1 SAMUELA 16:1 - Khumi Common Language Bible

¹ Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 16:1 ပူးပေါင်းရင်းမြစ်များ

1 ARENG KEH 8:16

‘Kai ly kai i khumi lawm nai Israela chengchi ai Aikupta pri i theu hai nai dengdairei, kai ai chiu nai Achura Yhm sa ai nai ly Israela pri y mani mary ai py vawi takhra y. Na i py kai ly kai i khumichi ai peang ai nai, nang ai vawi takhra bo,’ nanai kai i ampo Davida teng y thui pi bo,” napi.

2 ARENG KEH 9:1

Hina nai thym khala y amo Elisa ly amo thawndeang leaungrei ai palau i ni teng y, “Nang ly Kilead pri Ramoth mary mang y chei ai nai angveirym ba. Hini olive asitui py syn jo.

2 ARENG KEH 9:3

Ni i lu y hini asitui leih iy, ‘Areng my nang ai Israela samrang lawm ai nai asitui kang leih bo,’ nanai thui,” napi.

2 ARENG KEH 9:6

Naibaly nini leaung nyhrei ly takun theung y kun hawi i, amo thawndeang my Jehu i lu y asitui leih pi iy, “Israela chengchi i Areng Tameuh my, ‘kai ly nang ai Israela chengchi i samrang lawm ai nai khai takhra bo.

1 NENG SATANG 11:3

Huna nai Israela chengchi ai lu sa naichi ly Hebron mary y awm nai Davida teng y tym u nai khala, samrang ly Areng i mo y huni khumichi hawi amkawm nai vaineng asa bo. Nichi my py Samuela teng y Areng my adeu nai kamta, Davida ai asitui lei iy Israela samrang y palyn u bo.

1 NENG SATANG 28:4

Areng napi nai Israela chengchi i Tameuh ly kai hawi kai i kangpreangchi ai Israela pri y peang jojo ai nai vawi takhra bo. Mymy ly lu sa pi ai nai Juda theaungchi ai vawi takhra pi. Juda pri y awm nai kai i ampo yhm dengtheungchi ai vawi takhra bo. Huni yhm dengtheungchi theung i kai ai patheu iy, Israela pri verei y peang ai nai pei.

ISAIA 11:1

Samrang Davida i kangpreang ly paliu vui nai dengkeaung keung hawi atawm. Na i py dengkeaung miukhiura i chethe kangpho pati nai kamta, Davida kangpreang theung i, samrang kangtha leaungrei amthawn ai.

ISAIA 11:10

Samrang Davida kangpreang theung i amthawn nai samrang ly khumi cheng cheaungkhangchi i vui aly len nai ka-ma-ra harei lawm nai neng tym ai. Nichi ly ni i mary pui y jeu achu iy, ni ai tahm pasang ai.

ISAIA 55:4

Kai ly ni ai khumi cheng cheaungkhangchi i tavailu areng kehra y khai iy, kai i sa thai naira ly khumichi i mo y, pany hai pi ai.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 6:30

Kai, Areng ly nichi ai khai su bo. Hunai deaungkho y nichi ai tangka chang ei, nanai palau ai,” napi.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

ZEKHARIAH 4:14

Huna nai khala kani pri amtaw thau nai my, “Hinichi ly khaileaung pri verei y peang nai keung, Tameuh i kalop sa ai nai mymy vawi takhra iy khai takhra pi nai khumi leaung nyhrei ne,” ang napi.

ROM AVANGCHI TENG Y PAWLA I CHA PA NAI 15:12

Naibaly Isaia my ly, Jesai i tangjyn theu nai, Cheng Takhrachi ai peang ai nai jeu nai keung ly theu ai: mymy ai ly Cheng Takhrachi my athang khai ai,” napi bi.

HEBRAI 11:32

Naibaly atiti kathui veangveang ai rai mo? Kideon hawi, Barak hawi, Samsona hawi, Jeptha hawi, Davida hawi, Samuela hawi, amochi hawi, nichi i satang thui pi ai nai katau iy py neng aleu y leang bo;

I JOHAN 5:16

Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.

1 SAMUELA 10:1

Naibaly Samuela ly Olive asitui adym sa iy, Sawla i lu y lei chum baly ni ai pachawm naimy, “Areng ly nang ai mymy i khumi Israela chengchi i samrang y khai takhra pi bo; nang ly mymy i khumichi ai peang iy, paleung ka-echi my ana naira i nai, ama ha ai nai tla ai. Areng ly nang ai mymy i khumichi ai peang nai keung lawm hai iy khai takhra pi bo, nanai ka-ma-ra ly hini ne.

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,

1 SAMUELA 15:23

Mymy ai tiu nai ly uimiu khawn nai kamta hawi y keh nai ne i, paleung len amlyh nai py, mynchi ai chiu nai kamta kamngo len. Nang ly Areng i leu pei nai tangai y nai deaungkho y, mymy ly nang ai samrang i nai pala vui bo,” napi.

1 SAMUELA 15:26

Samuela my, “Nang hawi kai abang y leang; nang ly Areng i leu pei nai tangai y nai deaungkho y, mymy ly nang ai Israela samrang i nai pala vui bo,” napi.

1 SAMUELA 15:35

Samuela ly my deung y samrang ai niu ali bi y leang bo. Na i py mymy ly Sawla i vui y, khri pa-rei paleung mawn nai ne. Areng py, Sawla ai Israela samrang y palyn nai molam paleung hawi y nai ne.

1 SAMUELA 16:15

My i miseaungchi my, “Tameuh ly phailo hawi y naichi my, nang ai patang hai ai nai ang pato pi nai ne, nanai kaichi pany bo.

1 SAMUELA 16:23

Huni kani i dengdairei Tameuh my phailo hawi y nai Sawla i tlang tleaung y tym nai khala y, Davida ly my i taro beu pi. Naibaly phailo hawi y nai ly theu vui i, Sawla ly hawi ali teang nai ne.

1 SAMUELA 17:12

Davida ly Juda pri Bethlehem mary i khumi Jesai i chapo ne. Jesai ly chapo leaung tajarei awm; Sawla samrang sa nai neng y, Jesai ly khri pa-rei miteaung cheang na bo.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.