1 SAMUELA 14:28 - Khumi Common Language Bible

²⁸ Na i py risa leaungrei my, “Achi bawibawi ly atho bai na veng bo; na i py nang i ngampo my kaichi ai,’ Vaini teicha teinei cha nai khumi ly amsawi lawi kalei sy,’ nanai pasawi kheih nai ne,” napi.

1 SAMUELA 14:28 ပူးပေါင်းရင်းမြစ်များ

1 SAMUELA 14:24

Sawla my, Vaini paleung ka-echi ai kai, vawitheung tha teang y ryrei ly teicha teinei cha nei nai khumi ly amsawi lawi kalei sy,” nanai vaineng abeu kheih nai deaungkho y, huni kani y Israela chengchi ly kajeu alam nai y atho bai u na bo. Kani khengrei ami py teicha teinei cho u y.

1 SAMUELA 14:27

Na i py Jonathan ly ampo i pasawi kheih nai ly thai y; huna nai y ni ly cheaungkau hawi khawiphi thun iy pajawp, khawi bym phyrei py cha. Naibaly ni ly vaimy khesere nai ne.

1 SAMUELA 14:29

Jonathan my, “Achi cheng theaungchi i vui y, ngaai i sa nai kalop ly pipi teng y nai ne; khawi hang maidenrei kacha nai y, mana tanrei khesere na mo, nanai khen u cham!

1 SAMUELA 14:43

Naibaly Sawla my Jonathan teng y, “Nang ly ati sa mo?,” nanai deng. Jonathan my, “Kai ly khawi hang maidenreichy kacha; leu pei nai kamta kadei ai nai angveirym bo,” napi.