1 SAMUELA 17:45 - Khumi Common Language Bible

⁴⁵ Davida my, “Nang ly haisau, tivi hawi jawhaw syn naimy kai teng y jeu bo; na i py kai ly nangmy ka-jo hau nai Israela tavaimichi i Tameuh, ati cheaungkhang sa thai nai Areng i amyn hawi kang jeu nai ne.

1 SAMUELA 17:45 ပူးပေါင်းရင်းမြစ်များ

2 NENG SATANG 14:10

Huna nai khala Asa ly nichi ai tiu ai nai theu i, Zephathah leaunghawi y meingtym la.

2 NENG SATANG 32:8

Ni mang y khumichi i sa thai naira naini awm khyh; achi mang y ly ang sabawm iy achi i tavai atiu naira y abawi nai achi i Areng Tameuh awm,” napi. Hina nai samrang i leu deaungkho y, khumichi ly atho nga u bo.

SAM 124:8

Achi ai sabawm naira ly kani hawi khaileaung ai sa nai keung Areng teng i nga u nai ne.

SAM 18:2

Areng ly kai ai ama hai nai keung, kai i khaw parai nai khengsi apai ne. Kai i Tameuh ly kai ai ama hai nai deaungkho y kai ly chymme bo. Mymy ly khupui kamta kai ai ama hai. Kai mang y amtang hai iy kai ai chymme naimy ang khai.

SAM 20:8

Huna nai khumichi ly athei iy atlym u ai. Na i py achi ly ang thau iy khaw parai naimy angdo ai.

SAM 3:8

Areng ly eaung naira pei pajau nai keung ne; mymy i khumichi tlang tleaung y amtheaung naira tym hai sy,

SAM 44:6

Kai ly kaimy i thailiho ai a-ym y leang; kai i haisau py, kai ai atleu pajau y leang.

LEU KACHENG 18:10

Areng ly khumi kahawichi i abyhra, khaw parai nai lengseaung yhm pui atawm. Hu y khumi kahawichi ly chymme naira nga ai nai chei u pajau nai ne.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:28

“Na i py kai ly nang i satang pany angym bo. Nang ly ati sa iy ma mang y chei mo nanai py, kai ai mana tanrei kado theu hai mo, nanai py kapany.

II KORINTH 10:4

(kaichi i tavai ateaungchi ly tlang y awm nai ny y leang, apai khaw parai naichi aphrei ai nai ly Tameuh i saho y atiti sa thai nairachi ne);

II KORINTH 3:5

ati py kaimychi teng i dengdairei theu nai palawn ai nai kaimychi my pha pajau ryry nai kana nai ny y leang; na i py kaichi i pha pajau nai ly Tameuh teng i dengdairei nga nai ne.

PHILIPI 4:13

Kai ly kai ai ham hai nai keung i saho y ati cheaungkhang kasa thai nai ne.

1 SAMUELA 17:10

Vai, kai ly Israela tavaimichi theung i leaungrei hawi atiu ai nai kang palau nai he; kai hawi atiu ai nai khumi leaungrei ai vawi takhra u!,” napi.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.

1 SAMUELA 17:6

Ni i kheu y py kheupaja hawi sa nai kheu amchiura amchiu teang; Naibaly ni ly my i paleang tleaung y kheupaja jawhaw harei apu nai ne.