1 SAMUELA 2:30 - Khumi Common Language Bible

³⁰ Israela chengchi i yhmkeung, kai Areng Tameuh ly nang i dengtheungchi hawi nupaichi ai, deungtasarei pathyp pi nai keung lawm hai ai, nanai jangni y adeu yb bo. Na i py vai ly huni adeu nai khaw hai y leang bo, nanai kathui. Kai ai tahm khai palo naichi ai, kaimy tahm khai palo ai; kai ai khumi aniu y nai sa naichi kaimy kapaso ai.

1 SAMUELA 2:30 ပူးပေါင်းရင်းမြစ်များ

1 ARENG KEH 11:11

“Nang ly kai hawi asa nai Leu Maikawm ai taphra iy, kai i leu pei nai akhi vui bo; huna nai y kai ly hini pri ai nang teng i nai la vui iy, nang i bangtang leaungrei teng y au ai.

1 ARENG KEH 2:27

Naibaly Solomon ly Abiatha ai Areng i kalop, pathyp pi nai keungra i nai anawn hai vui bo. Hina nai kamta samrang ly Siloh mary i pathyp pi nai keung Eli hawi katu chanauchi molam y, Areng i leu pei naichi angym hai nai ne.

1 NENG SATANG 17:18

Hini tleaung y mana hnei takeng ai mo! Nang ly kai i satang hawihai palai pany i py, nang i miseaung kai ai tahm pasang bo.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 26:18

paka ai nai chei u i, nichi my, “Aw samrang Uzia awi, nang ly Areng teng y mui katuichi leng patlum ai nga nai ny y. Hini kalop sa ai nai a-au yb naichi ly Aron i kangpreang pathyp pi nai keungchi ne khyh. Hini meingtym kachaira i dengdairei theu ba. Samrang nang ly Areng i tlang tleaung y kamngo sa bo. Hunai deaungkho y nang ly Areng Tameuh teng i amtheaung naira ngo y leang bo,” napi.

SAM 18:20

Kai ly kateng sa nai molam y mymy ly kai ai hawi naira ang pei; kai ly kamngo by y nai y amtheaungra ang pei nai ne.

SAM 18:26

Paleung chai nai khumichi teng y chai nai paleung ka-dawn py, khumi hawi y naichi teng y ka-jo ngai nai paleung ka-dawn py, amteng hai bo.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 73:20

Nichi ly khawn mang y amang tami vui nai kamta ne; aw Areng nang ang thau nai khala y, nichi ly tama u veng bo.

SAM 91:14

Tameuh my, “Kai ai tamen nai khumichi ai kaimy atleu ai; kai ai Areng ne, nanai pany nai khumichi ai ly kaimy ama hai ai.

SAM 91:15

Nichi my kai ai palau nai khala y, kai ly pathang pi ai; nichi patang naira avum nai khala y, kai ly nichi hawi vanrei awm ai; kai ly nichi ai atleu iy tahm pasang ai.

THEU NAI 28:43

Aron hawi my i chapochi ly kai i awmra Tabynako theung y kun nai khala py, meingtym Kachaira y pathyp pi nai keungchi i kalop sa ai nai maicham sahawi y ahai nai kha y py, kangji nga iy dei y ai nai, huni phangphi kadawichi amchiu ai nai tla. Hini reita ly Aron hawi ni i kangpreangchi teaung patawm jojo ai nai tla.

THEU NAI 29:9

Khobaichi py akawm hai ly lukhym kasauchi py adeung hai; nang ly hina nai kamta Aron hawi ni i chapochi ai tahm palyn ai nai tla. Nichi hawi nichi i kangpreangchi ly pathyp pi nai keung y, kai i kalop sa u jojo ai nai tla.

LEU KACHENG 12:8

Ami tleaungtha cheng nai khumi ai ly khumi takhrachi my palo ai; tau cheng naira by y nai khumichi ai ly ami my py khen nau ai.

LEU KACHENG 4:8

Cheng naira ai paleung abie ba. Huni my ly nang ai tahm asang hai ai. Cheng naira ai takawi na ba. Huni my ly nang ai tahm pateng hai ai.

