1 SAMUELA 12:22 - Khumi Common Language Bible

²² Areng ly nangchi ai mymy i khumi palawn iy vawi takhra bo. Hunai deaungkho y mymy ly my i amyn saho y nangchi ai khai su y leang.

1 SAMUELA 12:22 ပူးပေါင်းရင်းမြစ်များ

1 ARENG KEH 6:13

Nang i sa nai Achura Yhm theung y hawi, kai i khumi Israela chengchi theung y py, kai awm ai,” napi.

1 ARENG KEH 8:57

Achi i Areng Tameuh ly amsi pajochi hawi vanrei awm hai nai kamta, achi ai mana khala py khai su y naimy, achi hawi vanrei awm hai sy.

2 ARENG KEH 14:27

Na i py Areng ly Israela chengchi ai deungtasarei phra ai nai ngai hai y nai deaungkho y, samrang pa-nyh Jeroboam dengdairei atleu pi bo.

2 ARENG KEH 21:14

Dei kamthum khumichi ai kaimy khai su iy, paleung ka-echi teng y au ai. Paleung ka-echi ly nichi ai tiu iy, nichi i vawnsaichi lawm pi pawn ai.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

SAM 106:8

Na i py mymy ly mymy i sa thai naira khri pa-rei len parai nai patei pi ai nai adeu yb nai kamta nichi ai atleu bo.

SAM 94:14

Areng ly mymy i khumichi ai aphi su ai ny y; mymy i peang nai khumichi ai ly khai su ai ny y.

THEU NAI 32:12

Aikupta chengchi my, nang ly Israela chengchi ai mawichira pahawi iy tamyh be ai nai, Aikupta pri i dengdairei pahawi nai teu, nanai thui y ai a? Kado theu hai me mo ly paleung amnym kyh jemjem ba; nang i khumichi tlang tleaung y pajeng naira tym hai mo kyh.

ISAIA 37:35

Kai ly kaimy i tahm awm nai ai py, kai i miseaung Davida teng y pei nai leu ka-deu molam py, hini mary ai ama hai ai,” napi.

ISAIA 41:17

Kai i khumichi tui ngai nai hau nai khala py, nichi tui kanghai tao phui nai khala py, kai, Areng ly nichi i hnei takeng nai pathang pi ai. Israela chengchi i Tameuh, napi nai kai ly nichi ai mana khala py khai su ai ny y.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 43:25

Na i py kai ly kaimy i tahm awm nai molam y, nangchi ai kamngo pahen pi nai keung Tameuh ne.

ISAIA 43:7

Nichi ly kaimy peang nai khumichi, kai i nang parai nai amthang hai ai nai, kaimy sa nai khumichi ne,” napi.

ISAIA 48:11

Kai ly ati mo sa i py, kaimy i tahm anem y ai nai sa. Kaimy i amyn phra ai nai kasa ai ny y. Kaimy leaungrei naini nga ai ataing nai nang parai nai py, takhra amimi ai py nga hai ai ny y,” napi.

ISAIA 49:15

Hunai deaungkho y Areng my, “Amhm ly mymy paleung tleaung i chanau ai tami vui thai na a? My i kajeu y aneng nai deaungdicho ai, tamen y nai awm thai na a? Amhm ly mymy i deaungdicho ai tami vui lawh teu rai sy; kai ly nangchi ai mana khala py, tami vui ai ny y.

ISAIA 63:8

Areng my, “Nichi ly kai i khumichi ne nai deaungkho y, kai ai li-tapawp u ai ny y,” napi. Naibaly mymy ly nichi i avum nai ngari kamtang cheaungkhangra i nai atleu pi ai.

JEREMIA 14:21

Nang i leu adeu naichi pany pi jo kyh ly khensi-me moh kyh ba. Nang i nang parai nai sai apu nai areng atehra, napi nai Jerusalem mary ai tahm panem moh kyh ba. Nang ly kaichi hawi asa nai Leu Maikawm ai taphra moh kyh ba.

JEREMIA 14:7

Kai i khumichi my kai teng y, ‘Kaichi ly kaimychi i kamngo my thui tamawn teu i py, aw Areng, kaichi ai nangmy i amyn y sabawm kyh ba. Kaichi ly nang ai avaw avawrei, nithun kathun u bo. Nang i tlang tleaung y kamngo kasa u lawh bo,’ nanai aeu u.

