Huni kani y ly khumi neangneangchi my, ‘Areng, Areng, kaichi ly nang i amyn y leu thui iy, nang i amyn y vawinamchi ai patheu, nang i amyn y atiti rengrangchi py neangneang so y a? napi ai.
Huni leu ly mymy paseang ryry nai thui nai ny y leang; huni saneng ly ni ly pathyp pi nai keung kalen kehra y awm i, nichi i cheng jyn y Isu dei ai nai thui rym nai teu; hunichi i cheng jyn harei khyh py ny y leang.
Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.
Sawla hawi miseaung ly Kibeah mary y tym hawi nai khala, amo kamkawm phyreichi my, nini ai lamchung bo. Tlenrei khyhmy Tameuh i phailo ly Sawla teng y tym nai deaungkho y, ni ly amochi hawi vanrei lam naimy aeu bo.
Huni meingtym y awm nai khumi leaungrei my, “Takhra amochi i ampochi ly amichi mo?,” napi. Huna nai ly “Sawla py amo lawm bo a?,” nanai thui achih nai kamteaung awm nai ne.
Kani pa-nyh y Tameuh teng i phailo hawi y, nai Sawla i tlang tleaung y tym hai i, kamthu kamleaung kamta ly my i yhm angtheung y aeu nai ne. Davida ly my i kani tleirei sa nai kamta taro beu pi; Sawla ly my i kiu y tivi syn naimy,
Davida ly huna nai tleaung vui i, Ramah mary y awm nai Samuela teng y chei iy, my i tlang tleaung y Sawla i sa nai ngierei amti pi. Naibaly ni hawi Samuela ly Naioth avang y chei i, hu y awm hawi bo.
hunai deaungkho y niai patiu ai nai khumi phyreichi ai pato. Nichi ly Samuela my lu sa iy lam, aeu u nai amo kamkawm ai niu u. Huna nai khala y Tameuh i phailo ly Sawla i khumichi teng y tym i, nichi py lam, aeu u.
Naibaly Sawla mymy khypkhyp naimy, Ramah mary y chei; ni ly Seku avang y awm nai tuikan pui ra y tym nai khala, Samuela hawi Davida i awm nai meingtym deng i, Naioth avang y awm, nanai pany bo.