1 SAMUELA 2:11 - Khumi Common Language Bible

¹¹ Naibaly Elakana ly Ramah mary y awm nai, my i yhm mang y vawi teang bo; na i py deaungdi Samuela ly Siloh mary y awm jo iy, pathyp pi nai keung Eli i anui y Tameuh i kalop sa nai ne. Eli i chapochi

1 SAMUELA 2:11 ပူးပေါင်းရင်းမြစ်များ

1 SAMUELA 1:1

Ephraim mawitleaung pri Ramah mary y Elakana napi nai khumi leaungrei awm; ni ly Ephraim cheng theaung khumi ne i, ampo ly Jeroham, amsipui ly Elihu ne. Ni ly Zuph nupai, Tohu yhm dengtheung ne.

1 SAMUELA 1:19

Naibaly khawn mang y Elakana hawi yhm dengtheungchi ly khawn angthodyh ang thau iy Areng ai chiu pajau baly, nichi ly Ramah mary mychi i yhm y vawi u teang bo. Elakana ly my i aju Hannah hawi i ahawi i, Areng ly Hannah i chiu sa nai pathang pi bo.

1 SAMUELA 1:28

Hunaibaly kai ly hini deaungdi ai Areng teng y talam nai ne; ni heng nai sala ryrei ly Areng teng y kaau bo,” napi. Naibaly nichi ly Areng ai chiu u bo.

1 SAMUELA 2:18

Huna nai thym khala y deaungdi Samuela ly kanih mai ka-syn baichu kangjiu amchiu iy, Areng i kalop sa.

1 SAMUELA 3:1

Deaungdi Samuela ly Eli i pacheang nai anui y Areng i kalop sa naimy awm; huni neng khala ly Areng teng i amo leu thai nai py di parai, amteng hai naichi py khri pa-rei di parai nai ne.

1 SAMUELA 3:15

Samuela ly ira tleaung y khutawi pa-rei awm jo; khutawi baly ang thau iy Areng i yhm katheuchi paeaung bo. Ni ly my i niu nai amteng hai nai satangchi Eli teng amti pi vam y.

1 SAMUELA 7:17

Naibaly ni ly Ramah mary my i yhm y vawi iy, tara chih keung kalop sa. Ni ly amah mary y Areng i vui maicham sa nai ne.