1 SAMUELA 14:23 - Khumi Common Language Bible

²³ Israela chengchi ly Philistia chengchi ai Bethavan mary katlen nai ryrei tiu u; huni kani y Areng ly Israela chengchi ai atleu nai ne.

1 SAMUELA 14:23 ပူးပေါင်းရင်းမြစ်များ

2 ARENG KEH 14:27

Na i py Areng ly Israela chengchi ai deungtasarei phra ai nai ngai hai y nai deaungkho y, samrang pa-nyh Jeroboam dengdairei atleu pi bo.

1 NENG SATANG 11:14

Huna nai khala ni ly my i ahawichi hawi li prang ra y angdo naimy, Philistia chengchi ai tiu. Areng ly ni ai eaung naira len parai nai pei pi bo.

2 NENG SATANG 32:22

Hina nai kamta Areng ly samrang Hezekia hawi Jerusalem mary i khumichi ai Asuria empara samrang Senakheri kiu i nai py, takhra paleung ka-echi kiu i nai py atleu iy, tengpang sahawi i prichi hawi aly naira pei bo.

THEU NAI 14:30

Huni kani y Areng my Israela chengchi ai Aikupta chengchi kiu i lawi hai bo; naibaly Israela chengchi ly pangli peang y Aikupta khumi kadei veuchi ahei tliutla nai niu u.

HOSEA 1:7

Na i py kai ly Juda pri khumichi ai tamen ai rai. Nichi i Tameuh kai Areng ly nichi ai atleu ai. Na i py tavai atiu nai hawi py, haisau, thailiho, thailiho chyn, keaungngo, keaungngo tavaimi kamkawm hawi py, nichi ai atleu ai ny y.

Leu Thui Nai 20:4

Nangchi i Areng Tameuh ly nangchi hawi vanrei tavai thau ai i, mymy ly nangchi ai tavai eaung hai ai,’ nanai tavaimichi ai atho pei ai nai tla.

JOSUA 7:2

Josua ly Bethela mary nisi mang i Bethavan mary sahawi y awm nai A-i mary i awm nai sai khen paviu ai nai, khumi phyreichi ai Jeriko mary i dengdairei pato bo.

TARA CHIH NAI KEUNGCHI 2:18

Areng ly Israela chengchi ai lu sa nai keung leaungrei theu hai nai tleirei, Areng my huni lu sa nai keung ai sabawm nai deaungkho y, huni lu sa nai keung heng nai ryrei ly nichi ai paleung ka-echi teng i nai atleu pi. Areng ly nichi ai khri pa-rei pahen nai ne; ati mana nai mo nabaly nichi ly ngari kamtang hawi pahyp y naimy ana naira avum u iy, vo tangam u nai deaungkho y ne.

1 SAMUELA 10:19

Kai ly nangchi i Tameuh, ngari kamtangchi hawi rai naichi theung i, nangchi ai atleu nai Tameuh ne. Na i py nangchi ly kai ai khai su iy, kai teng y samrang hnei u bo. Hawi mang, nangchi ly Areng i mo y cheng theaung ka-thui, nupai ka-thui angym u,’ nanai leu pei bo,” napi.

1 SAMUELA 13:5

Philistia chengchi ly Israela chengchi ai tiu ai nai akachu u. Nichi teng y keaungngo ka-ri 30,000 rei, keaungngo atang nai risa leaung 6,000 reichi hawi, pangli peang i spryh kamta kati pajau y na pa-rei, nawi nanai tavaimi risachi awm. Nichi ly amsa u i, Bethavan nisi mang i Mikhama mary y tai u bo.

1 SAMUELA 9:16

“Khawndam hini neng y Benjamin cheng theaung theung i khumi leaungrei ai, nang teng y kang pato ai; huni khumi ai Israela chengchi i samrang y khai takhra ba; ni ly kai i khumichi ai Philistia chengchi my ana naira i nai ama hai ai; kai ly kaimy i khumichi ngari patang nai kaniu bo; nichi ai sabawm ai nai palau nai raawi py kathai bo,” napi.