1 SAMUELA 16:21 - Khumi Common Language Bible

²¹ Davida ly Sawla teng y tym nai khala y, my i amtaw thau pi; Sawla my py ni ai khri pa-rei khrei nai deaungkho y, my i tavai ateaung syn pi nai keung y vawi takhra bo

1 SAMUELA 16:21 ပူးပေါင်းရင်းမြစ်များ

1 ARENG KEH 10:8

Nang i aju ly khri pa-rei taham hawi na ly! Nang teng y kalop sa nai tarawi y nang i cheng nai saichi thai nai, nang i miseaungchi py khri pa-rei taham hawi na ly!

SAM 118:9

Lu sa nai khumi ai ym nai tleaung y ly Areng ai ym nai ly hawi keh.

SAM 146:3

Khumichi i lu sa nai keungchi ai ym u moh; mani khumicho ly nangchi ai atleu pajau y leang.

SAM 62:9

Khumichi ly taho kathiu, taho kalau nai ryrei khyh; khumichi i tahm asang nai anem nai, nanai py atyhtyh teu; nichi ai nehra y neh iy khen u cham; nichi ly kaji by y leang; taho kathiu taho kalau nai ali tleaung y py jang keh.

LEU KACHENG 22:29

Amy i kalop ra y kawp hawihai nai khumi ly samrang teng y kalop sa ai nai nga ai. Khumichi i kalop ai sa pi ai ny y.

Leu Thui Nai 1:38

Na i py nang i bangtang Nun i chapo Josua ly huni pri y kun ai nai nga ai; Josua ai sabawm u. Ni ly Israela chengchi ai lu sa iy huni pri peang ai,’ napi.

Leu Thui Nai 10:8

Mawisalo y Areng ly Levi theaungchi teng y Leu Maikawm Pawm kry ai nai py, pathyp pi nai keung kalop sa ai nai py, mymy i amyn y amtheaung hai nai kalop py au nai ne. Nichi ly vaini khrairei huni kalopchi sa u bo.

TARA CHIH NAI KEUNGCHI 9:54

Huna nai khala ni ly my i tavai ateaung syn pi nai thawndeang leaungrei ai palau kaliki i ni teng y, “Nang i haisau aphiu ly kai ai tleh vui jau; kai ly neampachy i kiu y dei, nanai thui nai ngai y,” napi. Hunaibaly thawndeang ly Abimelek ai haisau hawi tleh vui bo.

1 SAMUELA 16:22

Naibaly Sawla my Jesai teng y khumi pato i, “Kai ly Davida ai paleung bi nai ne, kalop sa ai nai kai teng y awm sy,” nanai khumi pato iy leu pei bo.

1 SAMUELA 17:15

Davida ly tlentlenrei Bethlehem y vawi iy, ampo i beramchi typ pi nai ne.

1 SAMUELA 17:55

Koliatha hawi atiu ai nai Davida tako jo nai Sawla niu nai khala y, my i tavailu Abana teng y, “Abana awi, huni deaungdi ly ami i chapo mo?,” nanai deng. Abana my, “Samrang awi, kai ly pany y,” nanai pathang.

1 SAMUELA 19:7

Hunaibaly Jonathan ly Davida ai palau iy, cheaungkhangchi amti pi chum baly, Sawla teng y hawi. Davida ly vaichi khala i kamta, samrang teng y kalop sa teang nai ne.