1 SAMUELA 2:8 - Khumi Common Language Bible

⁸ Mymy ly khumi kamawnchi ai spryh i nai pathau iy, khumi kamawn kateuchi ai pasang bo. Nichi ai samrang i chochanauchi hawi amkawm ai nai pei iy, tahm awm nai meingtym y ateh hai bo. Areng ly khaileaung i sangum langdeng ai peang; Huni langdengchi salo y khaileaung pri ai sa nai ne.

1 SAMUELA 2:8 ပူးပေါင်းရင်းမြစ်များ

ATITI AWM ANGCHEI NAI 41:14

Samrang ly khumi ai pato iy theaung theung y awm nai Josepha ai patheu hai kaliki bo. Josepha ly sam py labeaung mui py avau pawn iy baichu nina atha pajau baly samrang i mo y tym bo.

ATITI AWM ANGCHEI NAI 41:40

Kai ly nang ai kai i pri peang ai nai kang pei ai. Kai i khumi bawibawichi py nang i leu tangai ai mang. Nang ly kai i anui y pa-nyh sa thai naira awm keh nai, peang nai keung ne ai.

2 SAMUELA 7:8

“Na i py ati cheaungkhang sa thai nai keung kai, Areng ly kai i miseaung Davida teng y, ‘Kai ly nang ai kai i khumi Israela chengchi i samrang lawm ai nai, beram typ nai prang i dengdairei, kang palau nai ne.

1 ARENG KEH 16:2

“Nang ly ati sai py ny y nai khumi ne i py, kai ly nang ai kai i khumi Israela chengchi i lu y khai nai ne. Na i py nang ly Jeroboam kamta kamngo sa iy, kai i khumichi ai py kamngo lam mang y pahawi bo. Nichi i kamngochi ly kai ai kado patheu nai ne i,

2 ARENG KEH 9:6

Naibaly nini leaung nyhrei ly takun theung y kun hawi i, amo thawndeang my Jehu i lu y asitui leih pi iy, “Israela chengchi i Areng Tameuh my, ‘kai ly nang ai Israela chengchi i samrang lawm ai nai khai takhra bo.

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

JOBA 2:8

Joba ly my i angvawichi tahu ai nai laawm phei la iy, maidym theung y ateh.

SAM 102:25

Nang ly jangni y khaileaung palum chum baly, nang i kiu hawi kani khusang ai sa bo.

SAM 104:5

Nang ly khaileaung ai mana khala py, asyh vui pajau y na pa-rei langdeng pala iy khaw hai typ bo.

SAM 107:41

Na i py mymy ly khumi kamawnchi ai ngari kamtangra i nai atleu iy, nichi i yhm dengtheungchi ai, beram kanghuchi kamta peung hai ai.

SAM 24:2

Mymy ly khaileaung ai khaileaung anui i tui kathiura y langdeng pala bo. Thiu parai nai suida panglichi theung y sangum pala iy sa nai ne.

SAM 75:3

Khaileaung hawi vanrei heng nai amjy cheaungkhangchi ly anghyn teu i py, kai ly khaileaung i sangum langdengchi ai khaw hai jo ai.

SAM 75:4

Kai ly hina nai leu kang pei; khumi hawi y naichi awi, amlyh u moh.

SAM 75:7

Tara chih nai keung ly Tameuh ne; mymy ly phyreichi ai kamngo pajeng iy, phyreichi ai law tleaung hai ai.

ISAIA 22:23

Kai ly amchyh lei y na pa-rei tahen thleng nai khangmui kamta, ni ai khaw pa-rei khai ai. Ni py my i yhm dengtheung bawibawichi i vui y tahm awm hai ai.

DANIELA 2:48

Naibaly samrang ly Daniela ai tahm asang keh nai meingtym y palyn iy vang kateng kawn vang langseaung neangneang pei i, Babulon pri verei y tau pei nai miteaung kehchi i lu y hawi, Babulon pri khu ka-peang ai peang nai keung y py khai bo.

DANIELA 4:17

Hini ly ang khen ang kry nai kani pri amtaw thauchi i sa nai saichi ne. Hunai deaungkho y tahm asang parai nai Tameuh ly khaileaung prichi tlang tleaung y sa thai naira kawi angym nanai py, mymy ly tahm anem keh nai khumi ai malawn py vawi iy samrang y palyn pajau nanai py, meingtym tleirei y awm nai khumi bawibawichi pany u sy,” nanai tao pajeng parai naimy aeu bo.

DANIELA 6:3

Naibaly kra y naimy Daniela ly takhra lu sa nai kamkawmchi, bangtang kalenchi tleaung y, sa nai sai hawi nai khumi ne, nanai pany. Ni ly khri pa-rei kawp katlen nai deaungkho y, samrang ly ni ai empara pri verei y, lu sa hai ai nai dawn bo.

HEBRAI 1:3

Ni ly mymy i nang parai naira kangvang sangso hawi awm nai sai atawm khypkhyp nai ne, naibaly mymy i atiti sa thai nai leu deaungkho y ati cheaungkhang khaw hai; naibaly ni ly kamngo pachai nai bo y salo mang y Tahm Asang Keh Nai i lamtang mang y ateh bo;

JAKOB 2:5

Amjo amnau ngai parai naichi awi, khen u cham; Tameuh my hini khaileaung pri i khumi kamawnchi ai ly ym naira y nang ai nai hawi, mymy ai tamen nai keungchi teng y pri adeu nai ly amtym ai nai py vawi nai ny y a?

AMTENG HAI NAI 1:6

Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.

AMTENG HAI NAI 3:21

Kai ly pajau i Ngaai teng y ni i areng atehra y ka-teh nai kamta ly, pajau nai keung ai ly kai teng y kai i areng atehra y ka-teh hai ai.

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.

1 SAMUELA 15:17

Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.