1 SAMUELA 20:16 - Khumi Common Language Bible

¹⁶ Ani leaung nyhrei i asa nai vaineng ly phra y naimy khaw jo sy; adeu nai vaineng taphra lawh baly, Areng my nang ai pajeng sy,” napi.

1 SAMUELA 20:16 ပူးပေါင်းရင်းမြစ်များ

ATITI AWM ANGCHEI NAI 15:18

Huni neng huni meingtym y Areng ly Abram hawi Leu Maikawm asa bo. Mymy ly Abram teng y, “Nang i kangpreangchi teng y, Aikupta pri khujyh dengdairei Euphrat tavo tym pa-rei,

2 SAMUELA 21:8

Ei-a i chaniu Rizpah hawi Sawla i nga nai chapo Armoni hawi Mephiboseth nini, Meholah mary i Bazilai i chapo Adriela hawi Sawla i chaniu Mirab i nga nai chapo leaung pangreichi ai, Kibeon mary i khumichi teng y pei pi bo.

JEREMIA 40:9

Huna nai khala y Kedalia my, “Nangchi ly Babulon chengchi teng y kasum apei ai nai jeira by y, nanai nangchi teng y kai leu adeu mang. Hini pri y saleaung khuteng pala iy, Babulon samrang i kalop so u. Nangchi i vui cheaungkhangra y hawi ai.

Leu Thui Nai 23:21

“Nangchi ly nangmychi i Areng Tameuh teng y vaineng adeu baly, huni adeu nai kamta sa khyp ai nai pathlai moh, pathlai lawh baly nang teng y kamngo tym ai.

JOSUA 22:23

Kaichi ly Areng i leu pei nai ai tangai y pui naimy leng patlum nai kapathypra, teicha teinei talam nai kapathypra, amkawm nai kapathyprachi talam ai nai maicham sa u lawh baly, Areng mymy naimy kaichi ai pajeng na sy.

1 SAMUELA 18:3

Jonathan ly Davida ai khri pa-rei tamen nai deaungkho y, deungtasarei ahawi kamrawi asa ai nai vaineng adeu bo.

1 SAMUELA 20:42

Naibaly Jonathan ly Davida teng y, “Tameuh ly nang hawi vanrei awm hai sy; ani leaung leaungrei py ne sy, ani i katu chanauchi py ne sy, ani tengtawi asa nai vaineng ai, phra y naimy deungtasarei khaw jo ai nai, Areng my awm hai jojo sy,” napi. Naibaly Davida ly tako jo i, Jonathan py mary theung y vawi nai ne.

1 SAMUELA 22:8

Huna nai athang khai nai deaungkho y, nangchi ly kai ai tiu ai nai kangviu y dawn paviu u nai sai a? Kai i chapo malawn py Davida hawi amkawm nai satang ai, nangchi leaungrei py kai teng y thui pi y. Kai i miseaung kahawi napi nai Davida ly kai ai padei ai nai neng, vaimy hau nai py, ni ai kai i chapo my atho pei nai py, ami py kai ai thui pi y!,” napi.

1 SAMUELA 23:18

Hunaibaly nini leaung nyhrei ly leaung leaungrei vaineng asa hawi chum baly, Davida ly Horesh meingtym y awm jo i, Jonathan ly yhm mang y vawi ali teang bo.

1 SAMUELA 25:22

Khawn khutawi y rai khala y, nichi ai leaungrei py takhawi y pa-rei kapadei y baly, Tameuh my kai ai padei sy!” nanai thui yb bo.

1 SAMUELA 25:26

Paleung ka-echi ai nangmy padei iy vawitheung tha y ai nai paka nai keung ly Areng ne. Nang i paleung ka-echi py, nang ai ka-jeira pei ai ngai nai khumi bawibawichi py, Nabala kamta kamngo pajengra avum u sy, nanai Tameuh kangheng i amyn y kai, vaineng abeu bo.

1 SAMUELA 31:2

Na i py Philistia chengchi ly Sawla i chapo leaung thomrei, Jonathan, Abinada hawi Malakhishua ai hui nai kai i padei nai ne.