1 SAMUELA 15:11 - Khumi Common Language Bible

¹¹ “Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,

1 SAMUELA 15:11 ပူးပေါင်းရင်းမြစ်များ

ATITI AWM ANGCHEI NAI 6:6

mymy ly khaileaung pri y khumi ai sa nai hawi, khumi ai khai nai ly tamang bo, nanai paleung ka-dawn pipi hawi y i, mymy ly khri pa-rei paleung ama bo.

ATITI AWM ANGCHEI NAI 6:7

Naibaly mymy ly “Kaimy i sa nai hini khumichi ai khaileaung tleaung i nai katamyh vui ai; tavochi hawi amso mawichi ai py tamyh ai; nichi ai sa nai deaungkho y kai pipi paleung hawi y,” nanai thui bo.

2 SAMUELA 24:16

Areng i kani pri amtaw thau my Jerusalem mary ai taphra ai nai thym khala, Areng ly khumichi ai pajeng nai molam y paleung amtlau teang i, kani pri amtaw thau teng y, “Angym bo! anawn jau!” napi. Huni neng khala kani pri amtaw thau ly Jebusi cheng Araunah i choh ati nai meingtym sahawi y angdo nai ne.

1 ARENG KEH 11:9

Israela chengchi i Areng Tameuh ly tlen nyhrei amteng hai iy, cheng takhra khumichi i tameuhchi ai chiu y ai nai leu pei teu i py, Solomon ly Areng i leu tangai y i, nithun thun vui nai deaungkho y Areng ly Solomon i tlang tleaung y kado theu i,

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

1 NENG SATANG 21:15

Mymy ly Jerusalem mary y taphra ai nai kani pri amtaw thau leaungrei ai pato iy, paleung amtlau vui i, “Hini ryrei my hawi bo, anawn jau, taphra bi moh jau!,” nanai kani pri amtaw thai ai leu pei bo. Kani pri amtaw thau ly Jebusi cheng Araunah i choh ati nai talang sahawi y angdo nai ne.

JOBA 34:27

leu pei naichi tahm khai u y nai deaungkho y, mymy ly nichi ai, khumi mipuichi i mo y pajeng nai ne.

SAM 109:4

Kai ly nichi ai tamen nai sai patei naimy, nichi i vui chiu sa pi i py, nichi ly kai ai ka-jo hau u bo.

SAM 110:4

“Nang ly pathyp pi nai keung kalen keh Melkhizedeka kamta, deungtasa pathyp pi nai keung lawm ai,” nanai Areng my vaineng abeu iy adeu pi nai ne i, huni adeu nai ly phra ai ny y.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 125:5

Na i py khumi aso y naichi ai pajeng nai khala y, nang i lam khai su nai khumichi ai py kamngo pajeng ba. Israela chengchi ly tlamsa naira ngo u sy!

SAM 36:3

Ni i katheu nai leu ly chai y i, ka-chawi cheichei ne. Ni ly kahawi so y leang, tau kacheng py by y leang bo.

SAM 78:41

Nichi ly Tameuh ai avaw sadyn cham u i, Israela chengchi i tahm asang parai nai hawi, chai parai nai Tameuh ai kado patheu u lawh.

SAM 78:57

Mychi i amsi pajochi kamta leu tangai y i, tiu u bo; nichi ly thailiho ko nai khala y thailiho chyn kataw seaung y nai kamta, ka-ym by y nai khumichi ne.

THEU NAI 32:11

Na i py Mosi ly my i Areng Tameuh teng y khri pa-rei ahui naimy takeng nai ly “Aw Areng, nang ly Aikupta pri i dengdairei sa thai naira len parai nai hawi atleu pi nai, nang i khumichi ai khri pa-rei kado theu hai lawh ai bo a?

THEU NAI 32:14

Naibaly Areng ly kado katheu rym i, mymy i khumichi ai pajeng y naimy lawi hai bo.

JEREMIA 11:10

Kai i leu tangai y naichi ly mychi i amsi pajochi i sa nai kamngochi sa u ali teang bo. Nichi ly tameuh takhrachi ai chiu u lawh. Israela chengchi hawi Juda chengchi ly kai hawi mychi i amsi pajochi asa nai Leu Maikawm ai taphra u mei nai ne.

