1 SAMUELA 22:18 - Khumi Common Language Bible

¹⁸ Hunai deaungkho y Sawla ly Doka teng y, “Nang ly nichi ai tleh!,” napi baly Doka ly pathyp pi nai keung bawibawichi ai padei bo. Huni kani y Doka ly ephod amchiu nai Areng i pathyp pi nai keung leaung 85 reichi ai padei nai ne.

1 SAMUELA 22:18 ပူးပေါင်းရင်းမြစ်များ

2 NENG SATANG 24:21

Samrang Josha ly Zekhariah i tlang tleaung y hawi y sa ai nai ka-dawn mang y abawi i, ni i leu pei nai kamta khumichi ly Zekhariah ai Achura yhm apai theung i ly-um y, lengseaung hawi aphi u kha bo.

SAM 78:64

Pathyp pi nai keungchi ly haisau tamo y dei u be bo; nichi i aju lumaichi ly vo tangam ai nai ngo u y.

THEU NAI 28:40

“Aron i chapochi ateaung ai nai rym-ah awm iy apu parai nai baichuchi, khobaichi hawi lukhym kasauchi aneng pi ai nai tla.

LEU KACHENG 24:15

Nang ly khumi hawi y naichi kamta, khumi kahawichi i yhmtheaung katui lawm ai nai py, ni i yhm ai keng vui ai nai py dawn moh.

HOSEA 5:11

Israela chengchi ly ana naira avum u bo. Nichi ly kasabawmra pei pajau y nai mynchi teng i, kasabawmra hnei ai nai paleung apei u keh nai deaungkho y, mychi i khaileaung meingtym chau vui bo.

HOSEA 7:3

Areng my, “Khumichi ly mychi i hawi y nai katau molam y, samrang hawi ni i bangtangchi ai li-tapawp hyp bo.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

ZEPHANIAH 3:3

Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.

1 SAMUELA 2:18

Huna nai thym khala y deaungdi Samuela ly kanih mai ka-syn baichu kangjiu amchiu iy, Areng i kalop sa.

1 SAMUELA 2:28

Kai ly Israela cheng theaung bawibawichi theung i, ni i yhm dengtheungchi ai kai i maichamra y apathyp nai, rimui patawi nai, kai i kangai pany ai nai Ephod amchiu nai kalopchi sa ai nai, kai i pathyp pi nai keung kalop sa ai nai kaimy vawi yb nai ne. Huni bo y maicham y leng patlum nai kapathyp mawichira i phy nga ai avo nai py, nichi ai kaimy vui pi bo.

1 SAMUELA 2:36

Nang i kangpreangchi theung i, heng naimy awm jo nai nang i chanau ngierei ly huni pathyp pi nai keung teng y chei iy, tangka hawi teicha teineichi takeng u ai. Nichi ly teicha teinei nga ai nai molam, pathyp pi nai keungchi kalop sa naira y kasabawm ra nga ai nai hnei kajeaung kaji ai.