1 SAMUELA 16:13 - Khumi Common Language Bible

¹³ Samuela ly Olive asitui la iy, Davida ai amjo amnauchi i mo y asitui leih pi. Huni kani dengdairei Areng i phailo ly Davida teng y tym. Naibaly Samuela ly Ramah mary y vawi ali teang bo.

1 SAMUELA 16:13 ပူးပေါင်းရင်းမြစ်များ

2 SAMUELA 12:7

Nathan my, “Huni khumi ly samrang nangmy ryp bo. Israela chengchi i Areng Tameuh my, ‘Kai ly nang ai Israela samrang y khai iy Sawla kiu tleaung i nai atleu bo.

2 SAMUELA 2:4

Hunaibaly Juda mipuichi ly Hebron mary y jeu u iy, Davida ai Juda samrang y palyn u bo. Sawla i veu ai Kilead pri Jabe mary i khumichi my up nai satang Davida thai nai khala y,

2 SAMUELA 23:1

Tameuh my tahm pasang nai samrang lawm iy, Jakob i Tameuh my khai takhra nai Israela pri y tangai hawi parai nai khulym adi nai keung, Jese i chapo Davida i kangkhym i thui nai leu ly hinichi ne:

2 SAMUELA 5:3

Naibaly Israela cheng lu sa nai keung bawibawichi ly samrang Davida awm nai Hebron mary y tym u. Davida ly Tameuh i mo y nichi hawi vaineng asa nai deaungkho y, nichi my Davida ai samrang y palyn nai asitui leih pi u. Naibaly Davida ly Israelachi i samrang y lawm bo.

2 ARENG KEH 9:6

Naibaly nini leaung nyhrei ly takun theung y kun hawi i, amo thawndeang my Jehu i lu y asitui leih pi iy, “Israela chengchi i Areng Tameuh my, ‘kai ly nang ai Israela chengchi i samrang lawm ai nai khai takhra bo.

1 NENG SATANG 11:3

Huna nai Israela chengchi ai lu sa naichi ly Hebron mary y awm nai Davida teng y tym u nai khala, samrang ly Areng i mo y huni khumichi hawi amkawm nai vaineng asa bo. Nichi my py Samuela teng y Areng my adeu nai kamta, Davida ai asitui lei iy Israela samrang y palyn u bo.

SAM 89:20

Kai i miseaung Davida ai asitui leih iy, kaimy samrang kapalyn nai ne.

SAM 89:21

Ni ly kai teng i atho nga jojo ai; kai i sa thai naira saho y ni ai ham hai ai.

Kati Nai 11:17

Huni meingtym y kai kang jeu ai i, nang hawi leu arum ai; kaimy nang ai kang pei nai haiho phyrei la iy nichi teng y kapei ai. Naibaly hini khumi mipuichi i vui sa pi ai nai kalopchi, nichi my nang ai ang sabawm pajau ai i, huni kalop ly nangmy leaungrei sa ai nai ny y leang bo.

Kati Nai 27:18

Areng my Mosi teng y, “Nun i chapo Josua ly sa thai naira awm nai khumi ne nai deaungkho y, ni i lu tleaung y nang i kiu tamam pi.

JOHAN 3:34

Tameuh i pato nai keung ly Tameuh i leu thui reng; Tameuh ly pata kalei iy Phailo ai pei nai ny y.

AMTAW 13:22

Naibaly ni ai tasyh vui nai bo y ly mymychi i vui samrang awm ai nai Davida ai palum; Tameuh my huni leu ly pany hai iy, ‘Davida, Jesai i chapo, kai i paleung kamta apu nai khumi kanga bo, ni ly kai i ngai ngierei sa ai,’ napi.

HEBRAI 1:9

Nang ly hawi naira ai ly ngai i, hawi y naira ai ly nang ly niu ngai y; hunai deaungkho y Tameuh, nang i Tameuh ly nang i ahawichi tleaung y ly nang i tlang tleaung y amo theu nai rimui khri pa-rei ang thi nai bo he,” napi.

HEBRAI 11:32

Naibaly atiti kathui veangveang ai rai mo? Kideon hawi, Barak hawi, Samsona hawi, Jeptha hawi, Davida hawi, Samuela hawi, amochi hawi, nichi i satang thui pi ai nai katau iy py neng aleu y leang bo;

TARA CHIH NAI KEUNGCHI 11:29

Huna nai khala Areng i phailo ly Jephetha teng y tym. Jephetha ly Kilead pri hawi Manase pri tako prei iy, Kilead pri Mizapa mary y vawi ali teang bo. Naibaly Ammon pri mang y tavai tiu ai nai amsa.

TARA CHIH NAI KEUNGCHI 13:25

Naibaly deaungdi ly Zorath mary hawi Setola mary sala, Dan i tai naira y awm nai thym khala, Areng i sa thai naira ly ni ai atho awm hai amteaung bo.

TARA CHIH NAI KEUNGCHI 14:6

Areng i sa thai naira ly Samson i tlang tleaung y tlenrei khyhmy hamhai bo. Hunaibaly Samson ly my i kiu makeng nyhrei hawi mi-icho ai theihkrei nai kamta theihkrei vui bo. Na i py ni ly my i sa nai kalop ai amhm ampo teng y thui pi y.

TARA CHIH NAI KEUNGCHI 3:10

Areng i phailo ly ni i tlang tleaung y tym i, ni ly Israela chengchi ai lu sa nai keung y lawm bo. Othniela ly tavai tiu ai nai chei i, Areng ly ni ai eaung naira pei nai deaungkho y, Mesopotamia pri i samrang ai eaung vui nai ne.

1 SAMUELA 1:19

Naibaly khawn mang y Elakana hawi yhm dengtheungchi ly khawn angthodyh ang thau iy Areng ai chiu pajau baly, nichi ly Ramah mary mychi i yhm y vawi u teang bo. Elakana ly my i aju Hannah hawi i ahawi i, Areng ly Hannah i chiu sa nai pathang pi bo.

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 10:6

Huna nai khala Areng i phailo ly nang teng y ang tym ai i nang ly nichi hawi vanrei lam naimy aeu iy, takhra vui nai khumi lawm ai.

1 SAMUELA 11:6

Huni satang Sawla thai nai thym y my, Tameuh i phailo ly ni teng y tym i, ni ly khri pa-rei kado theu nai ne.

1 SAMUELA 16:18

My teng y awm nai miseaung leaungrei my, “Bethlehem mary y awm nai Jesai teng y, taro beu kawp nai chapo leaungrei awm; ni ly sorai paleung awm nai, mo-cha hawi nai, tavai atiu kawp nai, leu haidau awm nai khumi ne. Areng ly ni hawi vanrei awm,” napi.

1 SAMUELA 18:12

Sawla ly Davida ai jei bo. Ati mana nai mo nabaly Areng ly Davida hawi vanrei awm iy, mymy ai ly khai su veng nai deaungkho y ne.

1 SAMUELA 2:35

Kai i tlang tleaung y ka-ym awm iy, kai i kangai sa ai nai pathyp pi nai keung leaungrei ai, kaimy vawi takhra ai. Ni ai katu chanau thawn hai ai. Huni khumichi ly kaimy khai takhra nai samrang i mo y kalop sa u jojo ai.