33 Sawla ly Jonathan ai chawn pa-rei tivi hawi takhu bo. Huna nai khala y Jonathan ly ampo my Davida ai padei takengkei ai nai paleung ka-dawn awm nanai pany bo.
Naibaly Solomon ly Jeroboam ai padei ai nai atho sa. Na i py Jeroboam ly Aikupta samrang Shishak teng y preang vui i, Solomon dei y ryrei ly Aikupta pri y awm nai ne.
“Kai ly ni ai angpang hawi abicheng na pa-rei kathun ai,” nanai dawn iy tivi hawi tlen nyhrei takhu bo. Na i py Davida ly tlen nyhrei aheng pi vui nai ne.
Sawla ly angpang sahawi y Davida ai tivi hawi takhu i, Davida my hi pi vui; tivi ly dengpangra y acheaung tarada na. Davida ly angpreng i tleaung vui bo.
Jonathan ly kado theu nai y sabawi i nai theu vui iy, huni lo si pawi pa-nyh kani y kani khengrei teicha teinei cho y naimy awm. Ni ly Davida ai Sawla my tahm panem vui nai molam y, khri pa-rei paleung hawi y nai ne.