1 SAMUELA 23:28 - Khumi Common Language Bible

²⁸ Hunai deaungkho y Sawla ly Davida ai hui nai anawn iy, Philistia chengchi ai tiu ai nai amsa u. Huni meingtym y kamkawm nyhrei khawilang takhra nai molam y huni meingtym ai “Khawilang takhra nai mawi” nanai palau u nai ne.

1 SAMUELA 23:28 ပူးပေါင်းရင်းမြစ်များ

SAM 124:7

Achi ly mawi sara i deaung y man ai naira i tleaung nai tavo kamta, deira i nai lawira nga u bo; deaung vui leu iy achi tleaung u bo.

1 SAMUELA 23:25

Sawla hawi mymy i khumichi ly Davida ai hau ai nai theu u; na i py huni satang Davida my thai i, Mona daichi ka-vymra awm nai lengseaung mawi mang y aheu vui bo. Sawla ly huni satang thai nai khala y, Davida awm naira mang y hau u.

1 SAMUELA 23:27

Huna nai thym khala y, satang thai hai nai risa ly Sawla teng y tym i, “Philistia chengchi ly achi i pri y ang kun u dudu bo; vaimy vawi ali teang jau!,” nanai thui pi bo.

1 SAMUELA 23:29

Davida ly hu i dengdairei theu iy, Engkedi meingtym mang y aheu vui bo.

1 SAMUELA 24:1

Sawla ly Philistia chengchi ai tiu naira i vawi teang nai khala y, ni ly Engkedi sahawi i daichi ka-vym y Davida awm, nanai thai.

1 SAMUELA 24:2

Sawla ly Israela chengchi theung i tavaimi vawi patyp nai leaung 3,000 rei hawi, sithachi awm nai lengseaung parachi mang y, Davida hawi ni i khumichi ai hau ai nai chei.