1 SAMUELA 17:46 - Khumi Common Language Bible

⁴⁶ Vaini my Areng ly nang ai, kai i kiu y ang-au ai; kai ly nang ai kang pajau vui ai i, nang i lu kang tameang vui ai. Naibaly Philistin tavaimichi i veuchi ai tavochi, mawi kasichi i teicha lawm hai ai; huna nai khala y Israela chengchi teng y, Tameuh awm nanai khaileaung pri vereichi my pany u ai.

1 SAMUELA 17:46 ပူးပေါင်းရင်းမြစ်များ

ATITI AWM ANGCHEI NAI 40:19

Kani thomrei kani y samrang my nang ai ang palau iy nang i lu tameang hai vui ai; nang i tlang ai ly dengkeaung tleaung y bang hau ai i, tavochi my nang i ngan ang cha ai,” napi.

2 SAMUELA 18:28

Ahimaz ly samrang ai chibai sa chum baly, ni i mo y khaileaung y ambeu naimy, “Paleung ka-echi i tlang tleaung y samrang nang ai eaung hai nai keung nang i Areng Tameuh ly nang parai nai awm sy!” napi.

2 SAMUELA 21:10

Naibaly Ei-a i chaniu, Sawla i samrangnu ai kry nai Rizpah ly paisiu kanih hawi veuchi khai nai lengseaung salo y khiu iy, choh tyn amteaung khyp khala i dengdairei, nicho neng tym pa-rei veuchi ai kanithun y tavochi my, vum y daichi mawichi my cho y pa-rei typ nai ne.

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

1 ARENG KEH 8:60

Hunai deaungkho y Areng leaungrei naini Tameuh tatang ne; Tameuh takhra by y, nanai khaileaung pri i cheng cheaungkhangchi my pany u ai.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

2 ARENG KEH 5:15

Ni ly mymy i khumichi hawi vanrei, Elisa teng y ali teang iy, “Israela chengchi i Tameuh ny y baly, tameuh takhra by y, nanai vai ly kapany bo. Hunai deaungkho y areng awi, kai i pei nai langseaung talam ba,” napi.

SAM 31:8

Nang ly kai ai paleung ka-echi kiu theung y tym hai y naimy, kaimy ngaingai chei pajau ai nai pei bo.

SAM 46:10

Mymy ly “Atiu naichi anawn u; kai ly khumi cheng cheaungkhangchi theung y py, khaileaung pri verei y Tameuh nang parai nai ne, nanai pany u,” nanai leu pei bo.

THEU NAI 9:16

Na i py Khaileaung pri verei kai i sa thai naira niu u ai nai, kai ly nangchi ai deung sau hai nai ne.

ISAIA 37:20

Aw, kaichi i Areng Tameuh, vaimy kaichi ai Asuria chengchi kiu i nai atleu pi kyh ba. Hunaibaly nangmy leaungrei naini Tameuh ne, nanai khaileaung pri y awm nai khumi cheng bawibawichi my pany u ai,” nanai takeng bo.

ISAIA 52:10

Areng ly chai parai nai kiu hawi, pri tleireichi mo y mymy i khumichi ai atleu nai deaungkho y, huni atitichi ai khaileaung pri vereichi my niu u nai ne.

ISAIA 56:9

Areng ly cheng takhra khumichi ai mawi kasi kamta jeu ai nai palau iy, mymy i khumichi ai tleh hai bo.

JEREMIA 19:7

Kai ly hini meingtym y Juda khumichi hawi Jerusalem mary i khumichi i dawn tau nai ngierei phra hai ai. Nichi ai padei ai hau nai khumichi i kiu y au iy tavai keung y dei hai ai. Nichi i veuchi ly tavochi hawi daichi mawi kasichi i teicha lawm ai.

JEREMIA 34:20

Kai ly nichi ai paleung ka-echi i kiu y au ai. Nichi ai padei ai ngai nai khumichi i kiu y kaau ai. Nichi i veuchi ly tavochi hawi daichi mawi kasichi i teicha lawm ai.

DANIELA 2:47

Samrang my, “Nang ly hini thiu parai nai saichi ai thui pachai pi pajau nai deaungkho y, nang i Tameuh ly tameuhchi bawibawi tleaung y len keh nai ne. Samrang bawibawichi ai peang nai keung, thiu parai nairachi ai pany hai pi nai keung ne,” napi.

DANIELA 3:29

Naibaly leu cheaungkhang katheu nai khumi bawibawichi hawi pri tleirei i ami py ne sy, Sadraka, Mesheka hawi Abedanekochi i Tameuh ai tahm khai y nai leu thui lawh baly, huni khumi ai tawp piupa iy ni i yhm py, maidym satlawi lawm hai sy, nanai vai, kaimy leu pei. Nichi leaung thomreichi i Tameuh kamta, mani tameuh py atleu pajau y leang,” napi.

MATTHAI 24:28

Ma mang y py mawi veu awm naira ngierei y langnachi py tym achu ai.

Leu Thui Nai 28:26

Nangchi dei nai khala y tavochi hawi mawi kasichi ly nangchi i ngan cha u ai, huni tavo hawi mawi kasichi ai paryh vui ai nai khumi awm ai ny y.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 7:23

Areng ly nangchi i paleung ka-echi ai nangchi i kiu y au ai i, nichi ly ahei seaungkhrang iy kanghawi y myh u ai.

JOSUA 10:8

Areng my Josua teng y, “Nichi ai jei moh. Kai ly nichi ai nang i kiu y kang au bo. Ami py nang ai amtang pajau y leang,” napi.

JOSUA 4:24

Hini lyh ai hawi nai ka-ma-ra molam y, khaileaung pri y awm nai khumi bawibawichi ly Areng i nang parai nai sai pany u ai. Nangchi py nangmychi i Areng Tameuh ai jei kaji naimy tahm khai u jojo ai,” napi nai ne.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:44

Naibaly Davida my, “Jeu ba, kaimy nang i ngan ai, tavochi hawi mawi ka-sichi i teicha lawm hai ai,” napi.