1 SAMUELA 17:18 - Khumi Common Language Bible

¹⁸ Tavai lu areng i vui kanu katho phi horei py syn iy pei pi; ngamjochi noso hawi mo, hawi y mo, nanai khen ly no hawi nai sai pany ai nai saisairei syn iy vawi hai ba.

1 SAMUELA 17:18 ပူးပေါင်းရင်းမြစ်များ

ATITI AWM ANGCHEI NAI 37:13

Jakob my Josepha teng y, “Ngamjochi tawnbawi kanghu typ nai Sekhem mary mang y chei,” napi. Josepha my, “Chei ai mang,” napi.

ATITI AWM ANGCHEI NAI 37:14

Ampo my, “Chei ly ngamjochi py, tawnbawichi py mana awm mo khen cham; kai teng y amti thui pi ali teang,” napi. Hunaibaly Josepha ly ampo my pato nai kamta Hebron leaunghawi dengdairei chei i, Sekhem mary y tym bo.

ESTHER 2:11

Modekai ly kani tleirei Esther i awm nai sai py, ni i tlang tleaung y ati mana so u na mo, nanai py pany pajau ai nai anglo savang yhm mo y avawrei aleaung ali nai ne.

JOBA 10:10

Nang ly kai i ampo teng y sa thai naira haiho pei iy, kai ai khumicho amlawn hai; kai ai amhm i taku theung y angpa hai bo.

THEU NAI 18:7

Hunaibaly Mosi ly ni hawi avum ai nai chei i, ampu i mo y lu meung iy pachawm nai ne. Mychi tengtawi akawn u chum baly Mosi i tai theung y kun u bo,

AMTAW 15:36

Naibaly kani majirei mo awm nai bo y ly Pawla my Barnaba teng y, “Vai chei hawi bi sina ly, ani i Areng i leu thui nai meingtym tleirei y amjo amnauchi ai de prei iy, mymychi ly mana mana awm mo, nanai khen hawi sina,” napi.

TARA CHIH NAI KEUNGCHI 18:15

Naibaly nichi ly Levi theaung thawndeang awm nai Mikha i yhm mang y chei u i, ni hawi ka-vum sa u.

1 SAMUELA 16:20

Jesai ly tako syn nai keaungngo kano kasau harei, kreip hang kawityh nai mawipeih adym harei hawi mi-icho harei ai, Davida hawi vanrei Sawla teng y pato jo bo.

1 SAMUELA 17:19

Samrang Sawla py, nang i amjochi hawi takhra Israela cheng bawibawichi py, Ela angdym angdeang y, Philistia chengchi ai tavai tiu ai nai awm u nai ne,” napi.

1 SAMUELA 25:5

Karamela mary y thawndeang deaungdi leaung horei pato i, “Nangchi ly Nabala ai hau ly kai i jeng y ka-vum so;

1 SAMUELA 30:21

Naibaly akawm ala nai deaungkho y mymy hawi abang pajau y nai, Besor micheaung sahawi y amdaw jo nai khumi leaung chungvai nyhreichi teng y, Davida tym teang bo. Nichi ly lamchung ai nai theu u i, Davida i khumichi ai law u.