1 SAMUELA 19:1 - Khumi Common Language Bible

¹ Sawla ly Davida ai padei vui ai nai tau nai sai, mymy i chapo Jonathan hawi my i miteaung keh bawibawichi teng y thui pi bo. Na i py Jonathan ly Davida ai khri pa-rei tamen nai deaungkho y,

1 SAMUELA 19:1 ပူးပေါင်းရင်းမြစ်များ

ATITI AWM ANGCHEI NAI 37:18

Nichi teng tym y rai khala y, kamlo mang dengdairei mymy ai niu u; hunai thym khala y nichi ly mymy ai padei vui ai nai arum u nai ne.

2 SAMUELA 4:8

Hebron mary y tym hawi nai khala, nini ly Davida teng y, “Nang ai padei ai hau nai, nang i paleung ka-e Sawla chapo i lu ne he. Vaini Areng ly nang ai, Sawla hawi katu chanauchi i tlang tleaung y, vawitheung tha ai nai pei nai bo,” napi iy Isboseth i lui talam pi bo.

1 SAMUELA 18:1

Sawla hawi Davida nini leu arum hawi chum baly, Sawla i chapo Jonathan ly Davida ai khri pa-rei khrei na i, amymy ai tamen nai kamta tamen nai ne.

1 SAMUELA 18:25

Naibaly Sawla my nichi teng y thui pi bi nai ly “Nangchi my Davida teng y, Samrang ly nang ai chaniu pei ai i, tamo muivang palawn ai nai, nang ly Philistia khumi kadei leaung chungvaireichi teng i lengkhym syn pi sy; huni ly paleung ka-echi ai vawitheung tha nai, palawn ai nai aly ngai nanai thui pi,” nanai leu pei bo. (Sawla hina nai sa nai ly Davida ai, Philistia khumichi i kiu y dei hai ai nai tau sa nai ne.)

1 SAMUELA 18:3

Jonathan ly Davida ai khri pa-rei tamen nai deaungkho y, deungtasarei ahawi kamrawi asa ai nai vaineng adeu bo.

1 SAMUELA 18:8

Sawla ly hina nai khulym thui nai ai khrei y i kado theu iy, “Nichi my Davida ly meaung neangneang padei iy, kai ly sang neangneang padei, nanai khulym thui u lawh bo. Ni ai samrang palyn ai nai awm khyh bo ly!,” nanai thui chum baly,

1 SAMUELA 18:9

huni kani dengdairei Davida ai niu ngai y i, ym thai y nai paleung kun bo.

1 SAMUELA 19:2

Davida teng y, “Kai i ampo ly nang ai padei ai nai khri pa-rei atho sa bo. Khawndam khawn ly adawn ryhpatyh naimy aheu ba.

1 SAMUELA 20:1

Naibaly Davida ly Ramah mary ka-peang Naioth avang dengdairei angpreng i, Jonathan teng y chei iy, “Kai ly ati kasa lawh mo? Kai ly ati kamngo kasa lawh mo? Kai ai padei ai nai pa-rei nang i ampo ai, kai ati tamang lawh mo?,” nanai deng.

1 SAMUELA 20:19

Khawnvai py hunai kamta, nang by y nai niu u ai; hunai deaungkho y nangmy i aheu reng nai meingtym y chei ly Ezela lengseaung nithun mang y aheu ba.