1 SAMUELA 22:16 - Khumi Common Language Bible

¹⁶ Samrang my, “Ahimelek awi, nang hawi nang i amjo amnau bawibawichi ly dei u ai nai tla,” napi.

1 SAMUELA 22:16 ပူးပေါင်းရင်းမြစ်များ

1 ARENG KEH 18:4

Areng i amochi ai padei nai thym khala y, Obadia ly amo leaung chungvaireichi ai kamkawm nyhrei sa i, kamkawm harei y leaung vui pangrei, tapiuchira y heu iy teicha teinei hawi tui py pei pi nai ne.)

1 ARENG KEH 19:2

Jezabela ly Elija teng y, “Kai ly khawndam hini neng tym nai khala y amochi ai nang i sa nai kamta nang i tlang tleaung y kaso y lawh baly, tameuhchi my kai ai dei ai nai pa-rei pajeng sy,” nanai khumi pato iy thui hai bo.

ESTHER 3:6

Modekai ly Juda cheng ne, nanai py pany nai deaungkho y Haman ly Modekai leaungrei ai khyh py ny y, Pasia empara pri theung y awm nai Juda chengchi ai raurei, tamyh pawn ai nai dawn bo.

LEU KACHENG 28:15

Khumi kamawnchi ly hawi y nai samrang peang nai khala ly kajeaung kamang naira avum ai. Hawi y nai samrang ly hang hai nai khrangsi, ti y baly teicha tlai ai nai amki ryry nai tavym kamta, jei ai hawi parai nai ne.

DANIELA 2:12

Naibaly samrang ly khri pa-rei kado theu i, Babulon pri y awm nai khumi kacheng bawibawichi ai, padei pawn ai nai leu pei bo.

DANIELA 2:5

Samrang my, “Kai i niu nai amang py, huni amang i awm nai sai py, nangchi my thui pi sy, nanai leu pacheang yb veng bo. Nangchi thui pi thai y lawh ai na baly, nangchi ai kang tawp piupa iy, nangchi i yhm py maidym satlawi lawm hai ai.

MATTHAI 2:16

Hunaibaly Heroda ly khumi kechengchi my ni ai tapawp nai pany baly khrikhri pa-rei kado theu, naibaly khumi kachengchi teng y deng nai neng pany khyp nai kamta khumichi ai pato i, Bethlehem avang hawi huni tengtang bawibawi i saneng nyhrei akui neampacho deaungdi kangpen chauchau padei bo.

AMTAW 12:19

Naibaly Heroda ly ni ai hau i niu pajau y, naibaly typ nai keungchi ai deng i nichi ai padei ai nai leu pei. Naibaly mymy ly Judai pri i dengdairei Kaisari avang y chei i hu y awm bo.

Leu Thui Nai 24:16

“Cho chanauchi i kamngo nai molam y, amhm ampochi ai padei moh. Hunai kamta amhm ampochi i kamngo nai molam y, cho chanauchi ai padei moh. Khumi luteng ly amy i kamngo molam y naini padei ai nai tla.

1 SAMUELA 14:44

Sawla my ni teng y, “Kai ly nang ai padei y lawh baly, Tameuh my kai ai padei sy,” nanai thui.

1 SAMUELA 20:31

Davida heng nai ryrei ly hini pri y nang, mana khala y py samrang lawm pajau ai ny y, nanai nang pany y nai sai a? Vaimy chei ly ni ai hi y jeu hai; ni ly dei takengkei ai nai tla!,” nanai leu pei bo.

1 SAMUELA 22:15

Ni i vui Areng teng y kahnei pi nai ly teng khyp; na i py vaichi khala y hina nai hnei takeng pi reng; nang ai padei ai nai kangviu y dawn nai molam y samrang ly kai ai py, kai i yhm dengtheung leaung leaungrei ai py neng hai moh; hini kalop ai kai pipi pany y,” nanai pathang.

1 SAMUELA 22:17

Naibaly mymy sahawi y angdo nai tamcheaung risachi teng y, “Areng i pathyp pi nai keungchi ly Davida hawi ka-dawn vanrei ne nai deaungkho y, Davida preang nai pany i py kai ai thui pi y i, padei u,” nanai leu pei. Na i py tamcheaung risa leaungrei py, Areng i pathyp pi nai keungchi ai, padei ai nai kiu pheu u vam y.