1 SAMUELA 17:47 - Khumi Common Language Bible

⁴⁷ Mymy ly my i khumichi ai atleu ai nai molam y haisau, tivi ateaungchi teaung ai nai aly ngai y nai py, hini meingtym y awm nai khumichi my niu u ai. Mymy ly tavai leaungsai kawp keh nai ne i, nangchi bawibawi ai kai i kiu y ang-au ai,” napi.

1 SAMUELA 17:47 ပူးပေါင်းရင်းမြစ်များ

2 ARENG KEH 5:15

Ni ly mymy i khumichi hawi vanrei, Elisa teng y ali teang iy, “Israela chengchi i Tameuh ny y baly, tameuh takhra by y, nanai vai ly kapany bo. Hunai deaungkho y areng awi, kai i pei nai langseaung talam ba,” napi.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

SAM 46:11

Ati cheaungkhang sa thai nai Areng ly achi hawi vanrei awm; Jakob i Tameuh ly achi i abyhra ne.

ISAIA 9:7

Ni i sa thai naira haiho ly hlo veangveang iy, ni i pri py tlamsa jojo ai. Ni ly samrang Davida i yhmtheaung amtym iy vai i dengdai deungtasa tem pa-rei leu meitang adyh adawi naimy peang ai. Ati cheaungkhang sa thai nai Areng ly hina naichi tym angym hai ai nai leu pacheang yb veng nai ne.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

JOSUA 10:8

Areng my Josua teng y, “Nichi ai jei moh. Kai ly nichi ai nang i kiu y kang au bo. Ami py nang ai amtang pajau y leang,” napi.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 18:17

Naibaly Sawla ly Davida ai palau iy, “Kai teng y chaniu kalen Merab awm. Nang ly Areng i tavaichira y vam parai naimy atiu iy, kai i kalop sa pi ai nabaly, kai ly nang ai hini chaniu hawi apom hai ai,” napi. (My i kiu y padei y naimy, Philistia chengchi kiu y dei hai ai nai paleung ka-kawi kun bo.)