haiho hawi, nang ly nichi ai tamen nai deaungkho y nichi hawi vanrei nangmy awm pi nai molam py, nichi ly huni pri y peang vui pajau nai ne.

LEU KACHENG 31:12

Huni aju ly mymy deungrei, juvo i tlang tleaung y kahawi naini sa khyh. Mana khala py hawi y nai so vai y.

JEREMIA 29:22

Jerusalem mary i dengdairei Babulon mary y pri pala naira avum nai khumichi ly khumi leaungrei ai pasawi patau ai nai ngai lawh baly, ‘Areng ly nang ai Babulon samrang my kangheng tangmy mai y leng nai Zedekiah hawi Ahab nini ai kamta so kalei sy!,’ nanai thui u ai.

DANIELA 4:19

Naibaly Beltesazar napi nai Daniela ly khri pa-rei kaso theu nai deaungkho y, leu py katheu thai y na bo. Samrang my, “Nang Beltesazar awi, amang hawi amang i awm nai sai molam y kaso theu moh,” napi baly, Beltesazar my, “Samrang awi, huni amang hawi awm nai sai ly nang i vui ny y naimy, nang i paleung ka-echi i vui ne sy.

HEBRAI 10:30

“Vawitheung nanai ly kaimy tha ai nai tla, kaimy heung ai,’ nanai hawi, “Areng my ly ni i khumichi ai chih ai” napi nai keung ai ly achi pany.

1 SAMUELA 1:26

Hannah my Eli teng y, “Areng awi, kai ai pahen kyh ba; nang ly kai ai pany jo rai a? Kai ly vaichi khala nang i sahawi y angdo naimy Areng teng y chiu sa nai neampachy ne.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.

1 SAMUELA 20:16

Ani leaung nyhrei i asa nai vaineng ly phra y naimy khaw jo sy; adeu nai vaineng taphra lawh baly, Areng my nang ai pajeng sy,” napi.

1 SAMUELA 20:3

Na i py Davida my, “Nang ly kai ai mana tanrei tamen mo, nanai nang i ngampo pany nai ne. Nang paleung hawi y lawh na, nanai mawn hai nai deaungkho y, ni ly mymy i dawn yb nai, nang teng y thui pi y leang. Kai ly dei ai nai kheukan harei ngai khyh bo, nanai heng nai keung Areng Tameuh amyn y, nang teng y vaineng abeu bo!,” napi.

1 SAMUELA 22:3

Davida ly hu i dengdairei Moba pri Mizapa mary y chei iy, Moba samrang teng y, “Kai i vui Areng my ati mana pasym pi mo, nanai pany y nai sala y, kai i amhm ampo ni ai, nang teng y awm ai nai pei kyh ba,” nanai takeng.

1 SAMUELA 25:25

Vang teng y nai khumi, Nabala i leu ai ly dawndan pi moh ba. Ni ly my i amyn hawi kamlau khumi ka-khumne! Aw areng, nang i miseaungchi jeu nai neng khala y, kai ly yhm y by y.

1 SAMUELA 25:39

Davida ly Nabala dei nai satang thai nai khala y, “Areng ly palo naira awm sy! Mymy ly Nabala my kai ai mei aniu y nai sa nai molam y vawitheung tha pi i, mymy i miseaung kai ai py, tamang y ai nai ang paka bo. Areng ly Nabala i kamngo nai molam y ni ai pajeng nai ne,” nanai thui. Huni bo baly Davida ly Abikaila ai pom ai nai, khumi pato iy atli hai bo.

1 SAMUELA 26:10

Areng mymy khypkhyp malawn py dei ai nai neng tym nai y dei nai py ne sy, tavai keung y dei nai py ne sy, pajeng naira tym hai ai, nanai Tameuh kangheng i saho y kai pany.