1 SAMUELA 16:5 - Khumi Common Language Bible

⁵ Samuela my, “Paleung awmnem naimy kang jeu nai ne; kai ly Areng teng y apathyp ai nai kang jeu nai teu; nangchi ly nangmychi naimy apachai iy, kai hawi vanrei abang u,” napi. Jesai i chapochi ai py mychi apachai iy, apathyp naira y jeu ai nai palau bo.

1 SAMUELA 16:5 ပူးပေါင်းရင်းမြစ်များ

ATITI AWM ANGCHEI NAI 35:2

Naibaly Jakob ly my i yhm dengtheungchi hawi mymy hawi vanrei awm nai khumi bawibawichi teng y, “Nangchi teng y awm nai tameuh takhrachi ai ly aphi u pawn; nangmychi py apachai u ly ateaung kachaichi amthyp u.

1 ARENG KEH 2:13

Naibaly Hakith i chapo Adonijah ly Solomon i amhm Bathaseba teng y chei; Bathaseba my, “Vai, nang jeu nai ly ahawi ka-dawi kamta jeu nai a?” nanai deng. Adonijah my, “Ne na a,” nanai pathang.

1 NENG SATANG 12:18

Tameuh teng i Phailo ly Amasai tlang tleaung y tym i, kangkhym y risa leaung phaireichi i tavailu areng lawm nai Amasai my, “Jese i chapo Davida awi, kaichi ly nang i khumichi ne! Tameuh ly nang mang y awm! Nang hawi vanrei nang ai sabawm nai khumichi ly eaung naira ngo u sy!” nanai aeu u bo. Davida ly nichi ai kawn i, mymy i tavaimi theung y miteaung kehchi lawm hai bo.

JOBA 1:5

Pawi lui nai tleirei kani pa-nyh khawn y Joba ly kangthodyh ang thau iy, chapo chaniuchi i vui kachai sa nai kapathyprachi talam pi reng. Huna nai kamta Joba i sa nai sai ly mymy i chapo chaniu leaung leaungrei my, Tameuh ai dawndan y nai, mei aniu y nai kamngo so lawh na, nanai paleung mawn nai deaungkho y ne.

THEU NAI 19:10

Areng my Mosi teng y, “Khumi mipuichi teng y Areng ai chiu ai nai molam angveirym ai nai vaini hawi khawndam ly amymy ai apalum apachai ai nai thui pi. Nichi ly mymychi i ateaungchi pasiu iy,

JOELA 2:16

Khumichi ai pangym iy, tahm awm nai achupui angvei u rym. Saneng len nai khumichi ai palau iy, deaungdi katheangchi hawi kanu nei thym naichi ai angym hai u; apom ang vawi nai aju juvochi malawn py, mymychi i yhm takunchi khai su ai nai tla ai.

ZEPHANIAH 1:7

Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.

Kati Nai 11:8

Hunichi ly vum y kadam hawi vanrei tai naira y tla mang; khutawi nai khala khumi mipuichi ly huni Mana pakym u nai ne. Huni ai ly nip i mo, deng i mo, tako dei palawn u; naibaly huni tako dei ai byh iy, tako phi palawn u. Kalum kathau ly olive asitui katlen iy paawp nai tako hawi atawm.)

I KORINTH 11:28

Hunaibaly khumi ami py amymy ai acham amang sy, huna iy tako cho sy, khau py nei sy.

JOSUA 3:5

Naibaly Josua my khumichi teng y, “Khawndam ly Areng my nangchi teng y lyh ai awm nai ka-ma-ra patei ai i, nangchi ngan tlang apachai u,” napi.

JOSUA 7:13

Angthau! khumichi ai kachai so hai ly khawndam kai i mo y kun ai nai angvei hai rym. Israela chengchi i Areng Tameuh my, hina nai leu pei nai ly thui pi; ‘Israela cheng bawibawichi awi, taphra pawn ai nai tla, napi nai kai i leu pei yb nai vawnsai phyrei nangchi teng y awm. Huni vawnsaichi ai nangchi taphra y nai ryrei ly nangchi ly paleung ka-echi i mo y angdo u pajau ai ny y!

1 SAMUELA 20:26

Na i py huni kani y samrang ly ati sai py katheu y; saisairei molam y Davida ly reita tanynra y chai y nai deaungkho y, tym y nai teu ngaw khyh, nanai dawn bo.