1 SAMUELA 17:36 - Khumi Common Language Bible

³⁶ Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.

1 SAMUELA 17:36 ပူးပေါင်းရင်းမြစ်များ

2 NENG SATANG 32:17

Empara samrang ly Israela chengchi i Areng Tameuh ai amtang naimy pa pi nai cha ly “Pri tleitleira i tameuhchi ly mychi i khumichi ai, kai i kiu i nai atleu u pajau y leang. Hezekia i tameuh py my i khumichi ai kai i kiu tleaung i nai atleu pajau ai ny y,” nanai ne.

ISAIA 10:15

Na i py Areng my, “Peuseng ly mymy ai teaung nai keung tleaung y len keh, nanai thui pajau na a? Raw py mymy ai amkhaw iy si nai khumi tleaung y aly len, nanai thui pajau na a? Tamtleang my khumi ai amkhaw nai ny y, khumi my tamtleang ai amkhaw nai ne,” napi.

ISAIA 36:15

Areng ai paleung pado ai nai, ni my parawi teu i py, nangchi tangai u moh. Areng ly nangchi ai atleu pi ai nanai py, kaichi Asuria tavaimichi teng y nangchi i mary tiu vui ai nai pei ai ny y nanai py, athang khai u moh.

ISAIA 36:18

Areng ly kaichi ai atleu pajau, nanai nangchi athang khai u ai nai Hezekia my tapawp nai tangai u moh! Cheng takhrachi i tameuhchi ly nichi i pri ai, Asuria empara samrang kiu i nai atleu pi sai a?

Ezekiela 28:10

Nang ly tameuh by y nai cheng takhra khumichi i kiu y, ui kamta dei ai. Hini ly sa thai naira angym nai kai, Areng i leu pei nai ne,” napi.

Ezekiela 32:19

Nichi teng y thui pi ai nai ly: nangchi ly khumi takhrachi tleaung y khri pa-rei apu, nanai adawn u nai sai a? Nangchi ly dei naichi i tavau pri y ang vum iy lengkhym takip y nai khumichi hawi vanrei aseaung u.

DANIELA 5:23

Nang ly kani pri mang i Areng ai ka-awi sa iy, Achura yhm theung i muku khauchi la hai lawh bo. Nang hawi vanrei, nang i bangtangchi, samrangnuchi, samrangnu i aheaung apaichi ly huni muku khauchira y kreip hangchi tleng iy nei chum baly, mei niu y, kano thai y, ati sai py pany y nai muku, tangka, kheupaja, tamo, dengkeaung, lengseaungchi hawi sa nai tameuhchi ai palo u bo. Na i py nang ly nangmy i tlang ai py, nangmy i sa nai bawibawichi ai py, peang nai keung Tameuh ai ly palo y lawh.

ZEKHARIAH 12:3

Na i py huni neng khala y kai ly Jerusalem mary ai, ji parai nai lengseaung pui kamta lawm hai ai. Huni lengseaung pui ai atho sa iy kateang nai khumichi ly no nga u ai. Khaileaung pri y awm nai khumi cheaungkhangchi ly huni mary ai katanmeuh iy tiu u ai.

ZEKHARIAH 2:8

Nangchi ai tiu nai khumi ly kai i tahm khai keh nai ai tiu nai khumi ne,” napi. Hunai deaungkho y mymy i khumichi ai tiu nai khumichi teng y, hini satang thui pi ai nai kai ai ati cheaungkhang sa thai nai Areng my pato nai ne.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

1 SAMUELA 17:10

Vai, kai ly Israela tavaimichi theung i leaungrei hawi atiu ai nai kang palau nai he; kai hawi atiu ai nai khumi leaungrei ai vawi takhra u!,” napi.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:35

kai ly huni mawi kasi ai hui nai tiu iy, beram ai atleu teang bo. Naibaly khrangsi mo, tavym my mo, kai ai ang taba lawh baly, kai ly tao y taau cheng iy dei pa-rei kapakhau ka bo.

1 SAMUELA 17:37

Areng ly kai ai khrangsi hawi tavym teng i atleu nai ne. Mymy ly kai ai hini Philistia khumi kiu i nai atleu ai,” napi. Sawla my, “Hawi mang, chei ba; Areng ly nang hawi vanrei awm hai sy,” napi.

1 SAMUELA 18:17

Naibaly Sawla ly Davida ai palau iy, “Kai teng y chaniu kalen Merab awm. Nang ly Areng i tavaichira y vam parai naimy atiu iy, kai i kalop sa pi ai nabaly, kai ly nang ai hini chaniu hawi apom hai ai,” napi. (My i kiu y padei y naimy, Philistia chengchi kiu y dei hai ai nai paleung ka-kawi kun bo.)

1 SAMUELA 31:4

Samrang ly tavai ateaung syn pi nai thawndeang teng y, “Hini Tameuh by y nai Philistia chengchi ly paleung amo theu naimy, kai ai ana iy padei pajau y ai nai, nang ly nangmy i haisau la iy, kai ai padei vui ba,” napi. Na i py huni thawndeang ly jei ala nai deaungkho y padei vam y i, Sawla ly my i haisau la iy pado; naibaly huni haisau tleaung y taba i dei bo.