1 SAMUELA 18:12 - Khumi Common Language Bible

¹² Sawla ly Davida ai jei bo. Ati mana nai mo nabaly Areng ly Davida hawi vanrei awm iy, mymy ai ly khai su veng nai deaungkho y ne.

1 SAMUELA 18:12 ပူးပေါင်းရင်းမြစ်များ

2 SAMUELA 5:10

Ati cheaungkhang sa thai nai deungtasa Areng Tameuh ly Davida hawi vanrei awm hai nai deaungkho y, sa thai naira awmra awmra nai ne.

2 NENG SATANG 17:3

Jehoshapha ly ampo Asa peang angchei khala i sa nai kamta, Bala tameuh ai chiu y nai deaungkho y, Areng ly ni ai amtheaung hai bo.

SAM 51:11

Nang i mei ka-niu i nai kai ai patheu vui moh ba; nang i Phailo Kachai kai teng i nai lo pi veng moh kyh ba.

SAM 53:5

Na i py Tameuh ly mymy i khumichi i paleung ka-echi i hiuchi ai ahei hai pawn ai i, nichi ly tlenrei py avum vai y nai ka-jeirachi hawi khri pa-rei jei hyn u ai. Tameuh ly nichi ai khai su bo i, Israela chengchi ly pajau u vui ai.

HOSEA 9:12

Na i py nichi ly cho chanauchi ai palum paveang lawh teu i py, kai ly huni deaungdichi ai padei iy, leaungrei ai py heng hai ai ny y. Kai ly nichi ai khai su nai khala y, nichi ly ka-jei awm nai patangra avum u ai,” napi.

MATTHAI 25:41

“Hunai pajau khala y ly ni ly mymy i langvawi mang y awm naichi teng y ly, ‘Amsawi lawi naichi awi, diabola hawi mymy i amtaw thaunaichi i vui sa rym nai deungtasarei mai y kai teng i nai chei u pawn;

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

LUKA 8:37

Naibaly Kerasin pri tengtang i khumi bawibawichi ly khrikhri pa-rei jei nai deaungkho y ni ai ly mymychi teng i dengdairei chei veng ai nai takeng; naibaly mymy ly paleaung y atang iy ali teang bo.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

AMTAW 7:9

“Naibaly cheng holai nyhreichi i amsi sangumchi my Josepha ai ly keng i, Aikupta pri y jo vui; na i py Tameuh my mymy teng y awm hai i,

TARA CHIH NAI KEUNGCHI 16:20

Ni ly Samson! Philistia chengchi ang jeu u bo! nanai aeu. Huna nai khala Samson ly ira i nai ang thau iy, angchei khala i kamta ly vai py mymy lawm teang lym ai, nanai athang khai; mymy ai Areng my khai su veng bo, nanai pany y.

1 SAMUELA 16:18

My teng y awm nai miseaung leaungrei my, “Bethlehem mary y awm nai Jesai teng y, taro beu kawp nai chapo leaungrei awm; ni ly sorai paleung awm nai, mo-cha hawi nai, tavai atiu kawp nai, leu haidau awm nai khumi ne. Areng ly ni hawi vanrei awm,” napi.

1 SAMUELA 16:4

Samuela ly Areng i leu pei nai kamta sa ai nai, Bethlehem mary y chei bo. Huni mary i lu sa nai miteaung kehchi ly kaso theu u naimy lamchung u i, “Areng awi, nang ly paleung awmnem naimy jeu nai a?,” nanai deng.

1 SAMUELA 18:15

Huna nai eaung nai ai Sawla my niu nai khala y, Davida ai jei tleaung y jeira bo.

1 SAMUELA 18:20

Hunai bo y Sawla i chaniu Mikhala ly Davida ai khrei nai ne. Huni satang ai Sawla pany nai khala y, khri pa-rei amo theu.

1 SAMUELA 18:29

Sawla ly Davida ai jei tleaung jeira i, my deungrei Davida ai paleung ka-e khai bo.

1 SAMUELA 20:13

Ni ly nang ai padei ai nai dawn lawh nai khala y, nang chymme naimy tleaungra nga ai nai, nang teng y satang kang thai hai y lawh baly, Areng my kai ai dei pa-rei pajeng sy; Areng ly ngaai ai awm hai nai kamta, nang ai py awm hai sy!

1 SAMUELA 22:13

Sawla my ni teng y, “Nang hawi Davida ly ati mana nai kai ai tiu ai nai dawn paviu hawi lawh mo? Nang ly ati mana nai ni ai, teicha teinei hawi haisau pei pi lawh mo? Ati mana nai ni i vui Tameuh teng y hnei pi lawh mo? Vai, ni ly kai ai ang tiu lawh bo; kai ai padei ai nai neng ka-vo hau lawh bo ly!,” napi.

1 SAMUELA 28:15

Samuela ly Sawla teng y, “Nang ly ati mana nai kai ai khrukhra hai lawh mo? Ati mana nai kai ai palau teang lawh mo?,” nanai deng. Sawla my, “Kai ly khri pa-rei patang naira avum nai ne. Philistia chengchi ly kai hawi tavai atiu bo. Areng my py kai ai khai su bo. Mymy ly amochi hawi py, amang mang py, kai ai pathang pi y. Hunai deaungkho y kai ly nang ai palau nai ne. Kai ly ati mana sa ai mo, nanai leu pei ba,” napi.

1 SAMUELA 3:19

Samuela ly veangryh veangryh i Areng ly ni hawi vanrei awm hai iy, Samuela i thui nai ngierei ly sa pi khyp bo.