1 SAMUELA 24:12 - Khumi Common Language Bible

¹² Ani leaung nyhrei theung y ami tamang mo, nanai Areng my chih pi na sy; nang ly kai i tlang tleaung y sa nai saichi molam y, mymy ly nang ai kamngo pajeng na sy; kai ly nang ai maidenreichy py, ka-jeira pei ai ny y.

1 SAMUELA 24:12 ပူးပေါင်းရင်းမြစ်များ

ATITI AWM ANGCHEI NAI 16:5

Naibaly Sarai my Abram teng y, “Hakari my kai ai tahm khai y nai thui tamawn lawh nai ly nang i katamang teu. Kaimy hini neampachy ai nang teng kang pei nai ne; mymy ly deaungdi aniu khyp khala i dengdairei kai ai tahm khai y, thui tamawn lawh. Areng my ani sala y tara chih na sy!” napi.

ATITI AWM ANGCHEI NAI 31:53

Abraham i Tameuh hawi Nahora i Tameuh ly ani sala ly tara chih pi na sy,” nanai vaineng abeu bo. Hunaibaly Jakob py ampo Isaka i Tameuh i amyn y vaineng abeu teang.

2 SAMUELA 22:48

Mymy ly kai ai paleung ka-echi ai eaung ai nai pei bo; khumi cheng cheaungkhangchi ai, kai i kiu anui y tym hai iy

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

JOBA 5:8

Kai naini nang i heng nai kamta avum lawh ai nabaly, Tameuh teng y ahihawi naimy, kaimy i molam kapany hai ai.

SAM 35:1

Aw Areng, kai ai ka-awi sa nai khumichi ai ka-awi so teang ly kaichi ai tiu nai khumichi ai tiu teang ba!

SAM 43:1

Aw Tameuh, Kai teng y kamngo by y, nanai amthang hai kyh ba. Tameuh ai pany y nai khumichi ai ka-awi sa iy, kai mang y amo hai kyh ba. Tapawp nai hawi khumi hawi y naichi kiu i nai kai ai atleu kyh ba.

SAM 94:1

Aw Areng, nang ly kamngo pajeng ai nai aly peang nai Tameuh ne; nang i kado theu nai amteng hai ba!

ROM AVANGCHI TENG Y PAWLA I CHA PA NAI 12:19

Ngai parai naichi awi, vawitheung atha u moh ly; “Areng my, ‘Vawitheung nanai ly kaimy tha ai nai tla, kaimy kaheung ai,’ napi,” nanai tajiu nai ne.

I PETERA 2:23

ami my mymy ai jo nai thym khala y py mymy ly jo teang y: mymy ly patang nai thym khala y ram y i, hawi parai naimy chih reng nai keung teng y aau lawh:

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.

TARA CHIH NAI KEUNGCHI 11:27

Kai ly nang i tlang tleaung y ati sai py hawi y nai so y; nang naini kai ai tavai tiu iy, hawi y nai sa lawh bo. Areng ly tara chih pi nai keung ne. Mymy ly Israela chengchi hawi, Ammon chengchi sala y vaini tara chih pi ai,” napi.

1 SAMUELA 20:1

Naibaly Davida ly Ramah mary ka-peang Naioth avang dengdairei angpreng i, Jonathan teng y chei iy, “Kai ly ati kasa lawh mo? Kai ly ati kamngo kasa lawh mo? Kai ai padei ai nai pa-rei nang i ampo ai, kai ati tamang lawh mo?,” nanai deng.

1 SAMUELA 24:15

Ani leaung nyhrei theung y ami tamang mo, nanai Areng my tara chih pi ai. Mymy ly hini molam y chih pi sy; kai mang y asa nai ne i, kai ai nang kiu i nai atleu pi sy,” napi.

1 SAMUELA 26:23

Areng ly ka-ym awm nai khumi hawi khumi kahawichi ai kawn vang langseaungchi pei nai ne. Vaini mymy ly nang ai kai i kiu y ang-au teu i py, kai ly Areng my khai takhra nai samrang ai padei ai nai kaso y.