1 SAMUELA 15:22 - Khumi Common Language Bible

²² Samuela my, “Areng ly leng patlum nai kapathypra, napi nai katalamrachi talam nai hawi, mymy i leu pei nai tangai naichi theung y, ati ai ngai keh mo? Leu tangai nai ly veung hawi keh nai beram hawi pathyp nai tleaung y vang teng keh nai ne.

1 SAMUELA 15:22 ပူးပေါင်းရင်းမြစ်များ

ATITI AWM ANGCHEI NAI 4:4

Naibaly Abela py mymy i beram cho chalu tleh iy ngan bawi hawi keh naichi Areng teng y talam teang. Areng my Abela hawi mymy i talam nai ai ly kawn pi.

THEU NAI 19:5

Vai nangchi ly kai i leu tangai iy kai i Leu Maikawmchi patawm baly nangchi ly kai i khumichi lawm u ai. Khaileaung bomverei ly kai i ne; na i py nangchi ly kaimy vawi takhra nai kai i khumichi lawm ai.

LEU KACHENG 21:3

Areng ly kapathypra talam nai tleaung y ly leu meitang adyh adawi nai ai kawn keh.

Parip nai leu 5:1

Nang ly Achura yhm y chei nai khala hawihai adawn ba. Hawi nai hawi y nai khawilang takhra ai pany y nai khumi ka-khum i apathyp nai tleaung y ly huni meingtym y chei iy tangai nai ly hawi keh alam nai ne.

JEREMIA 11:4

Huni Leu Maikawm ly nichi ai tamo paheung pui hawi atawm nai Aikupta pri i dengdairei, kaimy pahawi nai thym khala y, kai ly nichi i amsi pajochi hawi asa nai Leu Maikawm ne. Kai ly huni khumichi ai kai i leu tangai ai nai hawi, kaimy sa hai nai kalop ngiereichi sa u ai nai leu pei nai ne. Nichi ly kai i leu pei naichi tangai u lawh ai nabaly, kai i khumichi lawm iy, kai py nichi i Tameuh lawm ai.

JEREMIA 11:7

Nichi i amsi pajochi ai Aikupta pri i dengdairei kapahawi nai thym khala my, kai ly nichi ai kai i leu tangai u ai nai, hawihai palai kathui pi kheng bo. Vaini khrairei kapany hai jojo nai ne.

JEREMIA 26:13

Nangchi ly nangmychi i amhi amtlau nai sai takhra iy, nangmychi i Areng Tameuh i leu tangai u ai nai tla. Huna nai kamta sa u baly mymy ly nangchi ai taphra ai, nanai leu pei yb teu i py, mymy i leu amtlau hai vui ai.

HOSEA 6:6

Kai ly nangchi i tawnbawi hawi apathyp nai aly ngai y, nangchi teng i tamen naira naini ngai khyh. Kai i khumichi my kai teng y leng patlum nai kapathypra talam nai tleaung y, kai ai pany u naini aly ngai khyh nai ne.

HOSEA 8:13

Nichi ly kai teng y apathyp iy, kapathyp mawi cha u bo. Na i py kai, Areng ly nichi i sa nai ngai pi y leang. Vai, kai ly nichi i kamngo pany pi iy, kamngo nai molam pajeng ai. Nichi ai Aikupta pri mang y pato teang ai!

MATTHAI 12:7

Na i py, ‘Apathyp naira ngai y naimy pahen naira kangai,’ nanai awm nai sai pany u i khyly, nangchi ly kamngo so y naichi ai parip nai ny y.

MATTHAI 23:23

“Nangchi Reita patiu nai keungchi hawi Pharisai tapawp naichi awi, nangchi ly taham si! Seaungsyn hawi chamaw hawi chija py nangchi ly horei y harei pei u i, Reita leu aly len keh nai, hawi naira py, pahen naira py, ka-ym awm naira py so u y pasi lawh: na i py hunichi nangchi sa ai nai tla veng, naibaly tuni py sa ai khai su ai nai tlo y leang.

MATTHAI 5:24

huni maicham mo y nang i atiti talam nai ly daw jo ly, naibaly chei iy ngamjo ngamnau hawi aly manme veng ly, huni bo y chei iy nang i atiti pei nai ly talam.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MARKA 12:33

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

1 SAMUELA 13:12

Hunai deaungkho y nichi ly kai i awm naira Kilakala mary y ang tiu u ai nanai hawi, Areng teng y hnei takeng y rai nanai py ka-dawn bo. Huna nai y apathyp y baly avo y leang bo i, apathyp vui nai ne,” napi.

1 SAMUELA 13:13

Samuela my, “Nang i sa nai kalop ly akhum nai ne; nang ly nangmy i Areng my leu pei nai tangai y; tangai lawh baly mymy ly nang hawi vanrei, nang i katu chanauchi ai, Israela pri y deungrei peang hai ai.