JEREMIA 14:9

Ati mana nai y nang ly mynkym vui nai kamta py, sabawm ai nai sa thai naira by y nai tavaimi risa kamta py, lawm lawh mo? Aw Areng, nang ly kaichi hawi vanrei awm khyp na a! Kaichi ly nang i khumichi ne i, khai su moh kyh ba,’ nanai takeng u bo”

TANGAM NAI LEU 5:20

Nang ly ati mana nai y kaichi ai avawrei tami vui lawh mo? Ati mana nai y hina tanrei kra nanai pa-rei, kaichi ai khai su lawh mo?

Ezekiela 20:14

Na i py huna nai tamyh pawn lawh baly, pri cheaungkhangchi i mo y kai i amyn phra ai. Ati mana nai mo na baly nichi ai Aikupta pri i dengdairei kaimy pahawi nai ly khumi cheng cheaungkhangchi my niu nai deaungkho y ne.

Ezekiela 20:9

Na i py kai i amyn y nichi hawi vanrei awm u nai prichi teng y tahm anem y ai nai, huna nai kaso pi vai y. Ati mana nai mo na baly Israela chengchi ai Aikupta pri i dengdairei kapahawi ai nanai, nichi hawi vanrei awm u nai cheng takhrachi i mo y, kai ly adeu pi nai deaungkho y ne.

MALAKHI 1:2

Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

MATTHAI 11:26

Ne, Ngaai awi! Hunai kamta sa ai nai nang ly hawi, nanai pany.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

ROM AVANGCHI TENG Y PAWLA I CHA PA NAI 11:1

Tumbaly Tameuh ly mymy i khumichi ai ly aphi vui a? Ny y leang. Kai py Israelacho, Abraham i kangpreang Benjamin cheng ne.

ROM AVANGCHI TENG Y PAWLA I CHA PA NAI 11:29

Tameuh i jawm my pei nai sa thai naira hawi, palau nai molam y py paleung adawn ali ai nai by y leang.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

EPHESI 1:12

Krista ai athang khai manme chum naichi ly mymy i nang parai nai sai palo ai naira lawn ai nai, Krista kypkyp y ly kaichi ai mymy i yhmtheaung lawn ai nai ang sa nai ne.

EPHESI 1:6

Huni pahenra ly Ngai Parai Nai y jawm my ang pei;

Leu Thui Nai 14:2

Areng ly khaileaung pri khumi cheng bawibawichi theung i, nangchi ai mymy i khumi palawn ai nai vawi takhra nai deaungkho y, nangchi ai nangchi i Areng Tameuh my peang nai ne.

Leu Thui Nai 31:17

Huna nai khala kai ly kado theu iy nichi ai khai su ai, naibaly nichi ly tama u ai. Nichi ly ka-jei awm nai patangrachi avum u ai. Huna nai khala nichi i Tameuh kai ly nichi hawi vanrei awm pi y nai deaungkho y, hina nai ka-jeirachi avum nai ne, nanai nichi pany u ai.

Leu Thui Nai 31:6

Atho ala iy sorai paleung thau u. Huni khumi chengchi ai jei u moh. Nangchi i Areng Tameuh ly nangchi ai awm hai ai. Mymy ly nangchi ai ang sabawm takengkei ai i, nangchi ai ang khai su ai ny y,” napi.

Leu Thui Nai 31:8

Areng mymy kypkyp my nang ai pahawi ai i, nang hawi vanrei awm ai. Mymy ly nang ai sabawm takengkei ai, nang ai khai su y leang. Hunai deaungkho y athosi moh, jei py jei moh,” napi.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

Leu Thui Nai 9:5

Nangchi i hawi nai saichi deaungkho y Areng my huni pri nangchi teng y ang pei nai ny y leang. Huni khumichi i kamngo nai molam py, nangchi i amsi pajo Abraham, Isaka, Jakobchi teng y adeu nai leu khaw hai ai nai aly ngai nai molam py, Areng ly nichi ai patheu pawn ai.

PHILIPI 1:6

Ati mana nai mo nabaly nangmychi i paleung theung y atiti kahawi sa amteaung hai nai keung ly Isu Krista i kani tym pa-rei sa angym hai jojo ai, nanai, kai ly huni kypkyp ly ym cheng cheng veng.

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

JOSUA 7:9

Kanan cheng dengdairei, hini pri y awm nai khumi bawibawichi ly huni satang thai u i, kaichi ai katanmeuh iy leaungrei py tleaung y na pa-rei ang tleh u ai. Huna nai khala, nang i nang parai nai sai khumichi my tahm panem y ai nai mana sa ai mo?” napi.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;