1 SAMUELA 23:17 - Khumi Common Language Bible

¹⁷ ni teng y, “Jei moh, kai i ampo Sawla ly nang i tlang tleaung y ka-jeira tym hai pajau ai ny y leang; nang ly Israela chengchi i samrang lawm ai nai py, kai ly nang i bangtang lawm ai nanai py, ni ly pany hawihai bo,” napi.

1 SAMUELA 23:17 ပူးပေါင်းရင်းမြစ်များ

SAM 118:6

Areng ly kai hawi vanrei awm nai ne i, kai ly jei ai ny y; khumi ly kai ai ati sa hai pajau ai mo?

LEU KACHENG 14:26

Areng ai jei kaji naimy tahm khai nai ly my hawi, my i yhm dengtheungchi ai chymme naira hawi, ka-ymra nga hai pajau nai ai.

LEU KACHENG 19:21

Khumichi ly ati cheaungkhang adawn pasym pajau; na i py Areng i kangai naini tym ai.

ISAIA 35:3

Atho bai nai kiuchi py, atho di ahyn nai kheukhuchi py, atho pei pi ai

ISAIA 35:4

Paleung phra atho di nai khumi bawibawichi teng y, “Khaw parai naimy awm u! Tameuh ly nangchi ai atleu ai nai ang jeu ai; nangchi i paleung ka-echi ai py vawitheung tha ai,” nanai thui pi u.

ISAIA 41:10

Jei u moh, kai ly nangchi hawi vanrei awm! Kai ly nangchi i Tameuh ne; ati mo ra py nangchi ai jei hyn hai ai ny y! Kai ly nangchi ai khaw hai iy sabawm ai. Nangchi ai ama hai iy atleu ai.

ISAIA 41:14

Areng my, “Israela chengchi awi, nangchi i cheng ly theang, atho di teu i py jei u moh; nangchi ai kaimy kang sabawm ai. Nangchi ai atleu nai keung kai ly Israela chengchi i chai parai nai Tameuh ne.

ISAIA 54:17

Na i py mani tavai ateaung py, nang ai no pei pajau y leang. Nang ly nangmy ai ang seu nai ngiereichi ai, tlau teang pajau ai. Kai ly kaimy i miseaungchi ai kry iy, eaung naira kapei ai,” napi. Hini ly Areng i leu pei nai ne.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

AMTAW 28:16

Naibaly kaichi ly Rom avang y kun baly tavaimi chungvairei lu ly theaung tla naichi ai samrang ai typ nai tavaimichi i lu teng y au; na i py Pawla ai ly mymy ai typ nai keung tavaimi leaungrei hawi mymy tlairei awm ai nai pei bo.

AMTAW 5:39

Na i py Tameuh i sa nai ne lawh baly nangchi ly nichi ai tamo hai pajau y leang, ti y baly nangchi Tameuh ai tiu nai tlo lawh na,” napi.

ROM AVANGCHI TENG Y PAWLA I CHA PA NAI 15:24

Spain pri y kachei nai kha y kai ly tako nai tarawi y nangchi ai kang niu ai nai athang kakhai; naibaly nangchi hawi amkawm rawm nai y kawn iy, hu mang kai i chei ai naira y ly nangchi my kai ai pavum ai nai py athang kakhai.

HEBRAI 13:6

Hunaibaly achi ly vam parai pa-rei my, “Areng ly ang sabawm nai keung ne, Kai ly kajei y ai; Khumi my ati ang sa pajau ai mo?” napi reng nai ne.

1 SAMUELA 20:31

Davida heng nai ryrei ly hini pri y nang, mana khala y py samrang lawm pajau ai ny y, nanai nang pany y nai sai a? Vaimy chei ly ni ai hi y jeu hai; ni ly dei takengkei ai nai tla!,” nanai leu pei bo.

1 SAMUELA 22:23

Nang ai padei ai hau nai khumi ly kai ai padei ai hau nai py ne teang; na i py nang ly kai hawi vanrei awm baly, chymme naimy awm ai mang,” napi.

1 SAMUELA 24:19

Khumi ly mymy i paleung ka-e ai patiu chum baly, mana khala y patleaung vai mo? Vaini kai i tlang tleaung y nang i sa nai sai molam Areng my nang ai amtheaung hai sy.

1 SAMUELA 24:20

Nang ly Israela samrang lawm ai nai py, Israela pri ly nang i kiu y awm jo ai nanai py, vai ly kai, hawihai palai pany bo.

1 SAMUELA 24:21

Na i py kai i amyn hawi, kai i yhm dengtheung amyn py, pipi tamo y ai nai nang ly kai i katu chanauchi ai tlamsa naira pei ai, nanai Areng i amyn y kai teng y adeu ba,” napi baly,

1 SAMUELA 24:4

Davida i khumichi my, “Areng ly paleung ka-e ai nang i kiu y au ai nanai py, ni ai nangmy ngai nai kamta sa pajau ai nanai py, leu pei nai kamta vai, nang i vui neng tym bo,” napi u. Davida ly Sawla awm naira mang y chei i, Sawla i baichu kangjiu ai kangviu y o-pi byp veng.

1 SAMUELA 25:30

Areng ly mymy i adeu nai ngierei, hawi nairachi nang teng y ang pei takengkei iy, Israela samrang y ang khai takhra nai khala y,