1 SAMUELA 15:3 - Khumi Common Language Bible

³ Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.

1 SAMUELA 15:3 ပူးပေါင်းရင်းမြစ်များ

2 SAMUELA 1:8

Samrang ly kai ai ami mo, nanai angdeang i, kai ly Amalek khumi napi.

THEU NAI 17:14

Naibaly Areng my Mosi teng y, “Hini eaung nai ly pany jo ai nai tajiu typ; kaimy Amalek chengchi ai tavai kasum hai ai nai Josua teng y thui pi,” napi.

THEU NAI 20:5

Kai ly nangchi i Areng Tameuh ne i, mani myn ai py chiu u moh. Hunai deaungkho y myn ai lu meung u moh, chiu py chiu u moh. Kai ai niu ngai y nai keungchi ai ly nichi i katu chanauchi tlang tleaung y, deung thom deung palyh khrairei kapajeng ai.

Kati Nai 24:20

Naibaly Balam ly Amalek chengchi ai paleung mei y niu i, hina nai kamta amo leu thui pi: “Amalek pri ly atho awm keh nai pri ne, na i py kangkhym y ly huni pri ly phra seaungkhrang ai,” napi.

Kati Nai 31:17

Hunai deaungkho y neampacho deaungdichi hawi neampachochi hawi apha reng nai neampachy ngiereichi ai ly tleh u pawn.

JOSUA 10:39

Nichi ly samrang hawi vanrei mary ai py, tengpang sahawi y awm nai mary ngierei ai py tiu vui iy, huni marychira y awm nai khumi bawibawichi ai tamyh u pawn bo. Josua ly Hebron mary, Libana mary hawi, hunichi i samrangchi ai sa nai kamta, Debira mary hawi huni i samrang ai py sa teang nai ne.

1 SAMUELA 14:48

Ni ly khri pa-rei vam parai naimy atiu nai ne. Amalek chengchi ai malawn py, tiu pajau nai ne. Ni ly Israela chengchi ai, paleung ka-echi teng i nai atleu pi bo.

1 SAMUELA 15:18

Kamngo parai nai Amalek chengchi ai tamyh pawn ai nai leu pei iy, ang pato nai ne. Mymy ly nichi ai leaungrei py tleaung y pa-rei, padei pawn ai nai leu ang pei bo.

1 SAMUELA 15:9

Na i py Sawla hawi my i khumichi ly Akad ai padei y i, veung hawi keh nai beram hawi sichi, mo-cha hawi keh nai sicho, beramchochi hawi, hawi nai vawnsai cheaungkhangchi ly taphra u y; teaung ai ngo y naichi, vang teng y naichi ai naini taphra u nai ne.

1 SAMUELA 22:19

Sawla ly pathyp pi nai keungchi i mary napi nai, Noba mary y awm nai khumi neampacho, neampachy, thawndeang anglo, deaungdi chympleichi hawi khumi bawibawichi ai py, si, keaungngo kano kasau hawi beramchi ai py, padei hai chauchau bo.

1 SAMUELA 27:9

Davida ly huni khumichi ai neampacho, neampachy takhawi y naimy padei chauchau i, beram, si, keaungngo kano kasau, kula-iuchi hawi baichu ateaung alangchi la pi pawn iy, Akhisa teng y vawi u ali teang reng nai ne.

1 SAMUELA 30:17

Davida ly kani pa-nyh khawn khutawi mo dengdairei, dym tengsa ryrei nichi ai tiu i, kula-iu atang iy preang nai thawndeang leaung chungvai palyhreichi ny y baly, ami py tleaung y nai ne.