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 34:16

Na i py nangchi ly paleung ali u bi i, kai ai tahm khai u y bo. Nangchi bawibawi ly nangmychi my tlamsa naira pei nai miseaungchi ai palau teang iy, miseaung y palawn u akhikan taleang bi nai ne.

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

JEREMIA 9:18

Khumichi my py, “Kaichi i meichi ly meikatui hawi kawi iy, kaichi i mei akhymchi ly vo ala nai deaungkho y, meikatui kawi nanai pa-rei, si tlaiveu khulym thui thai nai khulym kakawpchi ai palau u kaliki,” napi u.

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

AMOS 7:3

Areng ly paleung amtlau i, “Nang i niu naichi tym y leang mang,” napi.

JONA 3:10

Tameuh ly huni khumichi i sa nai saichi ai py, hawi y nai saichi khai su nai ai py, niu nai khala y paleung amtlau i, leu pei nai kamta nichi ai pajeng y nai ne.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

ZEPHANIAH 1:6

Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.

MATTHAI 24:13

Na i py tem khala y khrairei kham pajau nai ngierei ly huni khumi kypkyp ly hengra nga ai.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

LUKA 6:12

Naibaly hina nai ne, huni neng khala y mymy ly theu i chiu sa ai nai mawi y chei iy Tameuh teng y vum torei chiu sa.

HEBRAI 10:38

Na i py kai i khumi kahawi ly ym naira deaungkho y heng ai; Ni ly nithun mang y anaw baly Kai i paleung ly den py ni ai kawn y ai.”

JOSUA 22:16

Areng i khumi mipuichi jeng y nichi teng y thui nai ly “Nangchi ly ati mana nai deaungkho y Israela chengchi i Tameuh ai tiu iy, hini hawi y nai kalop sa u lawh mo? Nangchi ly hini maicham sa u nai molam y, Areng ai tiu u nai bo. Mymy ai khai u su lawh ly!

1 SAMUELA 12:23

Kai ly nangchi i vui chiu so pi y nai awm vai y leang; huni molam y Areng my pajeng moh sy; kai ly nangchi ai hawi naira naini kang thui pi ai.

1 SAMUELA 13:13

Samuela my, “Nang i sa nai kalop ly akhum nai ne; nang ly nangmy i Areng my leu pei nai tangai y; tangai lawh baly mymy ly nang hawi vanrei, nang i katu chanauchi ai, Israela pri y deungrei peang hai ai.

1 SAMUELA 15:10

Areng ly Samuela teng y,

1 SAMUELA 15:3

Nang ly chei iy Amalek chengchi ai tiu; nichi i vawnsai ateaung awn nai ngierei, ati cheaungkhangchi ai py, taphra pawn ai nai tla; sorai ai py takhawi moh; khumi neampacho neampachy, deaungdi, deaungdi chymplei naichi, huni bo y awm nai sichi, beramchi, kula-iuchi hawi keaungngo kano kasauchi, hunichi ai tamyh pawn ba,” napi.

1 SAMUELA 15:35

Samuela ly my deung y samrang ai niu ali bi y leang bo. Na i py mymy ly Sawla i vui y, khri pa-rei paleung mawn nai ne. Areng py, Sawla ai Israela samrang y palyn nai molam paleung hawi y nai ne.

1 SAMUELA 15:9

Na i py Sawla hawi my i khumichi ly Akad ai padei y i, veung hawi keh nai beram hawi sichi, mo-cha hawi keh nai sicho, beramchochi hawi, hawi nai vawnsai cheaungkhangchi ly taphra u y; teaung ai ngo y naichi, vang teng y naichi ai naini taphra u nai ne.

1 SAMUELA 16:1

Areng my Samuela teng y, “Nang ly Sawla i vui y mana tanrei paleung si hai jo ai mo? Kaimy ni ai ly Israela samrang i nai kapala vui bo; na i py Olive asitui syn iy, Bethlehem mary y awm nai Jesai napi nai khumi leaungrei teng y chei; kai ly ni i chapo leaungrei ai, samrang lawm ai nai vawi takhra yb veng bo,” napi.

1 SAMUELA 8:6

Samuela ly nichi my samrang hnei nai khala y paleung hawi y; naibaly ni ly Areng teng y chiu sa bo.