LEU KACHENG 8:17

Kai ai tamen nai khumi ai, kai py tamen; ami py ne sy, kai ai hau baly avum pajau.

ISAIA 29:13

Areng my, “Hini khumichi ly kai ai labeaung mang ly kang chiu bo, nanai thui i py, nichi i leuchi ly ati sai py ny y. Nichi i paleung py meingtym takhra mang y apei vui nai ne. Nichi i reita ly khen y naimy thui kawp nai khumichi i tanyn hawi, reitachi naini lawm bo.

JEREMIA 49:15

Areng ly nangchi i pri ai atho bai hai iy, ami py nangchi ai tahm ang khai u ai ny y.

Ezekiela 34:10

Sa thai naira angym nai kai, Areng ly nangchi i paleung ka-e ne iy, kai i beramchi ly nangmy kry ai nai kalop ne, nanai angchi khyp thai hai nai bo. Kai ly kaimy i beramchi ai nangchi teng i nai la vui ai. Nangchi ly mana khala py nichi ai kry ai nai hawi, nangmychi ai naini akry ai nai py kang pei ai ny y. Beramchi ly nangchi i teicha lawm y pa-rei, kai ly kaimy i beramchi ai nangchi kiu i nai atleu ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

MALAKHI 1:6

Ati cheaungkhang sa thai nai Areng ly pathyp pi nai keungchi teng y, “Chapo ly ampo ai py, miseaung ly yhmkeung ai py, tahm khai bo. Kai ly nangchi i ampo ne. Ati mana nai y nangchi ly kai ai tahm khai u y lawh mo? Kai ly nangchi i yhmkeung ne. Nangchi ly kai ai tahm pateng u y lawh mo? Nangchi ly kai ai khumi amiu y nai sa iy, “Nang ai kaichi my ati mana mei aniu y nai kasa u lawh mo?” nanai deng u bo.

MALAKHI 2:3

Kai ly nangchi i katu chanauchi ai kapajeng ai. Nangchi i meimaira y nangmychi i talam nai tawnbawichi ei hawi pajui iy, nangchi ai huni tawnbawichi hawi vanrei patheu vui ai.

Kati Nai 11:20

mawi ly amleu ano iy palei na pa-rei, lo jeungrei cha ai nai nga u ai. Ati mana nai mo na baly nangchi Aikupta pri y kadeaung naimy, nangchi hawi vanrei awm nai Areng ai patlaw su iy, josei tangam u nai deaungkho y ne’,” napi.

Kati Nai 35:34

Kai ly Areng ne iy, Israela khumichi theung y kaawm hai nai ne; hunai deaungkho y nangmychi i pri ai amneaung hai moh,” napi.

JOHAN 12:26

Ami py kai i kalop sa baly kai teng y abang sy; kai i awm naira y kai i miseaung py awm teang ai; ami py kai i kalop sa baly ampo my ni ai tahm pasang ai.

JOHAN 5:23

Ami py chapo ai tahm khai y nai ngierei ly Ampo, ni ai pato nai keung ai py tahm khai y nai bo.

JOHAN 5:44

Nangmychi my apalo leungtang i, Leaungrei Awm Khyh nai Tameuh i dengdairei theu nai palo naira ai ly nangchi hau y: mana ym u thai ai mo?

JOHAN 8:49

Isu my, “Vawinam my kai ai nam nai ny y leang; Ngaai ai kapalo nai ne i nangchi ly kai i amyn taphra lawh ly.

I KORINTH 4:5

Hunaibaly Areng jeu y ryrei ly neng y rai khala y ati sai py chih u moh; mymy ly kaveng i atiti leu kangviuchi ai ly kangvang y patheu iy, paleung y tau naichi ai py amteng hai ai; huna nai neng khala y ly khumi leaung leaungrei ly Tameuh teng y amymy i nga ai nai kamlau palo naira nga ai.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

TARA CHIH NAI KEUNGCHI 9:10

Huna nai khala dengkeaung keungchi ly thaidu keung teng y chei iy, ‘kaichi i tlang tleaung y samrang so ba,’ nanai takeng u.