1 SAMUELA 13:5 - Khumi Common Language Bible

⁵ Philistia chengchi ly Israela chengchi ai tiu ai nai akachu u. Nichi teng y keaungngo ka-ri 30,000 rei, keaungngo atang nai risa leaung 6,000 reichi hawi, pangli peang i spryh kamta kati pajau y na pa-rei, nawi nanai tavaimi risachi awm. Nichi ly amsa u i, Bethavan nisi mang i Mikhama mary y tai u bo.

1 SAMUELA 13:5 ပူးပေါင်းရင်းမြစ်များ

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

2 SAMUELA 17:11

Nang ai kaimy tau pei ai ngai nai ly pangli spryh jirei nawi nai Israela cheng bawibawichi ai khuteng taki katem i dengdai temra y khrairei palau ai nai ne. Naibaly nichi ai nangmy lu sa iy tavai keung y thau ba.

1 ARENG KEH 20:27

Israela chengchi py akachu u i, teicha teineichi hawi, mary angam mang y theu u. Naibaly nichi ly mychi i tavaimi kamkawm ai phy nyhrei phy iy, Suria tavaimi kamkawm mang y motha i, meingtym la u bo. Adym verei kawipri nanai Suria chengchi hawi khen pata baly, Israela chengchi ly mi-i kanghuchy nyhrei hawi atawm nai ne.

2 NENG SATANG 1:9

Aw Areng Tameuh, nang ly kai i ampo teng y leu adeu nai ly khaw hai. Nang ly kai ai kati leila y na pa-rei nawi nai hini khumichi i samrang lawm hai bo.

ISAIA 10:28

Paleung ka-echi ly Ai mary y tym u bo! Nichi ly Mikaron mary y tako prei iy ang jeu u bo! Mychi i cha nei vawnchi ly Meima mary y daw u nai ne!

ISAIA 48:19

Nangchi i kangpreangchi ly spryh jirei nawi iy, kai ly nichi ai mana khala py, myn kang hai ai ny y.”

JEREMIA 15:8

Kai ly nangchi i neampachychi ai lumai lawm hai i, pangli spryh tleaung y py nawi bo. Kai ly deaungdichi ai hawi thym khala my kapadei pawn nai deaungkho y nichi i amhmchi ly vo tangam u bo. Nichi ly vaimy kaso theu u i, paleung bi, paleung mawn u nai ne.

HOSEA 10:5

Samari mary i khumichi ly Bethavan mary y awm nai muku si katai myn tama vui nai molam y, jei i vo tangam u ai. Huni myn ai chiu nai khumichi hawi pathyp pi nai keungchi ly muku si katai myn i vui y vo u ai. Huni muku si katai myn i sa thai naira tama iy, pri takhra mang y syn vui nai khala, nichi ly tangam u ai.

HOSEA 4:15

“Nangchi Israela khumichi ly kai i tlang tleaung y ka-ym by y teu i py, Juda khumichi ly huna nai kamngochi so u moh sy, Kilakala mary, ti y baly Bethevanmarychira y chiu u moh. Huni marychira y heng nai Areng i amyn tau iy vaineng abeu u moh.

HOSEA 5:8

Kibeah mary theung y baw eng u! Ramah mary theung y satang pei u! Bethavan mary y tavai thau nai aeu u! Benjamin cheng theaungchi awi, tavai thau u!

ROM AVANGCHI TENG Y PAWLA I CHA PA NAI 9:27

Naibaly Isaia my py Israelachi i molam y aeu hai nai “Israela kangpreangchi ly pangli spryh jirei nawi iy py, nichi theung i nai phyreichi hengra nga ai khyh.

JOSUA 11:4

Nichi ly pangli peang y awm nai sa-ichi jirei nawi nai tavaimi risachi hawi tavai thau u bo. Nichi teng y keaungngo hawi keaungngo ka-ri neangneang abawi.

JOSUA 18:12

Nichi i khu ka-peang tosyh mang khujyh ly Jordan tavo dengdairei amteaung iy, Jeriko mary tosyh mang i mawi aheung mang y lyn kalau baly, nidym mang Bethavan daichi ka-vym ryrei, mawi aheung y tako prei nai ne.

JOSUA 7:2

Josua ly Bethela mary nisi mang i Bethavan mary sahawi y awm nai A-i mary i awm nai sai khen paviu ai nai, khumi phyreichi ai Jeriko mary i dengdairei pato bo.

TARA CHIH NAI KEUNGCHI 7:12

Midian chengchi, Amalek chengchi hawi, khutaha daichi ka-vymra y awm nai khumichi ly akhutama kanghuchi kamta, leaunghawira y i u bo. Nichi i kula-iuchi ly pangli peang y awm nai spryh jirei nawi nai ne.

1 SAMUELA 13:11

Samuela my, “Nang ly mana sa vui lawh mo?,” nanai deng. Sawla my, “Khumichi ly kai teng i nai preang u dudu bo; nang ly adeu nai neng y tym y lawh; naibaly Philistia chengchi ly Mikhama mary y a-engchu na bo.

1 SAMUELA 14:23

Israela chengchi ly Philistia chengchi ai Bethavan mary katlen nai ryrei tiu u; huni kani y Areng ly Israela chengchi ai atleu nai ne.

1 SAMUELA 14:52

Sawla ly my i heng nai ryrei, Philistia khumichi hawi khri pa-rei tavai atiu; hunai deaungkho y ni ly atho awm nai khumi, sorai paleung awm nai khumi ai avum baly, my i tavaimi theung y, nichi ai pakun dudu nai ne.

1 SAMUELA 17:1

Philistia chengchi ly Juda pri Sokoh mary y tavai tiu ai nai akachu u bo; huni mary hawi Azeka mary sala i, Ephe Damim napi nai meingtym y tai u.

1 SAMUELA 7:13

Hunai deaungkho y Philistia chengchi ly tavai sum u bo. Areng ly nichi ai Samuela heng nai ryrei ly Israela chengchi i khu ka-peang theung y kun ai nai pei y.