1 SAMUELA 23:2 - Khumi Common Language Bible

² Hunai deaungkho y ni ly Areng teng y, “Kai ly Philistia chengchi ai tiu ai nai avo na a?,” nanai deng. Areng my, “Avo mang, nichi ai tiu iy, Keilah mary ai atleu,” nanai pathang.

1 SAMUELA 23:2 ပူးပေါင်းရင်းမြစ်များ

2 SAMUELA 2:1

Naibaly Davida ly Areng teng y, “Kai ly Juda marychi theung i mary ha hareira y chei iy peang ai a?,” nanai deng. Areng my, “Ne, chei pajau mang,” nanai pathang. Davida my, “Mani mary y mo?,” nanai deng. Areng my, “Hebron mary y chei,” napi.

2 SAMUELA 5:19

Davida ly Areng teng y, “Kai ly Philistia chengchi ai tiu ai nai avo na a? Nangmy kai ai eaung hai ai a?,” nanai deng. Areng my, “Chei, kai ly nang ai eaung hai ai!” nanai pathang.

2 SAMUELA 5:23

Davida ly Areng teng y deng bi i, mymy ly “Nichi ai hini meingtym mang dengdairei tiu u moh. Nichi i tai nithun mang tapai iy, po kalang keungchi sahawi mang nichi ai tiu u.

1 NENG SATANG 14:10

Davida my, “Kaichi ly Philistia chengchi ai tiu ai a? Nang ly kaichi ai eaung hai ai a?,” nanai Tameuh teng y deng bo. Areng my, “Tiu ba! Kai ly nang ai eaung hai ai!,” napi.

SAM 32:8

Areng my, “Kai ly nang i tako ai avo nai lam kang patei pi ai. Nang ai tau kang pei iy kang kry ai.

JEREMIA 10:23

Aw Areng, amimi py amy i khym taham ly so thai y, nanai kai pany. Amimi py amy i hengra ai peang pajau y.

Kati Nai 27:21

Pathyp pi nai keung Eleaza ly Urim hawi Thummim teaung iy, kai i kangai pany thai ai. Naibaly Josua ly Eleaza i paleung pado ai. Hina nai kamta Eleaza ly Josua hawi Israela cheng bawibawichi ai atiti aly kalopchira y pacheang ai mang,” napi.

JOSUA 9:14

Israela chengchi ly Areng teng deng y naimy, huni khumi teng i cha nei vawnchi talam u nai ne.

TARA CHIH NAI KEUNGCHI 1:1

Josua dei nai bo y Israela chengchi my Areng teng y, “Mani cheng theaung ly kanan pri khumichi ai tiu ai nai chei man ai mo?,” nanai deng u.

1 SAMUELA 10:22

khumichi ly “Sawla ny y naimy khumi takhra leaung leaungrei awm a?,” nanai Areng teng y deng u. Areng my, “Sawla ly hi y awm; ni ly vawnsaichi khai nai anui y aheu vui,” napi.

1 SAMUELA 14:37

Naibaly Sawla ly Tameuh teng y, “Kaichi ly Philistia chengchi ai tiu ai a? nang ly kaichi ai eaung hai ai a?,” nanai deng. Na i py huni kani y Tameuh ly pathang pi y.

1 SAMUELA 23:3

Na i py Davida i khumichi my, “Achi ly hini Juda pri y malawn py, jei hyn naimy awm u nai ne. Philistia chengchi ai tiu ai nabaly, hini tleaung y awm nai sai akeh ai,” napi u.

1 SAMUELA 23:4

Hunai deaungkho y Davida ly Areng teng y hnei takeng bi nai ne. Areng my ni teng y, “Keilah mary y chei ly tiu; kai ly nang ai Philistia chengchi tlang tleaung y eaung hai ai,” napi.

1 SAMUELA 23:6

Ahimelek i chapo Abiatha ly preang nai law tleaung nai bo y Keilah mary y awm nai Davida teng y tym i, ni ly mymy hawi vanrei pathyp pi nai keung i ephod py syn.

1 SAMUELA 30:8

Huna nai khala y Davida ly Areng teng y, “Kai ly hini mary ai tiu nai khumichi nithun hui ai a? Nichi ai kapatiu ai a?,” nanai deng. Mymy ly “Nichi nithun hui; nang ly nichi ai patiu iy, langheng hawi naichi ai atleu pajau ai mang,” nanai pathang.