1 SAMUELA 2:36 - Khumi Common Language Bible

³⁶ Nang i kangpreangchi theung i, heng naimy awm jo nai nang i chanau ngierei ly huni pathyp pi nai keung teng y chei iy, tangka hawi teicha teineichi takeng u ai. Nichi ly teicha teinei nga ai nai molam, pathyp pi nai keungchi kalop sa naira y kasabawm ra nga ai nai hnei kajeaung kaji ai.

1 SAMUELA 2:36 ပူးပေါင်းရင်းမြစ်များ

1 ARENG KEH 2:27

Naibaly Solomon ly Abiatha ai Areng i kalop, pathyp pi nai keungra i nai anawn hai vui bo. Hina nai kamta samrang ly Siloh mary i pathyp pi nai keung Eli hawi katu chanauchi molam y, Areng i leu pei naichi angym hai nai ne.

2 ARENG KEH 23:9

Huni pathyp pi nai keungchi ly Achura yhm theung y atiti kalop sa u ai nai ngo y; na i py nichi ly mychi i ahawi pathyp pi nai keungchi nga nai, angbo abawi y nai tako ly cha ai nai nga u.

LEU KACHENG 14:19

Khumi hawi y naichi ly khumi kahawichi teng y, meimai nga ai nai lu meung iy, ahui kajeaung kaji ai nai tla.

MALAKHI 1:13

Nangchi my, ‘Hini leaungsaichi sa nai ly kaichi paleih na bo!’ nanai thui u iy, notareang pasui hai iy, kai ai tahm khai u y bo. Nangchi ly nangmychi paviu iy nga nai tawnbawi ai py, kheu tleu nai, ti y baly no nga nai tawnbawi ai py, kai i vui katalamra palawn iy syn u bo. Kai ly hini katalamrachi kawn pi ai, nanai nangchi athang khai u a?

TARA CHIH NAI KEUNGCHI 17:10

Mikha my ni teng y, “Kai hawi vanrei awm ba; kai ai tau pei nai keung hawi pathyp pi nai keung y awm ba; nang ai sanengrei y tangkacho horei hawi ateaungchi py, teicha teinei py kaimy kang pei ai,” napi.

1 SAMUELA 2:35

Kai i tlang tleaung y ka-ym awm iy, kai i kangai sa ai nai pathyp pi nai keung leaungrei ai, kaimy vawi takhra ai. Ni ai katu chanau thawn hai ai. Huni khumichi ly kaimy khai takhra nai samrang i mo y kalop sa u jojo ai.

1 SAMUELA 3:1

Deaungdi Samuela ly Eli i pacheang nai anui y Areng i kalop sa naimy awm; huni neng khala ly Areng teng i amo leu thai nai py di parai, amteng hai naichi py khri pa-rei di parai nai ne.