1 SAMUELA 14:47 - Khumi Common Language Bible

⁴⁷ Sawla ly Israela pri y samrang lawm nai bo y, ni ly meingtym tleirei y awm nai, my i paleung ka-echi napi nai Moba khumichi, Ammon khumichi hawi Edom khumichi ai py, Zobah samrangchi hawi Philistia khumichi ai py, tavai tiu nai ne. Ni ly mani meingtym y atiu nai py ne sy, tavai eaung.

1 SAMUELA 14:47 ပူးပေါင်းရင်းမြစ်များ

ATITI AWM ANGCHEI NAI 19:37

Chaniu kalen ly deaungdi neampacho tapen i, amyn ly Moba, nanai amyn pathi bo. Vai deung kangthau Moba chengchi i amsi pajo ne.

ATITI AWM ANGCHEI NAI 19:38

Chaniu katheang py chapo tapen teang i, amyn ly Benammi, nanai pathi. Mymy ly vai deung kangthau Ammon chengchi i amsi pajo ne.

ATITI AWM ANGCHEI NAI 36:1

Hini ly Edom napi nai Esaw i kangpreangchi ne;

ATITI AWM ANGCHEI NAI 36:19

Hinichi ly Esaw i kangpreangchi ne.

ATITI AWM ANGCHEI NAI 36:8

Hunai deaungkho y Esaw ly Edom pri mawi tleaung mang y khuteng sa bo.

2 SAMUELA 1:22

Atho awm nai khumichi ai ko naira y py, paleung ka-echi ai padei naira y py, Jonathan i thailiho ly ham parai iy, Sawla i haisau ly pahyp y nai ne.

2 SAMUELA 10:6

Ammon khumichi ly Davida ai mychi i paleung ka-e y khai u lawh bo, nanai apany u nai deaungkho y, Betherhoba mary hawi Zobah mary i Suria tavaimi leaung 20,000 rei, Toba mary i khumi leaung 12,000 rei bo y, samrang Maaka hawi khumi leaung 1,000 reichi ai alai u nai ne.

2 SAMUELA 8:15

Davida ly Israela pri verei peang iy, adyh adawi naimy awm ai nai sa bo.

2 SAMUELA 8:3

Naibaly Rehob i chapo Zobah samrang Hadadeza ly tleaung mang Euphrat tavo sahawi i khu ka-peaung nga teang ai nai tiu nai thym khala y, Davida my ni ai tiu i pajau vui bo.

1 ARENG KEH 11:23

Tameuh ly Eliada i chapo Rezon ai py, Solomon ai tiu hai bo. Rezon ly my i yhmkeung Zobah samrang Hadadeza teng i dengdairei preang iy, paleung ka-e kamkawm lu sa.

2 ARENG KEH 14:27

Na i py Areng ly Israela chengchi ai deungtasarei phra ai nai ngai hai y nai deaungkho y, samrang pa-nyh Jeroboam dengdairei atleu pi bo.

1 SAMUELA 12:2

vai, nangchi ly lu sa nai keung nga u bo. Kai ly miteaung cheang, sam py pau bo; kai i chapochi py nangchi hawi vanrei awm. Kai ly deaungdi khala i dengdairei, nangchi ai lu kang sa pi bo.

1 SAMUELA 13:1

Sawla ly khumi leaung sang thomrei vawi takhra iy, leaung sang nyhrei ai ly mymy hawi vanrei, Mikhama mary hawi bethela mawitleaung meingtym i vui khai patyp bo. Leaung sangrei ai ly my i chapo Jonathan hawi vanrei, Benjamin khu ka-peang Kibeah mary mang y pato nai ne. Huni bo i khumichi ai ly Sawla my yhm mang y vawi hai teang bo.

1 SAMUELA 14:46

Huni bo y Sawla my Philistia chengchi ai preng iy tiu nai ly anawn bo; khumichi py mychi i khu ka-peang mang y vawi u akyhkyh bo.

1 SAMUELA 14:52

Sawla ly my i heng nai ryrei, Philistia khumichi hawi khri pa-rei tavai atiu; hunai deaungkho y ni ly atho awm nai khumi, sorai paleung awm nai khumi ai avum baly, my i tavaimi theung y, nichi ai pakun dudu nai ne.

1 SAMUELA 21:7

(Sawla i beram typ keung kalen, Edom pri i khumi Doka ly huni kani y reita tanyn molam kachai sa ai nai, huni meingtym y tym nai ne.)