1 SAMUELA 20:32 - Khumi Common Language Bible

³² Jonathan my, “Ati mana nai dei ai nai tla mo? ni ly ati sa lawh i bo?,” nanai thui baly

1 SAMUELA 20:32 ပူးပေါင်းရင်းမြစ်များ

ATITI AWM ANGCHEI NAI 31:36

Huna nai khala Jakob ly kado theu i, “Kai ly ati kamngo sa nai awm mo?” Ati sa katamang nai y, kai ai hui aphrawphri na mo?

LEU KACHENG 22:24

Kado theu nai am-yh pajau y nai khumichi hawi, kamrawi aso moh.

Parip nai leu 7:9

Nang i kado theu nai ly am-yh vui; paleung ka-e khai nai ly akhum nai ne.

Parip nai leu 9:3

Huni khumi bawibawichi py khym taham ly vanrei avum u nai ne; hini leaungsaichi py hini khaileaung pri y tym nai takhra leaungsaichi kamta, leu meitang adyh adawi naira by y. Khumichi ly heng nai ryrei, nichi i paleung ly hawi y naira hawi pathu naira my kawi nai ne i, nichi ly vaimy dei u ryp nai ne.

JEREMIA 17:9

“Mani khumi ly khumi i paleung pany pajau mo? Khumi i paleung ly ati cheaungkhang tleaung y py akawi reng. Huni paleungra y kahawi sa iy ngo pajau y nai ang vawi awm.

MATTHAI 27:23

Naibaly ni my ly, “Ati na i bo? Ni i hawi y sa nai ati awm mo?” napi. Na i py nichi my ly, “Kraws tkeaung y talen hai,” napi nai khri pa-rei aeu na.

LUKA 23:22

Naibaly ni my ly tlen thomrei naira y ly nichi teng y, “Ati na i bo? Ati tamang naira awm mo? Dei ai ataing na pa-rei mymy i tlang tleaung y ati sai py kaniu y be: hunaibaly ni ai chip iy patheu ai bo,” napi.

JOHAN 7:51

“Ami i labeaung kypkyp y leu thai iy, ni i atiti sa naichi pany y rai kha y, achi i Reita ly khumi ai chih vai a?” napi.

1 SAMUELA 18:11

“Kai ly ni ai angpang hawi abicheng na pa-rei kathun ai,” nanai dawn iy tivi hawi tlen nyhrei takhu bo. Na i py Davida ly tlen nyhrei aheng pi vui nai ne.

1 SAMUELA 19:4

Jonathan ly ampo Sawla teng y, Davida ai palo naimy thui pi nai ly “Samrang awi, nang i miseaung Davida i tlang tleaung y tamang naira so moh; ni ly nang ai mana khala py, tamang vai y leaung; nang ai py tiu vai y leang. Ni i sa nai ngiereichi ly nang i vui kasabawmra lawm nai ne.

1 SAMUELA 19:5

Ni ly my i tlang areu naimy Koliatha ai padei bo; hunai kamta Areng ly Israela chengchi ai eaung pawi pui nga hai bo. Hunichi nang niu nai khala y amo theu bo. Na i py nang ly kamngo by y nai khumi leaungrei ai ati mana nai tamang ai mo? Ati mana nai Davida ai padei atyhtyh lawh ai mo?,” napi.

1 SAMUELA 20:1

Naibaly Davida ly Ramah mary ka-peang Naioth avang dengdairei angpreng i, Jonathan teng y chei iy, “Kai ly ati kasa lawh mo? Kai ly ati kamngo kasa lawh mo? Kai ai padei ai nai pa-rei nang i ampo ai, kai ati tamang lawh mo?,” nanai deng.

1 SAMUELA 20:7

Samrang my, ‘Hawi mang’ napi baly, kai i vui awmnemra nga bo; na i py ni my kado theu lawh baly, kai ai padei ai tau khyp nai bo, nanai nang pany ai.

1 SAMUELA 22:14

Ahimelek my, “Davida ly nang i tlang tleaung y ka-ym awm keh nai bangtang leaungrei ne! Ni ly nang i meaungcha khyh chang y i, nangmy ai typ nai tavailu py ne. Samrang yhm theung i khumi bawibawichi my, tahm khai keh nai keung py ne.