1 SAMUELA 14:39 - Khumi Common Language Bible

³⁹ Kamngo sa nai khumi ly kai i chapo Jonathan ne lawh teu i py padei vui ai, nanai Israela chengchi ai atleu nai keung, heng nai Areng teng y kai, leu adeu bo,” napi. Na i py ami py tlau y.

1 SAMUELA 14:39 ပူးပေါင်းရင်းမြစ်များ

2 SAMUELA 12:5

Huna nai khala y Davida ly khumi kanang tlang tleaung y khri pa-rei kado theu i, “Huna nai sa nai khumi ly dei ai nai avo!, nanai heng nai Areng i amyn y kai, vaineng abeu bo.

2 SAMUELA 14:21

Naibaly samrang ly Juaba teng y, “Nang i ngai nai kamta sa ai nai kai, pasym yb bo; chei ly huni deaungdi Abasalom ai palau ba,” napi.

Parip nai leu 9:2

Khumi kahawi hawi khumi aso y naichi py, neaung hawi nai khumi hawi kyh nai khumi py, Tameuh i reita y paleung apei nai khumi hawi paleung apei y nai khumichi py, kapathypra talam nai khumi hawi talam y nai khumi py, atawm riri nai khym taham ly avum u nai ne. Neaung hawi nai khumi ly kamngo sa nai khumi tleaung y hawi keh nai ny y, vaineng abeu nai khumi ly vaineng abeu y nai khumi tleaung y hawi keh lawh y leang.

1 SAMUELA 14:24

Sawla my, Vaini paleung ka-echi ai kai, vawitheung tha teang y ryrei ly teicha teinei cha nei nai khumi ly amsawi lawi kalei sy,” nanai vaineng abeu kheih nai deaungkho y, huni kani y Israela chengchi ly kajeu alam nai y atho bai u na bo. Kani khengrei ami py teicha teinei cho u y.

1 SAMUELA 14:40

Naibaly Sawla my nichi teng y, “Nangchi bawibawi ly hu mang y angdo u, kai hawi Jonathan ly hi mang y angdo ai,” napi. Mipuichi my py, “Ati py ne sy, nangmy i paleung y dawn nai kamta so ba,” nanai pathang u.

1 SAMUELA 14:44

Sawla my ni teng y, “Kai ly nang ai padei y lawh baly, Tameuh my kai ai padei sy,” nanai thui.

1 SAMUELA 19:6

Jonathan i thui nai leuchi ly teng khyp, nanai Sawla my pany hawihai nai deaungkho y, Davida ai padei ai nai atho so y leang bo, nanai Areng i amyn y vaineng adeu bo.

1 SAMUELA 20:31

Davida heng nai ryrei ly hini pri y nang, mana khala y py samrang lawm pajau ai ny y, nanai nang pany y nai sai a? Vaimy chei ly ni ai hi y jeu hai; ni ly dei takengkei ai nai tla!,” nanai leu pei bo.

1 SAMUELA 22:16

Samrang my, “Ahimelek awi, nang hawi nang i amjo amnau bawibawichi ly dei u ai nai tla,” napi.

1 SAMUELA 28:10

Huna nai khala y Sawla my, “Hina nai sa nai molam y nang teng y pajeng naira tym hai y ai nai, heng nai Areng i amyn y kai, vaineng abeu mang,” napi.