1 SAMUELA 16:7 - Khumi Common Language Bible

⁷ Na i py Areng my ni teng y, “Hini khumi i jeng asang nai hawi, mo-cha hawi nai ly khen moh; kai ly khumi kamta chih nai ny y; huna nai y kai aly ngai y; khumi ly angam mang i awm nai sai khen reng; kai ly paleung ai khen nai ne,” napi.

1 SAMUELA 16:7 ပူးပေါင်းရင်းမြစ်များ

ATITI AWM ANGCHEI NAI 4:5

Na i py Ka-ina hawi mymy i ati ti talam nai ai ly kawn pi y. Hunai deaungkho y Ka-ina ly khri pa-rei kado theu i, my i meimai takhuisui na.

2 SAMUELA 14:25

Abasalom ly Israela pri y mo-cha hawi parai nai deaungkho y, ni kamta amyn amthang nai khumi leaungrei py by y; ni ly lu dengdairei kheu kadeaung khrairei, chehra by y nai ne.

2 SAMUELA 7:20

Kai ly ati mana nang teng y hnei bi pajau ai mo? Nang i miseaung kai i satang nangmy pany.

1 ARENG KEH 8:39

nichi i chiu sa nai ly tangai pi kyh ba. Nang i khumichi ly amsi pajochi teng y pei ai nai pri y awm nai ryrei, nangmy ai jei kaji ai nai nichi i chiu sa nai tangai pi kyh ba.

1 NENG SATANG 17:18

Hini tleaung y mana hnei takeng ai mo! Nang ly kai i satang hawihai palai pany i py, nang i miseaung kai ai tahm pasang bo.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

2 NENG SATANG 6:30

nichi i chiu sa nai tangai pi kyh ba. Nang i awm nai kani pri mang dengdairei tangai pi iy, nichi i kamngo pahen pi ba. Nang naini nichi i dawn pasym nai pany pi bo. Khumi leaung leaungreichi ai avo nai kamta, tara chih pi ba.

JOBA 10:4

Nang ly ati cheaungkhang ai khumichi niu nai kamta, niu teang lawh sai a?

JOBA 35:5

Kani mang y khen cham! Tamaichi ly mana tanrei asang na mo, nanai khen u cham!

SAM 139:2

Nang ly kai i sa nai ngiereichi pany; kai i dawn pasym nai ngiereichi ai kamlo mang my pany nai ne.

SAM 7:9

Nang ly Tameuh meitang ne; khumichi i dawn tau naichi hawi ngai nai paleungchi py chih pi nai ne. Khumi hawi y naichi i sa tamang nai paka pi ly khumi kahawichi ai hawi naira pei pi kyh ba.

LEU KACHENG 15:11

Tavau pri y tym nai leaungsaichi malawn py, Areng i mo y tamym pajau y baly, khumichi ly mychi i paleung ka-dawnchi ai, Tameuh teng i dengdairei mana heu vui thai ai mo?

LEU KACHENG 16:2

Khumi ly amy i sa nai ngiereichi ly teng, nanai dawn reng; na i py Areng ly khumi i patyp naichi ai chih pi nai ne.

LEU KACHENG 24:12

Hini kalop ly kai hawi ati sai py abi y leang, nanai nang thui ai. Na i py Tameuh ly nang i paleung ai pany i ang chih ai. Mymy ly nang ai ang kry nai deaungkho y, nang i paleung ai pany. Hunaibaly mymy ly nang i kabo kaja hawi nai, hawi y nai kamlau ang pei ai.

LEU KACHENG 31:30

Paleung ka-dawn apei vui na pa-rei, apu parai naichi py tama pajau. Na i py Areng ai jei kaji naimy tahm khai nai neampachy ai ly palo ai ataing nai ne.

JEREMIA 11:20

Huna nai khala kai ly “Ati cheaungkhang sa thai keung Areng awi, “Nang ly leu meitang naimy tara chih reng nai keung ne. Khumichi i sa ai tau nai hawi paleung ka-dawnchi ai py, chih reng nai keung ne. Kai ly kaimy i sa naichi ai nang i kiu y kang-au bo. Hunai deaungkho y nichi ai nangmy vawitheung tha nai ly kai ai patei kyh ba,” nanai chiu kasa bo.

JEREMIA 17:10

Kai Areng ly khumi i paleung awm nai sai khen patawm thai. Paleung ka-dawn ai py cham reng nai ne. Kai ly khumi bawibawichi ai nichi i sa nai molam y mychi i ka-tan hawi nai hawi y nai pei ai,” napi.

JEREMIA 20:12

Na i py ati cheaungkhang sa thai nai keung Areng, nang ly khumichi ai leu meitang naimy chih reng nai keung ne. Nichi i paleung ka-dawnchi pany pi se nai ne. Hunai deaungkho y paleung ka-echi ai nangmy vawitheung tha pi nai ai kai ly niu ai nai ngai. Kai ly kaimy i ka-jo kahm ai nang i kiu y kang au bo.

LUKA 16:15

Hunaibaly ni ly mymychi teng y, “Nangchi ly khumi i mei ka-niu y kahawi sa u nai teu; na i py Tameuh my nangchi i paleung ly pany veng; khumichi tengtawi apalo nai ly Tameuh i mei ka-niu y ly kamso awm parai.

JOHAN 7:24

Salo y khen phriu naimy chih moh, na i py hawihai palai dawn iy chih u,” nanai pathang.

JOHAN 8:15

Nangchi ly khumichi i dawn nai kamta chih jojo, kai ly ami ai py chih y leang.

AMTAW 1:24

Naibaly nichi chiu sa i, “Areng awi, nang ly khumi bawibawichi i paleung pany nai keung ne, Juda ly mymy i awm naira y chei ai nai phra i,

II KORINTH 10:10

Ati mana nai mo nabaly nichi ly, “Mymy i cha pa naichi ly ji py ji, ho py ho; na i py mymy i mo ly tahm by y, mymy i leu katheu nai py kaneng by y,” napi.

II KORINTH 10:7

Nangchi ly nangchi i mei ka-niu y atiti awm naichi ai khen u lawh nai ne. Ami py, Kai ly Krista i ne, nanai aym baly, hini ly amymy adawn bi sy: mymy ly Krista i ne nai kamta ly kaichi py ne teang he.

HEBRAI 4:13

Naibaly mymy i mei ka-niu y ly atiti sa nai bawibawichi theung y amteng y nai ha py by y; achi ai ang sa nai keung i mei ka-niu y ly ati cheaungkhang ka-keu hawi am-eaung nai angchi awm lawh veng nai ne.

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne:

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

AMTENG HAI NAI 2:23

Naibaly mymy i chanauchi ai ly kapadei khyp ai; naibaly kai ly dawn naira hawi paleung khen patawm nai keung ne, nanai palau takhra kamkawm bawibawichi ly pany u ai; naibaly nangchi leaung leaungrei i atiti sa nai kamta kaimy kang heung ai.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.

1 SAMUELA 9:2

Ni ly amyn Sawla napi nai chapo leaungrei awm; ni ly neampacho mo-cha hawi nai thawndeang ne. Israela cheng ngiereichi theung y lu harei ka-cho asang nai ne i, mo-cha py hawi keh.